بعد اسبوع
اسر: نور حبيبتي انا عاوز اعترفلك بحاجه و اسالك علي حاجه
نور: وانا كمان عاوزاك في موضوع
اسر: خير
نور: هتجاوبني بصراحه
اسر: اكيد انا عمري ما بكذب
نور: انت ليه بتعامل مامتك كدا
اسر: بصي يا نور علشان مش عاوز اتكلم في الموضوع دا مديحة هانم
نور: مامتك
اسر: يوو اسمعي بقي هي مفكرتش في ابنها سابته لجدته و الدادا يربوه هي كانت سفيرة و لما اصرت انها تسافر بابا بعد تعبه بالقلب رفض فانفصلوا و اخدني معاه وبعد موته كانت عاوزه تاخدني لكن عمي رفض ودي كانت وصية ابويا علشان منساش العادات المصريه اتحايلت عليها تقعد معايا قالتلي. انت كدا كدا واخد عليهم ايوة واخد عليهم بس كان ابويا معاياو بروحلها كل سنه زياره المهم عمي هددها لو مرجعتش علشان تربيني مش هتشوفني لحد ما اخرج من تحت وصايته ردت بكل برود كلها ٨ سنين و يجيلي شوفي حنية الام و بعدها اكتشفت انها اتجوزت و عايشه حياتها وجايه تقوليلي امك انا امي ماتت يوم ما سابتني
دمعت عين نور لكلامه
نور: بس ربنا هيحسبك عليها
اسر: نوووووووور
نور: نقفل الموضوع دلوقتي المهم كنت عاوزني في ايه
جلست بجواره ولفت يداها حول رقبته
اسر بصوت عذب
يدك التي حطت علي كتفي
كحمامة نزلت لكي تشرب
عندي تساوي الف امنية
يا ليتها تبقي ولا تذهب
نور: واووو وكمان صوتك حلو لا مقدرش علي كدا
اسر: دي اقل حاجه عندي المهم بصي يا ستي انا من يوم ما كنتي تعبانه و قعدت جانبك وانا كل يوم بعد ما تنامي ادخل ابصلك و ابقي نفسي اخدك في حضني المهم في يوم دخلت لقيت مذكراتك مفتوحة مين اللي وهبتيه قلبك
نور: اممم مع اعتراضي بس بص يا سيدي دي حكايه ترجع لاكتر من عشرين سنه كدا
اسر: نعم ياختي بتشتغليني
نور : لا والله كنت فاكره اني بحب حازم
اسر: مين حازم
نور: ابن خالتي انا كنت بروح عندهم كتير و كنت شيفاه اماني بعد ما بابا اتجوز سوسن و فضلت احبه لحد الجامعه و فيوم لقيته جاي يقولي انا مسافر بكره بس تعرف اني بعد ما حبيتك حسيت اني عمري ما حبيت حد قبلك
اسر: وسيف
نور: سيف دا كان غلطة عمري
اسر: ازاي
نور: اول ما اتقدم لي انا رفضت بس بابا قعد يقولي دا مناسب ومفيش حاجه اسمها حب طبعا علشان سوسن مكنتش عاوزاني المهم سيف مكنش بالنسبالي راجل
اسر: مكنش راجل ازاي يعني آمال أياد و أدهم إيه
نور: تفكيرك كله غلط المهم اتقدملي مكنش عنده شقه بس بابا علشان يحل الموضوع دا طلب فلوس ورثي من امي طبعا اديتهم له من غير ما اسال ليه لقيته اشترالي شقه و كتبها باسمي وسيف ما اعترضش المهم هو مدحت ميزعلش لما تدلع مراته
اسر : بخبث لا هو ميزعلش لانه عارف انها اختي ولكن لو حد تاني يزعل خلاص مش هدلعها تاني
نور ببراءة ايوه بغير ارتحت
احتضنها اسر و قبلها وطارا معا في فضاء حبهما ليعلنا ان ليس للحب موطنا ولا سنا انما يخطف القلوب حيث كان
في اليوم التالي في مكتب اسر
اسر: ايه يا محمد انا شايف ان الفترة اللي فاتت فيها تهريج في اجتماع للمديرين بعد ساعة
محمد : حاضر يا فندم
اما نور فقد ملت الجلوس دون عمل فاتصلت باسر
اسر: نعم يا قلبي
نور: حبيبي ممكن اروح لتقي
اسر: اوك بس ما تتاخريش
ذهبت نور الي تقي لتجدها تشبه الكره
نور: ايه دا يا بنتي
تقي: هههه ايه يعني حامل
نور: ربنا يكملك علي خير يا حبيبتي شوفتي ربنا كريم ازاي يعني لو كان حسين اتجوز
تقي : بعد الشر دا انا كنت موت
نور: ماشي يا ختي
وقضيا معا اليوم في سعاده يتذكرا طفولتهما ثم عادت نور الي منزلها وجدت نور اسر وعلي وجهه الغضب دخلت والقت السلام وقبلت ابنائها ثم ذهبت الي اسر و طبعت قبله علي خده اسفه علي التاخير
لم يتحدث اسر في هذا الموضوع
اسر: انا روحت مدرسة الولاد و دفعت المصاريف و اديتهم العنوان الجديد علشان الباص بس عاوزين حضرتك تمضي علي شوية اوراق
شعرت نور بالاحراج
اكمل اسر: اياد اظن المفروض بقي تطلع اوضتك اللي فوق
اياد: بس انا حبيت الاوضة اللي تحت
اسر: هتفضل يا حبيبي بتاعتك بس خليها زي جيم صغير ليك
اياد: اوك
اسر: وطالما انتم مطعين كدا ليكم عندي مفاجأة
اياد و ادهم: خير يا بابا
اسر: هنطلع رحلة السبع مواني
ادهم : يعني ايه
اسر : يعني هنركب سفينه و كل يوم تقف في مينا بلد مختلفه واحنا هننزل و نتفرج علي البلد و هما سبع بلاد
اياد، ايوا كدا يا احلي بابا
احتضنهم اسر وقبلهم
اسر: يلا علشان ننام
ظلت نور تستمع لحديثهم دون اي تعليق لانها تعلم انه غاضب من تاخرها صعدت نور خلفه
وعندما دخلوا غرفتهم بدل اسر ملابسه وجلس في شرفته دون ان يعيرها اي اهتمام
بدلت نور ايضا ملابسها وجاءت من خلفه واحتضنته ميرسي يا حبيبي علي كل حاجه بتعملها لينا
اسر: بحده مبحبش حد يحطني قدام امر واقع بلاش تشوفي وشي التاني
خافت نور من نظرته ولكنها حاولت التماسك
نور : علي فكرة أنا مش بتهدد
اسر جذبها من ذراعها علي فكرة انا مبهددش انا بحذر تركها وذهب لينام وذهبت هي الاخري و ذراعها يؤلمها ولكن اعطته ظهرها و تخاف ان يكون قد شبع من لعبته
يا تري اسر هيكون اتغير
أنت تقرأ
ليتني عرفته منذ زمن
Short Storyقصة قصيرة أطلق لي العنان كي اختار فقد باعني من وهبته قلبي وباعني من ملكته نفسي وباعني من قد ولدت من صلبه أتاني انت لتداوي جراح الماضي
