كانت صدمه بالنسبه لعمر و ايلين بشكل خاص كانت انظار ايلين و عمر تتبادل بينهم
عمر باستغراب : قولت ايه
جاسر: انا هنزل الشغل الدكتور قال انك لازم ترتاح و نظر تجاه ايلين التي اخفضت بصرها عقب جملته : و اهو بالمره اثبت لناس حاجه كده غير اللي قالوها
مر اسبوع تقريبا دون احداث جديده و ذهب جاسر لعمله و ايلين كانت تجلس مع عمر
و عند عوده جاسر من العمل كان عمر في غرفته الخاصه اما ايلين كانت تنتظر جاسر لتخبره بشئ ما
ايلين اول ما رات جاسر : كويس انك جيت
جاسر و هو ينظر لها : وحشتك مثلا
ايلين بنظره برود: لا مستنياك علشان عايزه اقولك حاجه
جاسر: خير
ايلين باحراج: هو انا ممكن اعزم ماما و بابا لان بقالي كتير مشفتهمش
جاسر و هو يلتفت لها: وانتي بتستاذني ليه
ايلين : مش انت صاحب البيت برضو
ذهب جاسر بجانب ايلين التي كانت جالسه على الفراش
جاسر: و بيتك انتي كمان اعتقد يعني
ايلين: بس كلها كام شهر و هنطلق فلازم استاذن
شعر جاسر بضيق من كلماتها و لكن هي علي حق فقرر انهاء النقاش
جاسر.بضيق : معاكي حق اعملي اللي يريحك
كانت ايلين ايضا تشعر بضيق بسبب بروده و رغم علمها انه لم يفكر بها مطلقا الا انه كانت يستحوز علي تفكيرها
ذهبت ايلين لاخبار عائلتها بتلك القرار
و بعد عده اتصالات علي والدها اجاب عليها
ايلين: بابتيييي
محمد: ايليين حبيبتي
ايلين : ندخل في الموضوع
محمد : براحه على نفسك
ايلين : لا السرعه مطلوبه
محمد: قولي يا ستي كنتي عايزه ايه
ايلين بسرعه : بصو بقى انا قررت تيجو تتغدو معايا بكره و من غير اعذار و هستناكم هنا لان بقالي كتير مقعدتش معاكم
محمد: ايييه ده كله براحه
ايلين : المهم ان مفيش اعذار و خلاص
محمد: امري لله يا ستي هقول لمامتك و هكلمك
اخبر محمد سميه بمكالمه ايلين
سميه: ايه لزومه يعني ما تخليها تيجي هي تقعد معانا احسن
محمد: خلاص بقي انا قولتلها هنروح و اهو بالمره اشوف عمر
سميه : ماشي بس قولها متتعبش نفسها
.....
بعد موافقه الجميع ذهبت ايلين لاحضار مشروبات لها وولعمر و لجاسر و تخبر الخادمه بالعزومه
ايلين للخادمه: بصي يا ستي احنا ناوين نعمل بكره عزومه لو في حاجه ناقصه قوليلي علشان نجيبها
الخادمه: كله تمام و كل حاجه موجوده و متتعبيش نفسك انا هعمل الاكل زي الفل متقلقيش
ايلين: انا هساعدك اصلا مش هخليكي لوحدك بس دلوقتي هحط عصير نشربه بدل الجو ده
وضعت ايلين بعض المشروبات و ذهبت لغرفه عمر وجدته نائم فقررت الذهاب لجاسر فسمعت صوته فظلت خارج الغرفه
اما عند جاسر كان يتحدث مع نهى
...فلاش باك.....
بعد خروج ايلين من غرفه جاسر لتتحدث مع عائلتها اخرج جاسر هاتفه ليتحدث مع نهى
نهى بزعل: كل ده علشان اكلمك
جاسر: متزعليش مني بس الظروف بقى
نهى بدلع و في سرها ((يارب دايما )): عادي يا بيبي المهم انت تبقي كويس
جاسر : انا كويس طول ما انا سامع صوتك
نهى: و اللي عندك دي
جاسر: شاغله بالك بيها ليه
نهى: امتي. هتخلص منها بقي اكيد خنقاك
جاسر.بعصبيه : لا مش خنقاني و متتكلميش عنها كده تاني
نهى: بقي دي خلتك تكلمني انا كده
جاسر بنرفزه: قولتلك متتكلميش عنها كده
و ففي تلك الاثناء كانت ايلين تستمع له من الخارج
جاسر : اصلا كلها كام سهر و هطلقها يا نهى ارتاحي
أنت تقرأ
وتبقى البدايه
Romanceروايه رومانسية باللغه العاميه المصريه العاديه كانت تجربه اتمنى تكون بدايه حلوه اقدر اكمل فيها اتمنى اشوف التعليقات و النقد سواء ايجابي او سلبي
