ليتني عرفته منذ زمن

الفصل التاسع

افاقت نور وجدت منال بجانبها
نور: انا فين
منال: انتي بخير يا نور
نور: اه انا فاكره ان اسر عمل حادثه ودخل في مقطورة كبيرة اسر و بصراخ اسر فين يا منال انا السبب
منال: اهدي يا  نور علشان دراعك
نور: مش مهم انا اسر فين يا منال
منال: والله كويس هو في الرعايه
نور: عاوزه اشوفه
منال  امسكت نور و ذهبت الي حيث يقف مدحت
مدحت : ازيك يا نور حمدلله علي السلامه
نور: الله يسلمك
مدحت: ايه اللي حصل
نور: معرفش اسر دخل في مقطورة كبيرة و محستش بحاجه غير هنا اسر فين

اشار مدحت الي لوح الزجاج الذي ينظر منه علي اسر
مدحت: هو في غيبوبه ادعيله
بكت نور بحرقه علي حبيبها خوفا ان يضيع منها بعد ان وجدته
نور: ممكن ادخله
مدحت: هسأل الدكتور هو مانع بس هحاول معاه
ذهب مدحت الي الطبيب وترجاه فسمح لها بوقت قليل
دخلت نور و مسدت علي شعره و مسكت يده والدموع تنهمر من عينيها
نور: سامحني والله بحبك انت فهمتني غلط خليك معايا متسبنيش عارف انا عرفت اني عمرى ما حبيت حد غيرك سامحني و فوق علشان خاطرى
وهو لا يبالي فالاجهزه تعمل و هو في عالمه الاخر  دخلت الممرضة
الممرضة : لو سمحتي يا مدام كفايه كدا و اخرجتها

مدحت : يلا يا نور علشان تروحي
نور: لأ مش همشي
مدحت : يلا يا نور طمني الولاد و ان شاء الله بكره نرجع ملهاش لزمه القعده
ذهبت نور الي منزلها وقد تركت روحها معه
اياد : حمدلله علي السلامه مالك   امال بابا فين
نور تبكي عملنا حادثه و بابا في غيبوبه ادعيله يا اياد
ادهم يبكي ان شاء الله هيبقي كويس انا هتوضا واصلي وادعيله
نور : كلنا لازم ندعيله احنا مشوفناش غير حبه و طيبته

زكيه ببكاء اخباره ايه يا بنتي
نور: ادعيله يا دادا
وصعدت نور الي غرفتها و غيرت ملابسها و صلت و اخذت تدعي لحبيبها حتي غلبها النوم علي سجادتها
اسر: ليه بتكرهيني للدرجه دي يا نور مش عاوزه مني ولاد انا عمري ما حبيت حد ادك
نور: والله عمري ما حبيت حد غيرك انا اكتشفت انك اول حب في حياتي
وفاقت من نومها علي اذان الفجر ادركت انها تحلم
وتمر الايام علي نور كانها سنين كل يوم تذهب لاسر تتحدث معه عن حبها له دون ملل لعل يشعر بها يوما و بعد عشرة ايام من الحادث دخل كل من نور و منال و مدحت الي المشفي قابلتهم الممرضةمين نور
نور: انا خير
الممرضه المريض فاق و عمال ينطق اسمك
جرت نور عليه و دخلت دون استاذان من احد وظلت تقبل يده
اسر: بس براحه
قامت نور واحتضنته و قبلت جبينه
اسر بتعب ايدك مالها
نور :مفيش بس دراعي اتكسر المهم انت يا حبيبي
اسر: الله انا كل يوم هعمل حادثه
نور: اوعي تقول كدا انا اسفه والله ما كنت اقصد
اسر: هش مش عاوز اتكلم في حاجه
طرق مدحت الباب
مدحت: ايوا بقي مين لقي احبابه
اسر: وانا اقدر اعيش من غيرك بردوا
منال: ربنا يخليكوا لبعض حمدلله علي سلامتك يا اسر
اسر: الله يسلمك يا مينو امال دوحه شادد حيله علينا ليه
منال: ههههههه كدا تبقي خفيت طالما قولت دوحه
شعرت نور بالغيره عندما قال لها مينو
ظل اسر في المشفي اسبوع تحت الملاحظة و حين كان يرتدي ملابسه ليغادر المشفي رن هاتفه ليعلن عن اتصال مديحة هانم
نور: تليفونك يا اسر
لم يجب ولكن عندما رن للمرة الثانيه ردت نور
يا تري مين مديحه هانم و حكايتها ايه
نور: الو
مديحة: مين معايا
نور: مين حضرتك
مديحة: انا مامة اسر مين معايا
نور: انا نور مراته ازي حضرتك
خير مديحة: مراته و جابك منين
نور باستغراب نعم
اخذ اسر التليفون من يدها
اسر: خير مديحة هانم
مديحة: ازيك يا حبيبي ازاي اعرف من بره انك عملت حادثه و البني ادمه اللي معاك دي مبلغتنيش ليه
اسر : لانها ببساطه مسمعتش عنك و انتي عارفه اني مش بحب اتكلم عنك و لو مت اكيد هتعرفي زي ما عرفتي اني عملت حادثه
مديحة: ليه كدا يا اسر
اسر : مش عارفه ليه ارجعي بالذاكره ٣٥ سنه يمكن تعرفي مع السلامه بقي علشان عاوز امشي من المستشفي واغلق الهاتف
نظرت له نور بدهشه
نور: ليه كدا يا اسر انت ازاي تكلمها كدا
اسر: لو سامحتي مش عاوز اتكلم في الموضوع دا انا تعبان
نور: ماشي ما تجهدش نفسك
عاد اسر الي ابنائه و جلس معهم فهم وحشوه كثيرا كما ان زكيه فرحت بعودته فهو ابنها الذي لم تنجبه
نور: ايه مش هترتاح
اسر: هطلع اهو ماشي يا ابطال الاوامر صدرت
اياد: ههههه ايه دا وانت قولت حاضر على طول
نور: ماشي يا ايدو
قام اسر و امسك يد نور ثم قبل كل من اياد و ادهم ثم صعد الي الدور الثاني
اسر : هاحبيبتي هنقعد فين
نور:باستنكار عادي يا حبيببي كل واحد في اوضته
اسر: نعم ياختي انت بتتحولي ولا ايه
نور: ههههههههههه متزعلش خلينا في اوضتي
اسر: ماشي يا اخرة صبوي