ليتني عرفته منذ زمن

الفصل الثامن

وعندما استيقظ ذهب كالمعتاد الي غرفتها كي يحتضنها بعيناه كم تمني ان يضمها ليصل لها نبض قلبه ولكنه عندما دخل وجدها جالسه تستعد لصلاة الفجر
نور: ايه دا انت ازاي تدخل من غير ما تخبط
اسر: ايه انا خبطت
نور:لأ
اسر: علي العموم كنت جاي اقولك ايه رأيك نصلي الفجر سوا و تبقي عاده علي الاقل نقرب من بعض
نور: ماشي انت متوضي
اسر: هتوضا و اجي حالا
وبعد صلاة الفجر قبلها من جبينها وقال لها تقبل الله
نور: منا و منكم.
ودت ان تعترض ولكنها لا تدري لماذا التزمت الصمت
في شركة الشهاوي
سما: اسر بيه الاستاذ هاني عاوز حضرتك
اسر: خليه يدخل و تعمد ان يمسك ملف صفقه عنده دخل هاني
هاني ازيك يا اسر
اسر: اهلا خير مش متعود علي الزيارة
هاني : ابدا عرفت انك اتجوزت قولت اباركلك
اسر: شكرا يا سيدي و اتاكد ان مصروفك هيوصلك كل شهر
غضب هاني من كلمته و تركه وغادر المكان
" فهاني ابن عم اسر خسر كل امواله في القمار فاصبح اسر مسئول عنه ليس حبا فيه ولكن وفاءا لعمه و ابوه الذين غمروه بالحنان طوال حياتهم"
وبعد يوم طويل بالنسبه لاسر عند عودته لبيته وجد نور تجلس في حديقة الفيلا تقرأ كتابا ولكنه جلس بجانبها وبدأ بتشغيل موبايله
" يا من احببتك حتي احترق الحب احبيني
ان كنتي تريدين السكني اسكنتك في ضوء عيوني حبك خارطتي ما عادت خارطة العالم تعنيني انا اقدم عاصمة للحزن و جرحي نقش الفرعوني وجعي يمتد كسرب حمام من بغداد الي الصين"
اسر:اه والله حسي بقي
ابتسمت نور رغما عنها فهي لم تجد يوما من يعشقها و يتوسل اليها عندما وجد ابتسامتها خفق قلبه كمراهق في السادسة عشر من عمره وجذبها من يدها ووقف امام شجرة وبدأ يحفر عليها بحبك يا نور ضحكت نور بصوت
نور:انت مجنون
اسر: والله مجنون بيكي اعتبرينا بنتعرف علي بعض وان شاء الله هخليكي تحبيني
تركته نور وهي تفكر في شيء ما ومضي شهر وهو يحاول ان يتقرب منها ونور ايضا تركت العنان لمشاعرها كي تسبح في بحر حبه وفي يوم عندما دخل في الليل ليختلس النظر اليها وجد مذكراتها مفتوحة علي صفحة حاول قراءتها علي شعاع الضوء الضعيف
" اطلق لي العنان كي اختار
فقد باعني من وهبته قلبي
وباعني من ملكته نفسي
وباعني من قد ولدت من صلبه
اتاتي انت لتداوي جراح الماضي
فقد ادمنت حنانك وعشقت عناقك
حتى احبك في غضبك
يا من تتيمت به حتى في احلامي"
ابتسم اسر فقد عرف انها احبته وايقظها فقد اذن الفجر قامت نور مفزوعه وجرت علي حجابها وارتدته
نظر لها اسر بعضب
اسر: خلصي وناديني علشان نصلي
وبعد الانتهاء من صلاة الفجر جلس اسر امام نور و قبل جبينها
اسر: نور احنا بقالنا حوالي ٣ شهور متجوزين حتي مش بتعدي قدامي بشعرك ليه البعد دا؟
وجد دموعها تنهمر
نور: انا معرفش انا مراتك ولا لأ
اسر: وسط ذهول و دهشه ليه و المآذون اللي كتب الكتاب دا ايه و قعدنا مع بعض في بيت واحد ايه
نور: الرسول صل الله عليه وسلم  بيقول لا يخطب احدكم علي خطبة اخيه ما بالم بقي انت طلقتني من جوزي للاسف احنا اتقابلنا في الوقت الغلط
تركها اسر وهو يفكر في كلامها انه يريدها زوجه في الحلال علاقه لا يشوبها اي اثم  فماذا سيفعل؟
تركها وعندما ذهب الي شركته طلب من مدحت ان ياتي اليه وعند وصول مدحت طلب من سما الا يزعجه احد مهما كان و فور ان التقت عيناهما بكي اسر بشده احتضنه مدحت و تركه يٌخرج ما به من هم وبعد ان هدأ
مدحت: خير يا اسر مالك
اسر: تخيل ان ممكن تكون نور مش مراتي
مدحت: نعم
اسر قص عليه ما دار بينه و بين نور
مدحت: خلاص يا اسر روحوا دار الإفتاء
كان اقتراح مدحت طوق النجاة بالنسبه لاسر
عاد اسر الي نور وملامحه تحمل العناء
اسر: حضري نفسك بكره ان شاء الله هنروح دار الافتاء
نور: حاضر وببكاء انا خايفه انا ماصدقت لقيتك
نظر لها اسر بضعف و تركها فهو لن يحاول ان يلمسها.
وفي اليوم التالي ذهب كل من نور واسر الي دار الافتاء و تحدثوا الي احد الشيوخ وقصوا له ما حدث
الشيخ: اذا طلق الزوج بالاكراه فالعقد فاسد فيجب فسخ العقد و التفرقه
وقعت هذه الكلمات علي اسر و نور كخنجر غرس في قلبيهما ثم اكمل
الشيخ: يجب ان ياتي الزوج لسؤاله
اتصل اسر بسيف فلم يجب حاول الاتصال به عدة مرات وبعد عدة محاولات رد
سيف: الو
اسر: عارزك في دار الافتاء حالا قبل الساعة ٢
سيف : معلش ممكن يوم تاني
اسر: بقول دلوقتي و لو مجتش انت عارف
سيف وقد دوت الكلمه في اذنه ماشي
وصل سيف قبل الموعد المحدد ولكن الوقت كان يمضي علي اسر و نور كانه سنوات
سيف: ازيك يا اسر بيه ازيك يا نور
اسر بغضب خليك معايا و دخلوا جميعا الي الشيخ فقد اعلن سيف انه كان ينوي تطليق نور بدون عرض اسر لانه كان يريد ان يتزوج حبيبته التي رفضت ان تكون زوجه ثانيه ولكنه وجدها فرصه ثم أكمل نور ست ممتازه خلقا و جمالا و اهتمامها ببيتها
شعر اسر بالغيره علي معشوقته
اسر: ايه يا استاذ مسمحلكش تتكلم كدا عنها