استيقظت نور مبكرا كعادتها لتستعد لعملها الجديد الذي التزمت به و لكن في هذا اليوم تلاشت التعامل مع سيف تماما فهي تشعر انه لا يحس بها
سيف:صباح الخير يا حبيبتي
نور،:صباح الخير يا سيف
سيف:ايه سيف دي فين حبيبي
نور:لا والله سبحان الله بتتغير كدا فجأة
سيف: معلش يا نور كنت متضايق و مضغوط اوي الايام دي
نور: بصوت يشبه الصراخ حرام عليك علي طول مضغوط مضغوط كأن الاحساس اتخلق علشانك انت لكن مفيش بني ادمين تانين انا تعبت و انهارت نور في البكاء
وقف سيف مذهولا من طريقتها فلم يعتاد عليها هكذا نظر لها باستغراب و تركها و خرج دون ان يحاول ان يحتضن غضبها
نظرت نور الي الباب و أخذت تفكر في علاقتها به تمنت لو احتضنها دون ان يتحدث بكلمه واحده لتشعر بالامان الذي افتقدته منذ سنوات طويله و لكن سرعان ما تمالكت نفسها لتقول
فوقي يا نور اوعي حاجه تكسرك مبقاش فيه فرصه لاي اختيار ولادك اهم حاجه في حياتك
وفي هذا اليوم ذهبت نور لتعرف طلبات العميل هو نفس اليوم الذي ذهب فيه اسر الي بيت مدحت ليلبي دعوته
ميرنا:عمو اسر عمو اسر
اسر:ميرنا حبيبتي امال فين ادم
ميرنا: اكيد زمانه جاي اول ما يعرف انك جيت ها جبتلي ايه معاك
تدخل منال: عيب كدا يا بنت
منال :اهلا اهلا يا اسر فينك كل دا
اسر :سبيها براحتها انتي عامله ايه
منال: الحمد لله تمام
اسر: امال فين دوحه
منال: يووووو يا اسر قولتلك مش بحب الاسم دا
اسر: يعني دوحه وحش و ميدو هو اللي حلو كل واحد يدلع براحته يا ستي
ليدخل مدحت ههههههه انتو ابتديتو
يجري ادم علي اسر هيه اونكل اسر
اسر و هو يرسم علي وجهه ملامح الغضب كدا يا ادم مش قولت عمو
يتفهم مدحت ان اسر يريد ان يشعر ان له عيله
مدحت: عمو و بابا كمان اذا لزم الامر
اسر :هههههه فكره بس انا راضي بعمو و بعدين يا منال مش بتغيري علي جوزك من كمية البنات اللي في مكتبه
منال: لأ ياسي اسر اينعم انا مش برتاح
اسر بلهفه ايوه بقي مش بترتاحي لمين كان يود ان تنطق اسم صاحبة العيون المحيرة ولكنها خالفت ظنه لتقول
منال: لرنا سكرتيرة مدحت بس شهاده لله مشفتش منها حاجه وحشه
ليرد اسر دون تفكير طب و نور
منال :باستغراب نور يا ريت كلهم زي نور بس اشمعني نور
مدحت: اصله حطها في دماغه و فاكر انها بتمثل الاحترام
منال: لا يا اسر نور فعلا انسانه محترمه جدا و بقالها معانا سنين مشوفناش منها حاجه وحشه ربنا يهديك و يا ريت متضايقهاش
أسر:انتي تعرفي اني ممكن ادايق حد كل واحد بيعمل حاجه بمزاجه
منال: ربنا يهديك يلا الغدا جاهز
و بعد قضاء يوم ممتع في بيت مدحت ذهب أسر الي فيلاته ليغوص في نوم عميق ليري صاحبة العيون المحيرة في منامه ليستيقظ للدرجه دي البت دي شاغله تفكيرك ايه الحكايه ويشعل سيجارته
و بعد اسبوع كانت فيه نور بين المكتب عند مدحت و مكتب العميل التي تقوم باعداد ديكوراته و علاقتها بسيف بها فتور فهو لم يحاول ان يهون عليها مرارة الايام قرر اسر ان يزور مدحت و يبدأ باصتياد فريسته
احضر خاتم سوليتير و بوكيه من الورد في غايه الجمال والرقه ثم وضع فيه الخاتم و كتب عليه الى نور صاحبه العيون المحيره
أنت تقرأ
ليتني عرفته منذ زمن
Contoقصة قصيرة أطلق لي العنان كي اختار فقد باعني من وهبته قلبي وباعني من ملكته نفسي وباعني من قد ولدت من صلبه أتاني انت لتداوي جراح الماضي
