ليتني عرفته منذ زمن

الفصل الخامس

يوم الاربعاء ذهب جميع العاملين في مكتب مدحت لحضور الاجتماع ،دخلت نور كعادتها مشرقه متالقه بملابسها المحتشمه الراقيه

روكا:لا والله ظهرتي مفيش حتي تليفون

نور: والله يا روكا عارفه اني وحشه بس انتي مش بتتصلي ليه
روكا: يا سلام امال مين اللي كلمك و انتي مسافره خيالي و بعدين اتكسفت

نور: هههههه خلاص قلبك ابيض يا سيتي

ظل اسر يراقب ابتسامتها و حديثها الطفولي مع صديقتها وهو يبتسم

مدحت من خلفه متسرحش اوي انا مش راضي عن اللي بعمله
يظهر مدحت ليرحب بالجميع فتلتفت نور لتجد اسر يقف بجانبه لتتغير ملامح وجهها و يجلس الجميع

نور: هو الاجتماع دا ليه يا مستر
مدحت اوعي تكون ناوي تلغي الاجازه

مدحت: ولم يجد رد ها لا ابدا الاجتماع دا ملوش علاقه بالشغل

الجميع باستغراب نعم

مدحت: انا قولت نفطر مع بعض

لتضحك نور بعفويه يعني صاحين بدري علشان نفطر كنت خليتها غدا و جبت معايا سيف و الولاد

يضحك مدحت و جميع الحضور
مدحت خلاص يا ستي ليكي عندي غدا

نور باحراج لا انا بهزر

اما عن اسر فقد احتدم وجهه عندما سمع اسم سيف
وبدأ الجميع في الحوارات الجانبيه حتي قالت روكا و رنا في صوت واحد ايه يا مستر احنا مش هنفطر

مدحت: حالا بس مدام منال جايه

نور : والله كويس والله وحشانا كتيييير

نظر اسر لمدحت ايه دا هي تعرف منال

مدحت : طبعا بيتصلوا ببعض علي خفيف بس منال بتحبها و ساعات بتنم معاها عليا

ومر اليوم وكل ما فعله اسر هو ان اشبع عينيه منها مره اخري ولكن عند ذكرها اسم سيف خطرت له فكره شيطانيه

اسر في مكتبه الو عمر باشا

عمر: اسر بيه واحشنا والله
"عمر ضابط شرط يقوم ببعض الاعمال لاسر بمقابل مادي دون معرفة احد ليرتقي بمعيشته"

اسر:ليا خدمه

عمر: انت تؤمر

اسر : في واحده اسمها نور علي القاضي بتشتغل في.................... و انهي كل المعلومات الخاصة بنور عاوز اعرف كل حاجه عنها هي و جوزها

عمر: خلال اسبوع التقرير هيكون عند حضرتك

اسر بحده يومين يا عمر
اما عن نور
فعادت نور ثم سيف و كل منهما علي حاله لم يحاول احدهم ان يتطرق الي الآخر
بالنسبه لسيف فانه يفكر جديا في الطلاق فنور اصبحت لا تعني له شئ فانه اهملها كزوجة بعد ظهور عبير و لم يكن الاب الذي يضحي من اجل ابنائه