وعندما كان اسر في مكتب مدحت شعر بنفس الدوار و عدم التوازن حتي انه كاد ان يقع لولا مدحت جذبه اليه بسرعه
مدحت : لازم نروح لدكتور يا أسر مش اول مرة يحصلك كدا
أسر : اكيد ارهاق انت علي طول قلقان كدا
مدحت : لا انا هاحجز عند الدكتور و هاروح معاك علشان نطمن
أسر : اوك ان شاء الله بس مش عاوز نور تعرف
فكلما مر الوقت كلما زاد عشق اسر الي نور و هيام نور باسر يخاف عليها من نسيم الهواء أنه لا يريدها تتألم ولو للحظه
و بعد اسبوع كان كل من اسر و مدحت عند الطبيب و بعد الفحص
الطبيب: لازم نعمل اشاعات و تحاليل ضروري الموضوع مش عاوز اهمال
أسر : خير يا دكتور شاكك في حاجه
الطبيب: انا شاكك بس ربنا خلاف الظنون قول يا رب
أسر : يعني شاكك في ايه
الطبيب: ورم في المخ
نزلت هذه الكلمه كالصاعقة علي كل من اسر و مدحت و عند نزولهم من العيادة كان الصمت هو سيد الموقف الي ان قطع كلام مدحت هذا الصمت
مدحت : ايه يا اسر مالك
اسر: هه مفيش
مدحت: ايه يا بني تفائل خير الدكتور الدكتور بيقول شاكك
اسر: ان شاء الله وشرد فقد توفي والده بهذا المرض اللعين
وعندما وصل الي فلته ارتمي بين احضان نور كان يود ان يظل هكذا ما تبقي من عمره
بدأت نور تحرك اصابعها بين وجهه و شعره حتي شعرت بدمعة هربت من سجن عينيه
نور: مالك يا حبيبي
اسر: لا ابدا نفسي انام كدا تعبتي
نور: عمري ما اتعب منك بس ليه الدموع دي
أسر : دموع ايه انا حاسس بس ان عندي حساسيه في عيني و عماله تدمع
قبلته نور قبله حانيه علي جبينه خلاص يا حبيبي نروح لدكتور
اسر:لا مش مستاهله عارفه علاجي إيه
نور: إيه يا حبيبي
اسر: انك تدلعيني ولا خلاص شيفاني كبرت
نور: هههههههه مش ممكن كل حاجه تقلبها لاتجاه تاني
اسر: طب بذمتك في اتجاهات أحسن من دا
وعاش معها لحظات حب رغبة ان يشبع منها و يشبعها من حبه
وبعد اجراء الفحوصات اثبتت وجود كانسر بالمخ لدي اسر ولكن في درجته الاخيرة
الطبيب: لازم نعمل عملية
أسر : ونسبة نجاحا اد ايه
الطبيب : ١٠ ٠/٠ بس الامل موجود
أسر : و ربنا عرفوه بالعقل محدش بيموت ناقص عمر انا مش هعمل العملية في دوا اهلا و سهلا مفيش هعتبر نفسي معرفتش حاجه
الطبيب: الدوا مسكنات و الكيماوي علشان يمنع انتشار المرض و دخوله علي العصب البصري
اسر: تمام اوي كدا
مدحت و قد فاق من صدمته لا طبعا يا اسر
أسر : لأ ايه يا دوحه و لكل اجل كتاب يعني العمليه مش هتزود عمري
مدحت : وبردوا ولا تلقوا بايديكم الي التهلكه ولا ايه يا دكتور
الطبيب : اكيد طبعا بس لازم موافقة اسر بيه
أسر : انا اللي عندي قولته ارجوك اكتبلي الادويه و بعدين نبقي نتفق علي الجلسات
خرج كل من اسر و مدحت ولكن دموع مدحت رفضت الصمود اكثر من هذا فهو رفيق عمره ظل يتذكر ذكريات الطفوله نظر اليه اسر و ترك العنان لدموعه ايضا كانه يرمي كل ما بداخله بين احضان اخيه و رفيق دربه
وعندما هدأ كل منهما
أسر : متقلقش يا دوحة مش هموت دلوقتي قاعد علي قلبك
مدحت: بعد الشر عليك ربنا يديك طولة العمر ربنا يجعل يومي قبل يومك
أسر : بتعشق النكد المهم نور متعرفش
مدحت: يعني ايه يا اسر مش هتقول لها
أسر : مش عاوز اسيب الدنيا غير لما تكون اسعد انسانه مش عاوزها تحزن و تقعد تفكر في يوم موتي اللي الله اعلم امتي
مدحت : ليه التشاؤم دا يابني
اسر: ههههههه تشاؤم ايه كلنا هنموت يا دوحة بس انا احسن شويه علشان وربنا بيحذرني يعني لازم التزم شويه
مدحت: طيب نقفل الموضوع دا و تعالي نشتري الدوا
مدحت في نفسه لازم احاول اشوف اكبر استشاريين في أوروبا
دخل اسر فلته و علي وجهه ابتسامه مزيفه ليرتمي بين احضان اسرته التي وهبها الله له
وبعد صلاة فجر اليوم التالي اخذ نور بين احضانه كالمعتاد
اسر: نور نفسك في ايه
نور: ربنا يخليك ليه يا حبيبي
اسر: لا بجد انا نفسي اجبلك نجمه من السما لو اقدر
نور : و انت اجمل هديه ليا من ربنا يا عمري
"قلبي اسير و قلبك ملك
اسره اليك دا اجمل اسر
مهما يطول لا يمكن يقول اطلع و اكون حر طليق
يحلم يموت و هو اسير لاطيب قلب و اجمل ملك"
أنت تقرأ
ليتني عرفته منذ زمن
القصة القصيرةقصة قصيرة أطلق لي العنان كي اختار فقد باعني من وهبته قلبي وباعني من ملكته نفسي وباعني من قد ولدت من صلبه أتاني انت لتداوي جراح الماضي
