الي •اللّـہ̣̥

بارت 1

الي الله

البارت الاول بقلم الكاتبه سونه -النعيمي

هلووو خل اعرفكم عن نفسي اني حلا عمري حاليا 27 واصفاتي طويله طولي 164 وبيضه عيوني عسليه وشعري لونه تمري على شقار مخصل وطويل تبدي قصتي من عمري 13 سنه او الاصح قصه حبي هي من الطفوله 😁
حلا :زيد فدوه اريد الطوبه من احمد كوله خل ينطيني اريد العب وياكم اني هم
لحضه لحضه خل اعرفكم عن زيد القلم الك زيد
هاي اني زيد عمري حاليا 31 طويل طولي 182 وجسمي معضر الكل يشبهوني ب الممثل التركي امير بمسلسل فريحه 😇😇عوود مدري صح لو يجذبون 😂

احمد :ولج انتي بنيه شلج بلعب الولد ولي منا يالله
زيد :احمد 😠انطيها خل تلعب وتروح
احمد : ماا
زيد :خزرته لاحمد ونطاها طبعا ينطيها اني الحفيد الكبير للعائله وحبيب جدي 😌😌يعني الجهال كلهم يخافون مني ،اله حلا متخاف مني لان الوحيده اعاملها غير عنهم اوووف حلااا حلا من هي وصغيره علوه ونازكه كلش اني اكبر منها 4 سنوات من اجت للدنيه واني اعتني بيها واحسها لعابتي لان هي احلا بنات العائله مع انو هم كلهم حلوات بس هي دمها محليها
زيد :يلا حلا كافي طبي جوه الولد اجو ميصير تبقن
حلا :ليش 😢
زيد:امشي وياي حلا يلا .مشينه كلت لازم احجي وياها هي بعدها تصرفاتها طفوليه بس اني ماريدها هيج لان بدت تكبر وهي طويله يعني لازم انبهها ونحنا بالطارمه كتلها امشي نروح بالحديقه الخلفيه
حلا :ماشي بس ليش
زيد امشي هسا راح تفهمين اخذتها على مخزن عدنه بالحديقه الخلفيه وبي درج نطلع فوكه بي مثل السطح متعود دائما اكعد هنا
حلا :زيد وين جايبني اخاف اصعد فوك 😔
زيد : تخافين واني وياج تعالي نطيني ايدج 
حلا:لزم ايدي وصعدني مستغربه من تصرف زيد شبي يريد يحجي وياي ولوحدنه هو صحيح دائما يضرب الجهال لان يضوجوني 😁احسه ملاكي الحارس
زيد :تعاي كعدي هنا طبعا السطح مال مخزن مابي سياج ف نكعد ونزل رجلينه تصير بالهوه اشو هاي كتلها تعاي كعدي كامت تنطي الوان 😑كبرت وبعدها تحسب اذا كعدنا هيج الشيطان يجر رجلينه ونوكع طبعا هذا كلام بيبيتي حتى لانكعد هيج ونوكع 😂تعاي حلا لاتخافيت عود اذا جرج الشيطان اني الزمج 😂
حلا :نرفزني بحجايته 😠رحت كعدت واني خايفه
زيد: احم.....  حلا اريد اكولج شي
حلا :كول 😊
زيد :راح احجي بس لمصلحتج شوفي انتي هسا كبرتي والمفروض تبطلين لعب وي الجهال
حلا :شنووو ليش بالله ومنو كلك اني كبيره بعدني اريد العب بعد مشبعت من اللعب 😢
زيد "حلا ما احب احد يلعب وياج
حلا:انت شدتحجي 😢اني مدافهم انت متغير عليه جنت قبل تخليني اتونس والعب هسا صاير ابد مو حباب
زيد" يربي هاي شيفهمها 😑😕باعيني لاتضوجين بس اني كتلج لمصلحتج وبعدين راح تفهميني 😧 كتلها يلا ننزل مستحيل تفهم لان كلش فطيره وبعدها طفوليه اوووف
حلا:نزلت وحسيته ضاج بعدها بفتره جنت كاعده ويه بنات عمي رنين الي هي اخت زيد وسما وسدره هذوله تؤام بنات عمي ازغر مني بسنتين ورنين سنه وبنت عمتي ايلاف طبعا ايلاف كلش نفسيه ونحسه متحبنه احسها تحس بنقص لان ابوها حالتهم الماديه زينه بس مو مثل جدي وعمامي فه دائما تغار مع انو نحنه ما نحسسها بهذا الشي ولا بيبيتي تفرقها عنه وشتجيب النه تجيبلها لان عمتي تضل تولول وتحجي براسها 😑مو مهم ارجع نرجع لموضوعنه 😂جنه دنلعب فجئا حسيت الم ببطني هو الم جان من الصبح بس مو كلش قوي وبعدها حسيت شي بلل ملابس الداخليه خفت حيل ورحت للحمام شفته دم كعدت ابجي كوه طلعت رحت لغرفتي عبالي نجرحت بدلت وكلت هسا يوكفف النزف اشو موكف 😢😢صار وكت الغدا وامي اجت عليه للغرفه شافتني ابجي
صابرين :يمه حلا شبيج مو وياج ليش تبجين حبيبتي 
حلا : خفت حيل وزدت بالبجي اجتي يمي رادت تكشف الفراش مقبلت
صابرين :ردت اكشف الفراش اشو حلا مقبلت وجرته استغربت من ردة فعلها وبجيها جريت الغطا حيل واشوف الدم ☺بتسمت وعرفت شنو الموضوع
حلا :امي جرت الغطا وشافت واني زدت بالبجي وامي جاي تبتسم ستغربت من السالفه كتلها ماما والله ما سويت شي مدري ليش هذا الدم حتى ما وكعت اني اليوم
صابرين :حبيبتي لاتخافين امي انتي كومي غسلي هسا اجيبلج ملابس واريد احاجيج 😊
حلا :حاضر 😢رحت غسلت وبدلت وجيت شفت امي مبلده الشرشف والفراش كالتلي تعاي كعدي
صابرين :تعاي امي كعدي حبيبتي انتي اليوم صرتي مره وكبرتي وبعد ماكو لعب وطلعه بره وي الجهال هسا صرتي جبيره ولازم تتحجبين
حلا:شنو ماما😱يعني شنو هالدم اني مريضه لو شنو
صابرين :😂😂لابنتي هذا يسموه الدوره الشهريه والبنيه من تجيها معناها صارت كبيره وهسا انتي كبرتي
حلا:هاا😕يعني هسا شسوي ماما حيل متاذيه
صابرين :عادي ماماتي هذا شي طبيعي ويالله هسا كومي اكلي
حلا :ماما استحي اطلع بره 😳
صابرين :بنتي محد يعرف لاتستحين وتصرفي طبيعي بس من يوم وجاي لعب ماكو
حلا :اوكي ...كاعده وحدي بالحديقه المغرب وتذكرت كلام زيد نفس كلام ماما هسا عرفت هو شيقصد.سمعت صوت رجلين التفتت شفته زيد طبعا زيد كولش حلو مع عمره 17 بس حتى لحيه طالعله 😐يبين هواي كبيريبين عليه هواي كبير التفتت عليه اجه كعد يمي عالمرجوحه تذكرت كلام امي ابتعدت شوي
زيد:شبيج حلا اشو من تشوفيني تصدين عني هالايام وكلامج قليل ومدتلعبين شنو سالفتج
حلا:هااا😔اني لا ماكو شي بس اني بطلت العب وشفت كلامك صح ..........
ومن بعد هذا الموقف صار زيد هو الي يرشدني لكلشي يعني اني هم صرت احجيله كولشي يصير وياي بالمدرسه وبالطريق وهو دائما جان ينضرلي نضرات كولش حلوه مجنت اعرف افسرها اله ان بيوم من الايام
حلا: اوووف شنو هالحر هاي بعدنا بشهر الرابع وهيج 😧لعد بتموز شيصير يمكن نكلي بيض ع حراره الشمس 😕😕 حسيت خطوات احد وراي يمشي
الولد :هاي الحلو لؤش لوحده وضايج
حلا:عزه العزاني يمه هذا يقصدني كله صوج هذي الثوله رنين ما جتي وياي كمت امشي سريع اشو هذا هم كام يمشي بخطوه سريعه وراي صار كلش قريب
الولد :شبيج ياعيني خايفه مراح ناكلج 😏
حلا :يارب سترك يالله هسا شسوي بس لا يخطفني هذا يمه 😢😢😢😢ماسمع اله صوت واحد يعيط
زيد :اليوم كلش حاره رجعت من الكليه شفت رنين بالبيت كتلها اشو هنا انتي لعد بت عمج وين
رنين :اليوم مداومت لان مريضه وحلا بالدوام
زيد:عفتها وطلعت للمدرسه طبعا حلا خامس اعدادي وهي متكدر تمشي الوحدها تخاف لازم اروحلها لان متعوده ترجع ويه رنين بس هاي الفاهيه مريضه اني وبالطريق اشوف رنين دتمشي سريع وهذا السكط صالح ورها جاي يمشي طبعا اني احس نار وشبت بضلوعي هذا السكط من زمان اريد عليه زله حتى اكسره النوب جاي يلحك بت كلبي اطيح حضه اليوم
وللك عاار 👊ادبسز شعندك تلحك بت عمي اليوم ابن الكلب 👋ابن ال.....
حلا:سمعت صوت زيد ونهد بالولد كتل ومسبه اني من خوفي على زيد كم اطك رجل برجل لا اني اكد امشي واعوفه ولا اني الاكد ابقى واكفى كمت ابجي وبصوت عالي اشو العالم طلعت من بيوتها على صوت زيد والولد وفكوهم ماشوف اله زيد عيونه نار جرني من ايدي قوي وكعد يشتم بيه
زيد :نهديت بيه ربيته هالساقط ماحسيت اله واني فوكه والناس تجر بيه كوه فكوني منه وهو منتهي ابتعدت وودي ارد اضرب بي بس ما اكد هذول لازميني لمحت حلا واكفه بصفحه وتبجي والزلم واكفه اني تعصبت اكثر هالفاهيه شموكفها بين الزلم مشيت جريتها قوي ولج غبيه شموكفج هنا بنت الكلب
حلا:😭😭😭😭ماكد اجاوبه كتفيت بالبجي كتمت الصوتي بس صوت شهكتي 😭
زيد :نداريت عليها ميته بجي وحالتها حاله اكو بستان قريبه دائما نلعب بيها هي هم تابعه لجدي بس بعيده فرع عن بيتنه اخذتها لهناك لان الي يشوفها بالحاله يخاف وماريد اهلي يعرفون
حلا:وين جايبه زيد 😭عوفني كافي دتاذيني ما اريدك ليش تسب وتغلط عليه اني شسويت هو لحكني ومن خوفي عليك وكفت
زيد "نقهرت عليها وبنفس الوقت معصب منها اكلج انتي ما شايفتني داتعارك 😡😡يعني زعطوط اني وتخافين عليه وشعنده هذا العار لاحكج احجي
حلا:زيد والله معندي شي وياه وانت تعرفني ليش تشك بيه وشبيك معصب مني 😭
زيد ؛يا غبيه معصب لان ماريد احد يمس شعرايه منج او ياذيج لان انتي تخصيني انتي مالتي اني وبس ميصير احد يوصلج فاهمه
حلا:بقيت مصدومه😳ليش
زيد :لان احبج 😠اي احبج ومن زمان وانتي مجاي تحسين بيه ولا معبرتني حته شكد احاول افهمج بس انتي فاهيه مو بيدج .. سكتت شوي وهي هم ساكته ضجت من سكوتها ع الاقل تجاوبني بس مستحيل تجاوب 😠وهسا يالله روحي غسلي خل نرجع للبيت تاخرتي لا اهلج يخافون عليج
حلا:صدمني بكلامه معقوله هو يحبني اي صح واني هم احبه هو اني اشعر بنفس الشي لكالت عنه صديقتي صفه انو ما اكدر ما اشوفه يوميا ومن يكون يمي احس روحي ملكه واضل اشتاقله ضليت صافنه وفزيت على صوته رحت غسلت بحنفيه مي جدي يسقي بيها الزرع وجيت واني صافنه احس اكو مشاعر ملخبطه مدري فرح خوف خجل ماعرف شاوصف اكتفيت بالسكوت
زيد :هاي بعدهي ساكته😠واني مسموط جدي رجعتها للبيت وكبل عفتها وصعدت الغرفتي
حلا؛طبيت البيت واني لفرحه مسايعتني شعور لايوصف 😍شفت امي بودي اضمها ورنين الي جنت رايده اشبعها كتل لان ما جت هسا بودي اشبعها بوس 😂صعدت لغرفت وسديت الباب وبديت ردح 💃💃💃ذبيت لحم كعدت عالجربايه واني خربانه ضحك على نفسي طبيت للحمام غلت وبدلت ونزلت جوه اتغده احس من الفرحه جعت 😁نزلت بس ما شفت زيد عالسفره رحت لجدي وبابا بوستهم
الجد :هلا بحبيبه جدا اغشع الضحكاي من الاذن للاذن
حلا :(طبعا جدو مصلاوي بس اني امي بغداديه هي وام زيد ورنين مع انو عايشين بالموصل بس قليل نعرف نحجي مصلاوي ) جدو حبيبي ماكو شي بس لان اخذت درجه عاليه بالرياضيات (#جذب 😁😁)
الاب &الجد:ماشاء الله عفيه بنتي الشاطغه
بدينه الاكل
الجد :زيودي ويني اشو ما جا اكل
مريم (ام زيد):عمي والله حفيدك مدري شبي اشو ضايج وكال اريد اطلع لاصدقائي للكافتريه 😧
الجد:عوفونو على راحتو الولد ما صغيغ بس يخلص كليتو ازوجو لا تلحون علينو
مريم :عمي ليش هو منو يكدر يحجي وياه مكد ما دللته طلعت عينه
الجده :عيني مريم اشبيكي مع حفيدي اغشع الولد حباب وما عندو سوالف مكسره مثل باقي الشباب الكل يحلف بادب...........
للحكايه بقيه