كانت الدهشه تعلو وجهه الجميع و خاصه والد محمد بالاضافه الى ان ايلين رمقت جاسر بنظره متوعده
محمد باندهاش من موافقه ايلين: انت بتتكلم بجد
ايلين بسرعه: لا ده ..
ليقاطعها جاسر: اه طبعا بنتكلم بجد هو دي فيها هزار
ايلين بخفوت مقتربه من جاسر: هتشوف ايام سوده
جاسر بتحدي و بخفوت ايضا : وريني شطارتك يا قطه
ايلين بصوت خافت : مغرور و غبي
جاسر: ماشي ماشي ليكي يوم
عمر بسعاده: نقرأ الفاتحة بقى
ايلين: لا فاتحه ايه احنا محتاجين نتعرف علي بعض و اكملت و هي تضغط على سنانها : اصل شكل الاستاذ جاسر دمه خفيف اوي
جاسر ببعض الغرور: اه طبعا ده انا مدوخ نص البنات ورايا
شعرت ايلين بضيق من جملته و لكن بسرعه ما اخفت ضيقها و قالت : رحلهم بقى ايه اللي جابك هنا
جاسر ببرود : شفقه.. حد قالك اني جاي علشان سواد عيونك يعني
ايلين ببعض العصبيه: و محدش قالك اني نستنيه شفقه منك
عمر و محمد متدخلين ليهدو من حدتهم: اهدو اهدو ايه اللي بيحصل ده
جاسر و هو يغني : ايه اللي انا شايفه ده و اييييه
ظل الجميع يضحك من موقف جاسر الا ايلين التي كانت تريد ان تنفجر بجاسر و ما يفعله
عمر: عموما يا ايلين خير البر عاجله ولا ايه رايك يا محمد
محمد: خلاص نقرأ الفاتحه و هيتعرفو على بعض عادي
وبالفعل قرأ الفاتحه و ذهب عمر و جاسر الي القصر الخاص بهم و في الطريق كان يدور ما بين جاسر و عمر هذا الحديث
عمر: انت وافقت بسرعه كده ليه
جاسر متجاهل احساسه: مش انت كنت عايزني اوافق
عمر: وهو انت كنت موافق يعني و بتسمع الكلام اوي
جاسر: يعني عايزني اعمل ايه
عمر: امممم ماشي ربنا يسعدك
و ذهبو للقصر الخاص بهم و في غرفه جاسر قرر ان يخبر صديقه
.....
و في منزل ايلين قرر محمد الاستفسار مع سميه عم سبب موافقه ايلين السريعه
محمد: ايه الموافقة السريعه دي
ايلين: مش انتو حبينه اوي
سميه: و هو احنا اللي هنتجوز
ايلين: انا اصلا مش عيزاه
محمد : اومال وافقتي ليه
ايلين و هي تحاول ان تنهي الحديث : علشانكم و بعدين هو شكله كويس
سميه ببعض الشك : طيب يلا روحي نامي
و في غرفته ايلين قررت اخبار صديقه عمرها مريم بما حدث
و بالفعل اخذت ايلين هاتفها و سردت لها ما حدث
مريم: نعممممم اتخطبتي و لمين لجاسر!
ايلين: ما انا قولتلك اللي فيها
مريم: لا لا انا لازم اشوفك ... هعدي بكره عليكي
....
و عند جاسر سرد الاخر لادم ما حدث
ادم: ايوووه بقى اصلا كنت حاسس
جاسر: حاسس بايه
ادم: بانك وقعت و محدش سمى عليك
جاسر: اه انا بحب نهى
ادم بضيق: اومال بتكلم ايلين ليه و ليه رحت خطبتها
جاسر: مش عارف
ادم بضيق: هي مشاعرها لعبه
جاسر بسرحان: مش عارف بس انا مش هقدر اذيها ولا هسمح لحد ولا لنفسي
ادم: و نهى
جاسر: بحبها و اكيد هي هتفهم موقفي ... انا هتصل عليها دلوقتي
ادم: طيب ماشي هعدي عليك بكره افهم منك اكتر
جاسر: طيب سلام
قرر جاسر الاتصال على نهى و لكن عليه ان يقوم بشئ اولا و اهم بالنسبه لقلبه و هو ان يتحدث مع ايلين
وجدت ايلين هاتفها يعلن وصول اتصال برقم مجهول
ايلين في سرها (( انا ناقصه ))
جاسر (( يا ترى هيحصل ايه لو اتجوزنا اكيد هقتلها ))
ايلين : الو
جاسر: ايه الرقه دي ما تنشفي
ايلين بعصبيه: وانت مالك انت ايه اللي دخلك و انت مين اصلا
جاسر: اتكلمي عدل
ايلين: لو مقولتش انت مين هقفل في وشك
جاسر لتحدي و برود: جوزك
و كالعاده انتهت المكالمه بين ايلين و جاسر كالمتوقع و قرر اخيرا ان يتحدث مع نهى
نهى: والله زمان
جاسر: معلش يا حبيبتي انا اسف بس في ظروف حصلت
نهى بدلع: و ظروف ايه دي اللي متخلكش تكلم حبيبتك انا زعلت
جاسر: وانا مقدرش علي زعل حبيبتي
نهى متصنعه الزعل : مكلمتنيش ليه
جاسر
جاسر بارتباك: نهى
نهى: عيوني
جاسر و هو ياخذ نفسه : انا قرأت الفاتحه النهارده
.........
أنت تقرأ
وتبقى البدايه
Romanceروايه رومانسية باللغه العاميه المصريه العاديه كانت تجربه اتمنى تكون بدايه حلوه اقدر اكمل فيها اتمنى اشوف التعليقات و النقد سواء ايجابي او سلبي
