💜مساء وداعات رمضان💜
...نازك الحمراني...
#عشق_المؤمنين
الجزء الثامن عشر
........
چان اصعب موقف من طلعو اهلي..
لسى الصدمه بالي...
ليش صار بسيد مهدي هيچ..
انقهرت علیه....
واني أبچي لأجله
الدنيا چانت تضحك له....
بين أيام هذا حاله...
سويت روحي نايمه..
برغم صوت البچي
أتنوع له من ورى الشرشف...
دخل للحمام...خفت لايريد يقترب مني..
وحرام أمنعه...
بس ونفسيتي لنخدعت بهل يوم..
فرش السجاده وعيني تتبع كل حركه يسويها
كل خطوه يمشيها بلا عكاز....
يغمض عيونه بألم
الحظه تمنيت أصبر عليه...
خجلي المميت يمنعني
ماأنكر طبيعتي ألي متعبتني من زمان
أنو اني أنسانه غير أچتماعیه..
عکس غفران...بکلشي.
حقي مسلوب
امري مغلوب
مااعرف اعبر عن الي بداخلي..
بدآ یصلي وتكبيراته عاليه...
غمضت عيوني أريد أسمعه
يصلي بخشوع...وتدبر
كزبر جسمي من حركات صلاته المتقنه..
وچني أتنوع الأمام جامع عادل
خلص صلاه وهو يفتح كتابه يمه مافرزتن شنو
بس من قراء عرفت هذا دعاء العهد
وبداء ببسم الله
صوته كلش حزين بيه بحة بتجويده...
أقشعر جسمي الكل كلمه يقراها...
وكأن اجى هل هذا الدعاء بوقته
بچیت عند امامي...علی وضعي..
ودنيا الي ماترضى تفك عني
وا أكثر شي اذاني من لي مر عليه
مو موقف سيد مهدي
لا ابد
الي أذاني موقف ابوي الي مارف عليه
ولاكال بنيتي مصدومه..
من دخلت ردت أحضنه...
تلاكني بضربه على حلكي
من دون وعي شكيته المولاي
ليش اني من دون البنات
هيچ وياي يصير....
وليش آظل اتمنى وفقط
اتمنى تمشي ويايه الدنيا ولو مره صح
انهاريت بالبواچي..
ماعرف رحت بعالم ثاني من آلبچي..
كلمات الدعاء"عذوبة صوته"وموقف أبوي..
خلاني غركانه دموع
مااشوف اله وسيد مهدي أجاني
كعد ع طرف ألچربايه من كتري....
وبعیونه حزن قوي..
كعدت استر شعري..قبل لايحجي
-هو انتي راح ضلين تبچين
عقیله راحت عيونچ لخاطر محمد كافي
آشبيدي اسويلچ کولي
إذا تريدين بس يطلع صبح
أوديج ألأمج .... هزيت راسي
-ماريدأروح مابيه شي هسه اسكت ..نهض
عافني تمدد ينام...
نهضت للحمام أتوضى
مقابيلي مرايه شفت عيوني من ألبچي ورمت
وخصوص عيوني الي ضربتها سميره بسچین
من يوم ماضربتي بسچین...
صار بیها تخلخل بعدسة العين
ماكدر... أفتحها....كوه
واني بلغرفه نعست بس شلون أنام...
يا الله استحي....
اصلا بطبيعتي عند لمستحى قويه
اقصى حالاتي من اجن عماتي
واستحيت أنام يمهن
وهسه بين يوم ولليل اني ورجال بنفس الغرفه يبوووو عيني ياربي
سجادته على حطتها...كعدت عليها
عطره مالي المكان جريت نفسه شميته
فتحت قرأني...
واني أفتح اوراقه بحذر
أجت بالي ذكرياتي وي هذا القران
ألي أبد ميفارقني
أله معزه خاصه عندي..
أطتنيا العتبه العباسيه من أسنين
شاركت بمسابقه قرانيه وتجويد
كرموني بيه...
ومن كد ماأخاف عليه
خليت أخوي علي يغلفه بنايلون أليه
اخاف عليه لايتمزك
لان هواي استعمله
وأ احبه خليته على صدري
أطمئنيت...
فتحته وأني اقره بيه الحد الصبح
كمت لميت ألغراض...
وقميص السيد وسترته...ودي اشمهن...
بس بعدتهن
ضميت قرأني
لان هذا عشقي...
وهذا حبي ألي دائمآ حاملته
وماافارقه أبد
وأاكثر الاحيان اكون حاملته بايدي بأي مكان اروح
وأحط قريب على قلبي..
حتى لو أزوج مااريد هاي ألعاده تتغير
لأن هومن يكون قريب على قلبي
وعشق الأنسان المؤمن هو القرأن
أحس بطمئنينه...اذا قرأني يمي
خليته على ميز لبست الحجاب ونقاب"والچفوف
وضميت غراضي طاحن الأمشاط"والعطور
وطلعت ملابسي وعباتي ...
وعیوني للمرايه
أتنوع للسيد الطوله....وهو متغطي اكيد نايم
مااأحس اله شال ألغطى عن راسه.....
-
-نامي حتى لو مجرد ساعه...
لآن تتخربطين ورانا طياره...خجلت منه
واني لبالي نايم أستحيت من عده اكيد زعجته
سكتت ودنجت....
كعدت أستغفر بلمحبس الأكتروني..
كاعده عل كرسي..
وراجه راسي عل حايط...
واني أستغفر...بدل ماأبچي
انتصرت على نفسي..واني اشوف نفسي
وصلت الحد خمس مية أستغفار..
استغفار بتدبر..
افضل من أن اظل أندب حظي
