الي •اللّـہ̣̥

بارت 11

بارت 11 #الي الله حلا رجعنه للموتيل جانو الكل كاعدين بدينه نحضر ريوك  الجد دحقو حضرولنه غدويه حتى نطلع للمصيف جيبو مشاوي وعملو الدولمه اغلوها هوني ما تغوحون عنوك تغيدون حطب دتغلوها ما اغيد اي نقص وانتي رنين حضريلي الطاولي والشطرنج  رنين حاضر جدو متريد اجيبلك تنس حتى نلعب 😄 الجد بنت الملعون بيه حيل تنس انا  احمد جدو اصلا بعدك شباب  الجد كافي تتملقون وكلو بسرعه وحضرو ما اغيد اي تاخير الي يتاخر ما اخذو 😒 طفرنه كل واحد راح يسوي شغله واحنا نحضر الاغراض والولد يرتبوهن بالسيارات كملنه كلشي ساعه7:30 ونطلقنه   جان الطريق طويل فه غفيت بالسياره راسي بحضن نور ورجلي بحضن رنين 😂 ولج نعل كافي تدغدغيني اريد انام منمت الليل كله  رنين وشنو جنتي تسوين الليل كله 😉 حلا ضربتها برجلي   رنين عااا اسفين يمعوده بس لا تهيجين وتخربطين كشختي 😁 واخيرا وكفت السياره جان طريق وعر كولش واكو نزله ترابي ع ساحه مال سيارات نزلنه كلنه جان اكو ساقيه مال ماي عرضها مترين وفوكاها مثل الخشبه حتى نعبر من فوكها وبعد الخشبة اكو مساحه كبيره مثل المدرجات وبيها كراسي وشجر الجوز والجنار مسويتها ضل اجنن نزلنه الاخراض ورتبناهم  احمد اكول جدو وين العين الي حجيت عنها شكله صاحبك جذب علينه وسوالنه كمين  حلا اكولك ليش تحسسني انه احنا بفلم اجنبي وحضرتك عايش دور المحقق  الجد انتم تشوفون هذا الماي غوحو مشو عكس المجره وشوفو وين المنبع مالو  حلا انطلقنه احنه الشباب حتى عمو قصي اجه ويانه ندور  طبينه بطريق ضيك بس نفر واحد يمشي بي ومن الجهتين بي نباتات طويه خفنه بس تشجيعات احمد وعياطه بعد ما خلص الطريق خلانه نركض نشوف شكو وعبر وسبحان الله جان اكو حوض طوله متر لو اكثر لو اقل مادري بس شنو المي مالته صااااااافييي كولش صافي يحني الاحجار الي بقاع الحوض كولها مبينه بوضوح  احمد يولو دتشوفون الاشوفه الزمي حلا  حلا ذبلي الجزدان والموبايل وهالمره نزع القميص وطفر للمي  🏊 رنين عااا انت وين متروح تنزل كبل ياخي اصبر   نور اكولج رنين نطيني موبايلج ته اصور  رنين هاج حبي اخذته ودفعتني للمي عااا لا يالعوبه يولو ايخبل انزلو  نور وخرولي اريد اطفر ولج حلاااا المي يجنن يفوتج تعالي نزلي  حلا لا عوفوني مابيه انزل معرف اسبح  رنين ولج يا تسبحين اني اصلا واكفه باعي الماي مو عميق ولج تعالي  احمد عوفوها هاي ما تجي بالحسنه  حلا لا فدوه وجان يرشني وشتغلو كلهم علي ولك احمد موبايلك يمييييي كااافي حيتعطل  احمد خلصصص عوفوها دتشوفين ذيج الصخره ذبيهن هناك وتعالي يالله وراح اعد من الواحد لي 5 اذا مذبيتيهن وطفرتي اكمل وخل تحترك ام الموبايل  حلا رحت ذبيتهن بسرعه جيت اريد اطفر صنت شويه  احمد اربعه اربعه وربيع اربعه ونص  حلا وطفرت قبل لا يكمل بس شنو الماااي ثلجججج  لا يا حقراء ليش مكتولي المي بارد  نور هي شون تصير النذاله  رنين احس حاطين بي قوالب ثلج ههههههه باعو رامي شفايفه صارت زكه 😂 رامي ليش انتي تصخمنتي انتي زركه وتزركين رنينين هاي عليمن ونهدينه بي كلنه نرشه بالمي وبعدها صرنه واحد يرش الثاني واجه لؤي هم طفر ويانه  حلا كافي تعبنه امشون نكعد هناك  احمد ولج وين تكعدين متشوفيها مكان للصلاة  حلا مااا اريد اتشمس اشوي راح اموت برد  احمد هاي افذي قميسي تدفي بي وانتي رنين هسه اجيبلج تشيرتي من السياره  حلا لبسته صحيح ميدفي كولش بس احسن من الماكو رحنه للاهل شفنه عمو ابو زيد وبابا يشون كباب وتكه وعمو ابو قصي وجدو يلعبون طاولي وامي وعمه فاطمه يشيشون كباب وعمه مريم وعمه ام رامي جاي يسون زلاطه ومقبلات يرتبوهن وذابين الركيه بالمي حتى تبرد  نور يااا خطيه الركيه حتغرك  احمد جانت خوش ركيه هسا اكيد صاير بيها مثل جاك بفلم تايتنك ماتت من البرد  حلا فرشنه وكعدنه ناكل وجان احلى يوم عشته بحياتي وناسه من العمر نستني همي  ضلينه كل شوي نطفر ومن نبرد نروح نتدففه بالنار الي جانو يشون عليها من رجعنه نمت ومحسيت بشي من التعب بقينه اسبوعين بسولاف احلى ايام جانت يوميا مصيف شكل بعدها رحنه لسرسنك هم قضينه اسبوع رحنه لمصيف اشاوه وغيره هم بأختصار جانت ونسه من العمر  الجد يلا قومو نامو غدا نطلع من الصبح حضرتم غراضكم انتبهو لاتنسون شي فاطمه لا خويه كوله كامل بس باجر نرتب اغراضنه بالسيرات ونرجع  ابو احمد تصبحون على خير يا جماعه . الكل وانت من اهله  الجد يلا يا ولاد انتم هم قومو نامو  لؤي يي خالو هسه شويه ونكوم  حلا شنو رئيكم نسوي جوله اخيره بالمنطقه  رنين اي ليش لا امشو ننزل للسوك ناكل موطه ونجي  احمد والله عليكم سوالف يلا امشو بس بلا صوت لاينتبه جدو ويطيح حضنه  حلا جنه مأجرين البيوت السياحيه بجبل سرسنك كعدنه نتمشى  لؤي حلا وين حتكعدين ببغداد  حلا ببيت جدي  نور يااا ولج ليش ما تجين يمنه ع وماكو عدنه احد بس احنه وهدوء تكدرين تقرين  احمد لا مو تفقنه ويه بيت جدي وجهزولها غرفه لهسه معرف شلون راح افارك الزعطوطه مالتي ام عيون عسليه  حلا حضني احمد يا حبيبي راح اجيكم كل عطلهما اخليكم تشتاكولي  رنين واني اصير يتيمه 😦😢وانام بوحدي بالغرفه  حلا يحيااتي والله اني هم مادري شلون راح افاركج 😢 لؤي هاي شبيكم تره مراح تروح ومترجع لتصيرون عاطفين  نور وهي عيونها مدمعه شمفهمك بهالسوالف انت 😒طبعا مراح تهتم  احمد وهو يمثل انه يبجي شلون راح افاركك لؤي  لؤي وهو يقلد صوت حلا ياااحياتي  حلا ركضنه وراهم وهذوله سبقونه وبسرعه طبو للشقه 😂😂 رحنه نمنه ثاني يوم رجعنه للموصل وبديت اجهز نفسي للكليه شتريتلي ملابس  ورحت البغداد اول اسبوع امي بقت وياي بعدها رجعت  المكان الكليه الزمن 10:00  جنت كاعده بالكافتريه بوحدي بعدني ممتعوده عالجو متعرفت بس على بنيه وحده واليوم مداومت جنت ضايجه وافكر بسبب الي خلاني اجي لهنا عرفت من رنين انه بيبي رجعت للبيت محبيت اسمع الاخبار بعد لان ما اريد اتاثر كافي عليه دراستي صعبه  لؤي صباح الخير تسمحيلي اكعد  حلا سمعت صوته ولمن باوعت بوجه حسيت روحي شفت احد من اهلي خصوصا انو اني هنا لوحدي بابتسامه وعليكم السلام طبعا تفضل اكعد  لؤي شونج  حلا الحمد لله تمام انت شونك عمه فاطمه شونها  لؤي بخير الحمد لله تسال عنج عمتج جنت جاي لصديق الي هنا وكلت اجي اسلم عليج #الكذبه المعتاده للشباب 😌 حلا تسأل عنها العافيه ياهلا بيك  لؤي شونج ويه الدراسه  حلا صعبه بس داحاول بكل جهدي  لؤي عفيه عليج متفيدج غير شهادتج اكول اشو من جيتي لهسه ولا سألتي ولا جيتي يمنه  حلا لا والله بس بسبب الدراسه معندي وكت وحتى نور تعرف لان اني ع اتصال دائم بيها  لؤي لا هاي مو حجه يوم الجمعه عازمج يمنه نطلع نتونس وما اريد اي اعذار تعرفين نور حالتها النفسيه تعبتت من بعد بابا وبس وياكم تتونس  حلا اذا هيج موافقه ..... للحكايه بقيه ☺