الي •اللّـہ̣̥

بارت 5

جدو اني احب حلا واريد اخطبها منك واريدك تتوسطلي يم عمي
الجد والله فرحتني يا ابني انا من زمان اتمنى تاخذ بنت عمك حتى لاتصيغ للغريب بس يا ابني هي بعدا تدرس
زيد جدو اني مو مستعجل ابد بس اردك تحجزها الي لان خاف احد يخطبها او اي شي يصير اريدك تنطي خبر لعمي انو هي الي
الجده هاي انت اشتحكي لكن وبنت عمتك اشنو وانا نطيتو كلمي لابوها وامها انو انت تاخذا بس تتخرج هكذ تغيد تسود وجهي قدامم
زيد بيبي وانت شون تروحين تنطين كلمه بدون متاخذين رأي بالموضوع واني كايلج رايد ايلاف شي حجيت شي اشتكيتلج ومو انتي تدرين بيه احب حلا ورايدها شون تسوين هيج شي
الجد هاي صدق تحكين اشون تعملين هكذ
الجده ابني حلا ما تفيدك هاي عرمه مثل امها وجايفه ايلاف انا غبيتوها على ايدي
زيد بيبي يا عرمه ياجايفه مشاء الله عليها نادره وتخبل جنها العافيه وع اساس حلا ما ربيت ع ايدج شنو هالتفرقه هاي
الجد روح جدو ما عليك منها جدتك شكلها خرفت انا احكي مع عمك 
زيد اشكرك جدو بست راسه وطلعت اسمع صوت جدي يتعارك ويه بيبي  واني طاير فرح لازم ابشرها لحلا بس شون اشوفها وهي خطيه مريضه خليها مفاجئه الها من جدو يحاجي عمي

حلا صعدت فوك احس  الم براسي بس خفيف مو مثل الصبح وجنت منعسه وهم اريد ابتعد عن افكاري كل ما اتذكر بيبي احس راح افقده لزيد وانه هو مستحيل يصير الي مدري اني دابالغ لو لان اتعلقت بي هيج مداكدر اتخيل ايلاف تاخذه مني 😢اوووف ربي اجمعني وياه بلحلال 😭نمت وحسيت ع يد تمسد ع شعري شفت جدو هو وبابا جدو يمسد ع شعري ويقرالي ايات وبابا واكف يمه بتسمت الهم
الجد شون صارت حبيبه جدها
حلا احسن بهوايه جدو ليضل بالك ليش صعدت لهنا وانت الدرج يتعبك 
الجد لاتخافين ابوكي ساعدني يي ياحلوه كبرتي وصرتي عروسه
حلا صفت ع جدو ليش ديحجي هيج يالله هو دوم يشاقيني فه ابتسمت اله كال يالله كومي تغدي ويانه
حلا هسا جايه وراكم بس اروح اغسل نزلو
واني تذكرت متحاني اليوم اوووووف شلون راح عليه الامتحان جيب ليقنع هاي النحوسه هسه 😢
نزلت بعد رنين واحمد مجاين ولا البنات اجو شفت زيت باوعلي وبتسم كدام جدو سويت روحي منتبهت خاف يشوفني جدو رحت ساعدت امي عماتي بالمطبخ
حلا هلوو
ام احمد هلاو عيني شون صرتي حبيبه
حلا الحمد لله يمه كولش زينه
ام زيد يحبيبتي ما ع كلبج شر روحي رتاحي
حلا لا عمه اني جيت اساعدكم لان اذا اضل بالفراش احس المرض يتكاوم عليه سويتو زلطه لو اسوي
ام رامي لا عيني ما عملنه عملي انتي
حلا حاضر كعدت اسوي الزلطه اشوف امي وعمه مريم يتبسبسن ويضحكن شبيهم بنات عشيره ال *** شجاي يخططن يسون انقلاب ع الحكم وع عشيره ال***الي هي عشيره بيبيتي 😂😁😁
ام زيد لا والله نريد نناسب عشيره ال**** الي هي عشرتي 😁😂😂
حلا يا صدوك المن تريدن تزوجن عيني مشتغلات ام زكي واني ما ادري
ام احمد يالعوبه عليمن ام زكي مشتهيه اهطرج بالجفجير 😒
حلا لاعيني ام زك  ااااا اقصد ام احمد كلشي ولا تعصبين 😘
اكول وينها بيبي شو ماكو
ام رامي ببيت عمتج 😈
حلا اهااا 😑خرب بس لا رايحه تخطب ياتره شنو عشيره بيت عمتي شسالفه عمه مريم تريد تناسب اوووف راح اجن شوكت تجي رنوش وهي تفكر بدالي عقلي تعب من القرايه رادلي تفرمت 😢
رنين هلاااو
ام زيد ووجع هاي شبيج صوتج نصي ليسمع عمج قصي يكطعج
حلا هلا يقلبي
رنين ياا هاي ليش انتي هنا لا وتسوين زلاطه عمه شنو هذه لبنيه مريضه
حلا لا حبي ما بيه شي لاتخافين احس روحي احسن
رنين حطيت يدي ع خدوده لا ولج يا احسن بعده راسج حار
ام احمد عوفيها يمه اذا راحت نامت النوب تزيد حالتها وتنتكس علينه
رنين براحتج حبي اني صاعده ابدل واجي
حلا خلصت الزلطه ورحت وره رنين سولفتلها ع الصار البارحه وليش تمرضت هاي احسها عيونها يريدن يطلعن 😁وحجيتلها ع موقف زيد كالت لعد اطمأني مادام هو وياج لتخافين من شي

حلا نزلنا تغدينه وراحو الكبار يكعدون بل صاله واني والبنات دنشتغل سبأ ونبا شالن السفره واني ورنين نسوي جاي ونغسل مواعين بعد ما خلصنا امي وعمتي صاحوني رحت الهن شفتهن كاعدات بالصاله الصغيره ها يمه صحتوني
ام زيد تعالي جنتي الحلوه كعدي يمي
حلا نصدمت ورحت كعدت يمهن رهبه فرح خجل شعور ملخبط 😁
ام احمد حبيبتي زيد حجه ويه جدج وكله انو هو رايدج وجدج كال لابوج وابوج وافق بس كال نسالج وانتي وين تلكين احسن من زيد ربيتو سوه ويعرف اطباعج وتعرفينه شنو رئيج انتي
حلا امي تحجي واني سارحه وافكر زيد نفذ الكاله وراح حجه ويه جدو فديته لحبيبي 😍😍فزيت ع صوت امي وهي تعيد
ام احمد بنتي شنو رئيج
حلا كتفيت بل ابتسامه 😊
ام زيد من ضحكتج هاي يعني نكول مبروك
حلا هزيت راسي واني ميته خجل 
ام احمد الف مبروك يعمري 😘
حلا بوستني امي وعمه مريم  .... 
للحكايه بقيه