ليتني عرفته منذ زمن

جذبتي عيناكي

في الجامعة
نور:عاوز تسيبني ليه يا حازم
حازم:الظروف يا نور
نور: متقولش الظروف لو علي الظروف هستناك لأخر العمر
حازم: انتي بنت خالتي و بخاف عليكي زي أختي
نور:بس أنا عمري ما كنت أختك يا حازم
حازم:ساعات بنعمل حاجات مش راضين عنها بس لازم اسافر
نور:وإيه المشكلة استناك أو أسافر معاك
حازم: نور علي فكرة انا مسافر بكره
نور:والله وجاي تبلغني مكنش فيه داعي تضحك عليا كل دا انا عرفت كنت متغير الفترة اللي فاتت ليه بس للاسف كنت غبيه

استيقظت نور من هذا الكابوس لا إله إلا الله ايه اللي جابك في تفكيري دلوقتي يا حازم استغفر الله العظيم أنا عمري ما أحب أكون خاينه حتي في تفكيري لما أقوم أصلي و استغفر ربنا 
توضأت نور و صلت و قرأت وردها من القرآن و ذهبت إلي المطبخ لتحضير وجبة الافطار لزوجها و أولادها
"نور امرأة في الاربعين من عمرها متزوجه من سيف محمود ولديها ولدان إياد و أدهم"
نور:سيف يا حبيبي قوم هتتأخر
شردت نور هو حبيبك فعلا ولا كلمه اتعودتي عليها انتي عمرك ما حبيتي يا نور جوازك كان مجرد هروب من مرات ابوكي
فلاش باك
نور في الخامسة عشر من عمرها يدخل اليها والدها الحاج علي القاضي
علي: نور حبيبتي
نور:نعم يا بابا
علي:بتعملي ايه ؟
نور:عادي يا حبيبي قاعده اقرأ
علي:بتقرأي ايه ايه دا احنا كبرنا خالص بنقرا زهور كويس علشان عاوزك في موضوع
نور:خير يا بابا
علي:انا من ساعة ما أمك الله يرحمها توفت و انتي عندك 3 سنين و انا معاكي انا و عمتك و بصراحة خالتك برضوا
نور:ايوه يا بابا فعلا
علي:بس دلوقتي يا بنتي عمتك ولادها كبروا و اخدوا اغلب وقتها و أنا مش عاوز اسيبك لوحدك
نور:عادي يا بابا انا لما باجي من المدرسه بروح عند حد فيهم هما مش بعيد
علي:نور كل واحد عنده مسئولاياته و انتي خلاص كبرتي و هما عندهم صبيان أنا قررت اتجوز و نستقل بحياتنا
نور:بدموع منهمره ايه يا بابا هتتجوز مين؟
علي : هتجوز سوسن السكرتيرة
أفاقت نور من شرودها علي قبله من زوجها
سيف :صباح الخير يا حبيبتي
نور :صباح النور يا حبيبي صحيت الولاد
سيف: يووو يا نور قولت كام مره مش بحب اصحيهم.
نور :حاضر يا سيف هصحيهم انا
وبعد تناول الافطار ذهب كلا منهم الي عمله
نور تعمل مهندسة ديكورفي مكتب "مدحت الصاوي"
نور:السلام عليكم
رقية: و عليكم السلام يا مهندسة المهام الصعبة.
نور:نقي بقي يا حبيبتي انا بحب شغلي
رقية:ماشي يا ست الحبيبة
نور هتشربي حاجه
رقيه:ما تتعشميش اوي كدا عم ابراهيم اجازه النهارده" عم ابراهيم رجل البوفية"
نور: وايه يعني مش من حقه اجازه نعمل احنا
رقيه:ماشي واحد نسكافيه
.......ّ.............................
اما عن سيف وصل  إلي عمله فهو يعمل كمدير مبيعات في احدي الشركات الكبري فهو خريج تجاره انجليزي وكل همه ان يكون في مركز مرموق و يحصل علي راتب مجزي فدائما يشعر بالنقص تجاه نور فراتبه لا يتعدي نصف راتبها
دخل سيف الي مكتبه بوجهه العابس و بدأ يفتح حاسوبه ليري ما هو جديد في عمله
سيف :امتي الواحد ربنا يتوب عليه من القرف دا فهو لا يرضي دائما بما قسمه الله له
...................................... 
وفجأة علي صوت هاتفها تستيقظ بصوت نعسان الو
نور:الو يا زفته
تقي :زفته علي الصبح طب قولي يا ورده يا فله اهو كل هه في الاخر
"تقي صديقة نور منذ الطفوله فهي اختها التي لم تنجبها امها"
نور:طب ياختي طول مانتي مآنتخه في اليت كدا هتفضلي نايمه
تقي: ليه الساعة كام؟
نور:11 يا برنسس
تقي:يااا حسين نزل من غير ما يفطر تلاقيه صحاني و انا كبرت
نور:الله يكون في عونه والله المهم يا توتا اخبارك ايه
توتا:مفيش جديد حسين مفقدش الامل في موضوع الولاد و انا بقوله روح اتجوز كلها كام سنه و مش هيبقي فيه امل اصلا
نور: ليه يا بنتي دا انتي لسه صغيره
توتا:صغيرة ايه انا عندي 37 سنه  ولا انتي ناسيه
نور: لا ياختي مش ناسيه انتي اللي قدك متجوزوش
توتا:بضحكه مصطنعه ههههه ماشي يلا هقفل معاكي علشان ألحق أصلي  الضحى
نور: ماشي يا قلبي و ادعي لاياد معاكي قلبي وجعني عليه اوي يلا سلام
"اياد الابن الاكبر لنور عمره ١٥ سنه تعرض لحادث جعله لا يستطيع الحركه و من صدمته فقد النطق ايضا"
نور:رنا هو مستر مدحت وصل
رنا:ايوه وصل
نور: بعد اذنك عاوزه ادخله
"رنا سكرتيرة مدحت و لكنها لا تحب نور تحقد عليها لنجاحها و اهتمام الناس بها"
رنا :مستر مدحت منتظرك
طرقت نور الباب
مدحت : اتفضلي
نور: صباح الخير
مدحت:صباح النور
نور:انا خلصت الشغل اللي معايا و العميل شافه و مفيش تعديلات و جاي لحضرتك النهارده يسلم اخر شيك و يستلم المفتاح
مدحت:مش جديد عليكي تخلصي قبل الميعاد
نور:مرسي يا مستر انا هعدي علي رقيه و اطلب منها الشغل الجديد
مدحت:هتلحقي احنا اجازتنا كمان شهر
نور :متقلقش هلحق ان شاء الله انا هكلم العميل و اعمل المعاينه بكره
طرقت رنا باب مدحت
مدحت:اتفضل
رنا:المهندس اسر الشهاوي برا
مدحت:انتي ازاي تسيبيه برا يدخل فورا
"اسر الشهاوي مليونير و من اكبر رجال الاعمال صديق مدحت"
أسر:دخلت طبعا مش مستني رد
مدحت :اول ما افتكرت ٣ شهور مشوفكش
اسر :بكره تزهق و يلتفت بنظره غير بريئه لنور مش تعرفنا
نور لم تعطي فرصه لمدحت للرد
نور:خلاص يا مستر استأذن انا و بكره ان شاء الله هبدأ الشغل الجديد عن اذنك ولم تنتظر الاجابه من مدحت فشكل اسر غير مريح بالنسبه لها
اسر:مين دي يا مدحت
مدحت:ملكش دعوة دي غير اللي تعرفهم
اسر: بس انا جيت هنا كتير مخدتش بالي منها جديده ولا ايه
مدحت:لا بقالها ١٥ سنه بس هي علي طول مشغوله علشان مجتهده
اسر :لالالا دي عنيها فيها حاجه كدا تخطف
مدحت: فعلا عنيها فيها حاجه بس دي واحده محترمه
اسر:جري ايه يا دوحه انت واقع كدا بقي انا انسحب انت اخويا
مدحت:لا انت فاهم غلط انا بقول عنيها فعلا تخطف بس
اسر:نيجي عند بس دي و نقول احلي كلام
مدحت :ايه يابني افصل بس نور بالنسبالي اختي انا ربنا يخليلي منال و ميرنا و ادم
اسر: نور اسم حلو بردوا خلاص يا سيدي ربنا يخليلك مراتك  انا بقي معنديش
مدحت: بلاش يا اسر دي متجوزه و عندها ولاد وبصراحه مش عاوز اخسرها فشغلي