الي •اللّـہ̣̥

بارت 21

حلا كاعده بالطارمه وسمعت صوت سياره وكفت بباب البيت عرفته لؤي سلمت ع باجي زهراء طلعت اله واني عيوني تصب
لؤي خيرج يمعوده منو ياج
حلا فدوه لؤي هسه احجيلك بس خذني منا ما اريد ابقى هنا بعد
لؤي اوكي صعدي للسياره شفتها تبجي مو مال اخذها للبيت  وكفت السياره بمكان مابي احد يله حلا احجيلي شكو تره كلبي نار عليج احد سوالج شي احد اذاج
حلا لا مو هيج بس باجي زينه دومها شاده وياي وحجيتله ع سوالفها وهسه تحجي ع المواصله كبالي ولا كأنه اني مصلاويه تراددت وياها لؤي ماعاد اتحمل احد والله تعبت مناك اهلي بعيدين عني نفسيتي تعبانه 😭😭
لؤي حضنتها يعمري كل هذا ومتحجيلي ليش تخبين عني
حلا ما جنت اريد اشغل تفكيرك بشي مو مهم بس والله ما عاد اتحمل
لؤي صارت تبجي بحضني مثل الطفل وتشهك كافي حبيبتي والله دتأذيني ببجيج خلص بعد ما تروحين لبيت جدج ومن اليوم اشوفلنه واسطه نروح لكردستان حتى تشوفين اهلج ومنها نشوف حل حتى تبقين يمي اوووف لومه الاوضاع جان هسه انتي ببيتي ومحد يكدر يفك حلكه وياج يله كافي يعمري مسحي دموعج حتى نروح للبيت
حلا هدئت من حجه لؤي رحنه لبيتهم ستقبلتني عمه فاطمه احسن استقبال
فاطمه هلا بجنتي الحلوه هلا بحبيبتي تعال يكلبي خل احبنج شبيج يا ضوه عيوني ليش عيونج مورمه منو وياج
لؤي غمزت الامي واشرتلها فهمت انو احجيلها بعدين
حلا هلا بيج عمه 💔
فاطمه  طبي حبيبتي نامي ورتاحي بغرفه نور واني ع السحور اكعدكم يله حبيبه
حلا رحت بغرفه نور نور فرشتلي وفرشت الها يمي
حلا ليش فرشتي فراشين
نور اني حنام يمج هم 😊
حلا لا يمعوده ماله داعي انتي اكيد متعوده ع فراشج
نور لا اصلا عادي اني احيانا اعوف جربايتي وانام ع الكاع احب نومه الكاع
حلا ع راحتج حبي بقيت كاعده وصافنه ونور بالموبايل مدري تحاجي منو محبيت اتدخل اني خلصت ودارت الي
نور تعرفين ويامن جنت احجي
حلا منو
نور شوفي حسولف الج بما انه انتي بعد حتصيرين مثل اختي اني جنت احجي ويه حبيبي هو يداوم وياي بالكليه طالب ماجستير خلص هالسنه وعلى اساس يجي يخطبني بعد رمضان
حلا وانتي واثقه بي
نور اي واثقه بي هو خوش ولد صارلنه سنتين سوه ما عنده سوالف شباب هالوكت
حلا خوش الله يهنيكم بجاه النبي ☺
نور امين الله يسمع منج
حلا صاحتنه عمتي عالسحور ورحنه تسحرنه
بقيت يمهم يومين وبهاي اليومين بقت باجي زهراء تخابرني وبنات خوالي هم باليوم الثالث جنه كاعدين اني ولؤي بعد الفطور  بالاستقبال حاضني وديحجيلي شسوه علمود روحتنه لكردستان
لؤي دبرت النه واسطه نكدر نروح شوكت ما تردين نحجز ونروح بالطياره لاربيل
حلا واخيرا راح اشوف اهلي 😢 احنه وكاعدين ندكت الباب
لؤي خل اكوم اشوف منو طلعت شفت خوال حلا وجدها هلا عمي تفضلو تفضلو زارتنه البركه
حلا سمعت صوت زلم باوعت من الشباك شفتهم خوالي
فاطمه ها عمه منو اجه
حلا هذوله خوالي وجدو
فاطمه هاا لعد فتحي باب الديوانيه وسلمي عليهم اني احضر الهم ماي واجيبه واجي
حلا رحت سلمت عليهم وبوست ايد جدي
الجد والله يا حلا اني عندي عتب عليج شلون يا بنيتي تطلعين من البيت بلا ما تنطينه خبر يابويه انتي امانه اهلج مأمنين عليج يمنه شون تسوين هيج
لؤي اسمحلي عمي احجي بدال حلا هي صحيح غلطت بس لما شفتها جانت منهاره وهي هم حقها مناك اهلها بعيده عنهم وهي نفسيتها تعبت من سقطت الموصل وهم هي كالت باجي زينه حاجيه وياها وهي ما متحمله وعصبت
الجد والله هي حقها كلنه تعبنه اما زينه فه علويه زهراء سولفتلي ع سوالفها والله شاهد وهاي ولد كدامكم اني حجيت وياها ورزلتها حلا بنت العزيزه وما اقبل عليها احد يغثها بس زعلت منها شون ما جت اشتكتلي لو بس عبد الرزاق جدها وتشتكيله
حلا اعتذر جدو والله معزتك بكلبي من معزه جدو عبد الرزاق اعترف اني غلط اسفه سامحني
الجد تعالي حبيبه تعالي لحضن جدج
حلا بعدها هدئت الامور داروها ع غير سوالف ولؤي سولف الهم عن طلعتنه لدهوك
الجد لعد اذا هيج احنه راح نسوي الحنه ببيتنه ووالزفه بدهوك لان احنه مراح نحضر عرسها فه حلا حالها حال كل حفيداتي حنتها ببيتي وهسه ترجع ويانه وانت شوف شوكت تطلعون نطينه خبر قبل يومين نسوي الحنه يلا بويه حلا جيبي اغراضج
حلا باوعت للؤي حرك راسه بمعنه روحي رحت لغرفه نور اجهز اغراضي
لؤي تخصت من جدها وخوالها ورحت وراها طبيت امي واختي جانن يساعدنها اشرت لنور
نور يمه تعالي اريدج بشغله
حلا درت شفت لؤي بالغرفه بتسمت اله
لؤي ها يا جنه لؤي حتروحين
حلا اومئت اله براسي ☺
لؤي شون بيج تعوفيني راح اشتاقلج بهاي اليومين تعودت على وجودج يمي حضنتها وبقيت اشم بشعرها
حلا ارجعلك وتلحك تمل مني 😉
لؤي اني امل منج مو عيب 😂 بستها بجبينها يله حبي اذا خلصتي امشي نطلع خطيه دينتضرون
حلا اي خلصت
لؤي شلت جنطه راضها وطلعت وياها
حلا رجعت ويه خوالي طبيت البيت واجت عليه باجي زينه تتهلا بيه ولا كأنها هيه نفسها الي صارلي 3 سنين تحاربني 😁
زينه هلا بالغاليه 💋💋ياعيني شحجينه وياج وزعلتي ياجلمه ردي
ا جلمه ردي لمكانج لو اعرفج هيج حساسه ولا احجي لا والله
حلا هاي شبيها يمكن وكعت ع راسها رحت سلمت ع بنات خوالي عاتبوني واجت باجي زهراء سلمت عليه واجت وسن زوجه خالي الصغير طبعا هاي لابيها ولا عليها ما ينسمع حسها ابد  مرت يومين بهاي اليومين خابرت رنين وعرفت مأجرين بيت جبير بدهوك لان عائله جبيره وما تنفعهم كعده الموتيلات والشقق واهلي حالتهم الماديه كلش زينه وكلهم موضفين فه كدرو ياجرون وكتلهم هالفتره اجي كولش فرحو وصارو يحضرون لعرسي رغم اني راح اخذ حبيبي الجنت اتمناه وراح اشوف اهلي بس بقت شغله وحده تنغص عليه هي الموصل اني وهواي مثلي جنه فاقدين الامل انه بيوم نرجع للموصل او نشوفها جنت دائما وكل ليله اتذكر حياتي بالموصل واتحسر عليها جنت احمد ربي واشكره انه اني احسن من هوااااي ناس خصوصا من اشوف بالنت والاخبار واسمع رنين تسولفلي عن حال النازحين بكردستان كولش تتعب نفسيتي وخصوصا الي بالمخيمات جانت حالتهم كولش سيئه يكولون انتو طلعتو من الموصل ما ذكتو معانات لا احبابي مو كل من طلع تهنى لاااا ابد اكو الي خلص من الموت تحت القصف راح مات بخيمه محتركه بسبب النفط الموزين الي جانو يوزعوه او الصوبات التعبانه واكو الي مات من البرد والجوع واكو الي نتحرو من الضيم وصلت الحال بأحد المخيمات اطفال ينتحرون بسبب الحاله المعيشيه الصعبه واكو عروس نزفت بخيمه مهرها جم بطانيه من المساعدات 😅💔هذا واقع حال الكل تأذه مو كل من طلع من الموصل يعني جان عايش بسلام وامان لااا جنه نشوف اليسبنه ويتهمنه انتو دواعش ونسكت اله المثل يكول اذا عندك عند الكلب حاجه قلو يا سيدي بس هم لازم نذكر اكو هواي ساعدو النازحين واكو بالعكس صارو همه والزمن عليهم تدرون منو تونس بس الموضف الي عنده راتب وكدر يأجر شقه ويأمن ع حالته انا الي طلع بس بهدوم العلي هذا راح بالرجلين الموصل كلها تاذت بس كل من بينا تأذه شكل حالات هواي صارت كبالي لساني يعجز عن وصفها وما حابه اذكر اشياء اعتبرها اسوء ايام مرت علينه
بعد يومين خابرني لؤي
لؤي الو حبيبتي نطيني لبشاره
حلا شكو النوصل رجعت 😀
لؤي خرب حبيبتي وين راح بالج شيرجعهاا للموصل المهم ردت اكولج بعد باجر نطلع لكردستان
حلا صدوووك الحمد لله واخيرا حشوف اهلي
لؤي يي حبيبتي حضري روحج تره حنروح 15 يوم ونرجع
حلا اي ماشي 😁 😄راح اسد لان اريد اتصل برنين واكوللها 😅
لؤي لا يا خاينه تخابرين ضرتي 😂
حلا يي هي الاولى 😁
لؤي لا وتعترفين هم سدي الخط يلا سدي ى😠
حلا خابىت رنين وبشرتها ورحت لباجي زهراء وحجيتلها حيل فرحتلي وكالت باجر نسوي الحنه سوولي حنه بسيطه لان جانت الدنيه رمضان  اجو نسوان وبنات خوالي وخوال رنين هم بحسبه خوالي وخالتي لبست فستان ماروني طويل وفتحه الضهر كولش جبيره  وبي جان كولش حلو عليه رحت لصالون من معارف بنت خالي ما اتذكر اسمه بس طلعت كولش حلوه المكياج والتسريحه كووولش راقيات
اجه لؤي وحناني وبدن البنات يذبن لحم جان كل شوي لؤي يهمس بأذني كلام حتى يضحكني لان كل شوي تخنكني عبرتي وعيوني تريد تدمع من اشوف نفسي بوحدي وبدون اهلي ابدا مو هذه العرس الجنت اتمناه
خلصت الحنه والكل طشو خابرت رنين وفتحت كام
رنين ولج هاااااي شنوووو طالعه كيكه تخبلييين 😍😍
عمه عمه تعالي شوفي بنتج
ام احمد يمه صلوات على محمد الله يحفظج بنيتي تخبلين
حلا دمعت عيوني يمه تمنيتج انتي تحنيني
رنين يااااا ولج باجر تجين عود نحنيج مره ثانيه لاتبجين وتخربين المكياج وعيونج تورم ونامي من وكت 😉باجر وراج سهر
حلا ضحكتني العوبه بسوالفها سديته منها ورحت سبحت ونمت كعدت بالخمسه الصبح تحضرت ورتبت غراضي وتاكدت منهم وودعت بيت جدي اجه عليه لؤي بالخمسه ونص وتوجهنا للمطار اني وهو ونور وعمه فاطمه روصلنه صعدنه الطياره بالسته نعست ونمت حسيت ع ايد لؤي وهو يكعدني
لؤي حبيبي كومي وصلنه اربيل
حلا هااا 😴اي كمت
طلعنه من المطار اجانه صديق لؤي 
دلدار السلام عليكم شونك لؤي
لؤي وعليكم السلام هلا دلو الحمد لله بخير انت شونك
دلدار والله تمام الحمد لله شونكم خويه شون الصحه
لؤي اعرفكم دلدار صديقي من ايام الجامعه وهسه ضابط بالاسايش هو الي دبر النه الواسطه
حلا سلمنه علي بعدين اخذنه بسيارته مونيكه سوده مضلله وعاليه من حجي فتهمت هو راح يطببنه دهوك لان سيطره بين دهوك واربيل كولش نحسين فهو بس يطببنه دهوك ويرجع لان عنده دوام ومن هناك يستقبلنه احمد طبعا مكدرو اهلي يجون النه للمطار باربيل لان النازحين ما يحق الهم انه يطلعون من المحافضه الي همه بيها يعني ميصير يطلعون من اربيل لدهوك ولاي سبب كان المهم وصلنه لدهوك نزلنه من السياره شفت شاب واكف وعنده لحيه بالاول ما تفطنت هذا منو اله ركزت بي طلع احمد يحبيبي شون ضعفان ومتبهذل ركضت اله واني ابجي صارلي كومه مشايفته ومحرومه منهم حسبي الله ع الي جان السبب .........للحكايه بقيه