الي •اللّـہ̣̥

بارت 8

بارت 8 #الي الله حلا ضلت رنين تدك بالباب اخر شي ملت اجه احمد يدك بالباب وامي اجت اخر شي اجه جدو مكدرت لازم افتحله مسحت دموعي وكمت فتحت ورتميت بحضن جدي الجد يا حبيبه جدو انتي عوفوني انا وهيا بس وسدو الباب  حلا شفت جدو اشسوه بيه جدو اني بشنو اذيته حتى يسوي بيه هيج بشنو غلطت  الجد يحبيبتي انتي ما عملتي شي هو الاغم  هو ما يستاهلكي اله اخذ حقكي منو واطردو من البيت وانعل اهل اهلو حلا لا جدو ماريد تسويله شي بس اريدك تبعدني عنه ما اريد ابقه هنا بعد داحس كلشي هنا يخنك بيه 😭😭حضني جدي وباس راسي شفت الدمعه بعيونه عافني وطلع سمعته يكول عوفوها وحدها هسه   ماريد اشوف احد لان راح اشوف بعيونهم الشفقه واني اكره هذا الشعور كافي عليه كلبي التحطم احس روحي نسلبت مني كعدت اضرب على راسي اني غبيه اني غبيه صدكت بي كل هالسنوات عبالي يحبني ويحافض عليه تالي طلع كله كذب وخداع بس لان مخليته يلمسني راح لغيري شنو من بشر هذا 😭شنو موقفي هسه احس فقدت الثقه بالكل اريد اصرخ ضليت ابجي بحركه لحد الساعه 2 بليل نفتحت الباب ما حاولت ارفع راسي واشوف منو حسيت احد حضني وشهكات بجي يي اعرف هذا الصوت هي الوحيده التحس بيه هي اخته صح بس مستحيل تتخلى عني  رنين حبيبتي والله ميستاهل دموعج هالحقير  حلا ما ابجي علي بس ابجي على نفسي انتي اكثر وحده تعرفين شكد احبه وشكد صارلنه 😭😭سكتت وخليت راسي ع رجليها وبقيت اناشغ مثل الطفل وبس صوت شهكاتي وشهكات رنين وهي تمسد على شعري ضليت ع هالوضعيه لحد اذن الصبح كمت رحت توضيت وصليت وصلت الركعه الثانيه ودموعي تنزل مثل المطر اريد اسيطر عليها ما اكدر كعدت واناجي ربي  يا رب ليش صار بيه هيج يارب ما يوم حاولت اسوي شي يعصي اهلي او يعصيك حتى من حبيت جان حبي طاهر ما اعترض على حكمك يا الله واني اعرف انك قلت عسى ان تكرهو شيئا وهو خير لكم اسألك يا الله انك تنزع حبه من كلبي وتنسيني هو ادري ماكو شي يصعب على قدرت 😭😭سامحني يالله سامحني اللهم انك عفو تحب العفو فعفو عنا وبقيت اكررها بعدها محسيت بشي  كعدت ع لمسه امي وهي تحاول تكعدني حتى انام ع السرير رحت للسرير وغمضت عيوني امي عبالها نمت راحت نصت السبلت وطلعت هي طلعت واني بدت دموعي تنزل ضليت ع هالحال يومين اكل ما اقبل اكل وبس بغرفتي وابجي باليوم الثالث اجه ابويه  ابو احمد عليه كومي بنتي كومي حبيبتي كافي دتأذين روحج وتأذينه امج صارلها يومين تبجي عليج  حلا اسمع ابوي بس ما اكدر اركز او حتى افتح عيوني اخر شي فقدت  ابو احمد حلا بابا كومي حلا حركتها من كتفها ماكو ضربتها بخفه ع خدها هم ماكو شلتها ونزلت صحت لاحمد شغل السياره بسرعه وكلت الرنين تجيبلها عبايه وشال اجت ام زيد وام احمد ديصعدون بالسياره  ام احمد شكوو جايه هااا شوفي الديصير بسبب ولدج الساقط والله اذا صار لبنتي شي...  ابو احمد عيطت عليهن مو وكت هالشي البنيه راح تموت وانتي جاي تحاسبين جريتها وصعدتها للسياره واحمد جان يسوق احمد امشي بسرعه اخذناها لمستشفى الزهراوي لان اقرب شي علينه نزلناها بسرعه واخذوها بعد الفحوصات طلعت فاقده الوعي لان متقبل تاكل وحالتها النفسيه تعبانه  حلا صحيت واشوف ضوه قوي بعيوني ما مركزه بس شوي شوي بديت توضح الصوره عرفت اني بالمستشفى اجت امي يمي  ام احمد ليش يا يمه تسوين بيه هيج وتخوفيني عليج جيت اموت من شفتج لا صوت ولا نفس يا يمه رحمي بحالي 😭😭 ابو احمد كافي يا مره احمد اخذ امك خليها تغسل وتاخذ نفس تعبت  حلا اسفه بابا خوفتكم عليه 😢 ابو احمد ولا يهمكي حبيبتي ارتاحي هسا ولا تفكرين بشي ولا تقهرين نفسكي علمود ناس ما تسوه  حلا حركت راسي ب اي واني احاجي روحي ما افكر شون ما افكر شوون يريدون انسى واعيش طبيعي واني اشوف حب حياتي طلع كذبه من شفت دموع امي وخوف ابويه حاولت استجمع قواي علمودهم وابين الهم اني مو مهتمه واكمل حياتي بس ربي وحده اليعلم بالضيم الي بكلبي 😔😔طلعنه من المستشفى ورجعت للبيت طبيت رسمت ابتسامه كاذبه حتى اطمن جدي الرجال الي الكل تهابه صار كبالي وهو منحني ضهره ضميته واني ابين اله انه كلشي طبيعي بس هيهات انه يصدك هه اكثر طبع اكرها بيه اني هواي حساسه وما اتحمل جان زيد يسميني الترفه 😢اوووف صعدت فوك الي لفت انتباهي بيبي وزيد ماكو احسا ع الاقل ما اشوفه بلكي انسى او اتناسى اجت تسلم عليه رنين امي عاطت بيها انتو مثل الي يكتل الميت ويمشي بعزاه وبكل عين صلفه جايه تسلمين عليها  حلا لا ماما اهيه شدخلها هي وعمه ما الهم ذنب بالصار لاتحمليهم مسؤليه شي اهمه ما لهم ذنب بي  ام احمد وانتي ضلي غبيه وكلبج طيب هيج  حلا اذتني حجايه امي فعلا اني غبيه وحيل غبيه 😢عافتنه وطلعت  رنين اني اسفه حلا 😢 حلا انتي مالج ذنب حتى تتاسفين اجت حضنتني  رنين انتي اختي والله واني وياج و مستحيل اتخلى عنج حتى لو علمود اخوي  حلا حاولت اتناسى علمود اهلي بس الضيم البيه خليته الي اواسي روحي بالدموع بس مخدتي تعرف شكد بجيت ليلي ما انامه اله ودمعتي على خدي  حلا بعد فتره جنت كاعده بالحديقهوسمعت صوت احد وراي  لؤي احم السلام عليكم  حلا نداريت عليه وعليكم السلام  لؤي شونج حلا  حلا بابتسامه باهته بخير الحمد لله انت شونك  لؤي زين اكولج تره فتحو التقديم مال الجامعه مراح تقدمين  حلا  طبعا انا بسبب حالتي نسيت كلشي  صدك تحجي من شوكت  لؤي من البارحه  حلا بس اني معرف اقدم معرف اي شي  لؤي ولا يهمج اني احجي ويه احمد ونقدملج  حلا اشكرك بس ماكو داعي تتعب نفسك  لؤي لا عادي ما بيها تعب اترخص اني راح اروح لخالي  حلا باي  بعد فتره قدمت ومن صارت الاستماره بيدي شفت محافضات سجلت ع بغداد اريد بس ابتعد عن هالمكان حتى لو اضطريت اروح اقسام داخليه عادي بس احسن من وجودي هنا بعد ما عرفت انه بيبي زعلت وراحت لاخوانها ومتقبل ترجع اله تزوج ايلاف لزيد اني بيومها تخبلت  لؤي باستغراب باوعت ع حلا تره سجلتي ع صيدله بغداد  حلا ادري 😔 طشت السالفه بالعائله بيهم لزعل وبيهم الي تفهمو قراري امي كالت روحي كعدي ببيت جدج هناك احسن  قبل الدوام بشهر كاعدين بالحديقه  رنين اكول ليش ما نطلع سفره لدهوك قبل لا ترجع عمه فاطمه وتروح حلا لبغداد شويه نغير جو  احمد ونور اييي والله حلوه الفكره  لؤي كيفكم عادي امشو نتونس صارلنه شكد مرايحين لكردستان  سبأ حلا وانتي اشنو رئيكي حلااا  رنين هيووو وين وصلتي  حلا هه اسفه مجنت ومنتبها شجنتو تحجون  رنين والله يا عزيزتي جنه نخطط نروح لدهوك  حلا يي بكيفكم شوفو جدي شنو رئيه  احمد عوفو جدي عليه اني اقنعه  رنين يلا توكل ✌منصور نشاء الله  احمد احد كلج رايح للحرب 😂 رنين والله جنت خوش ولد  احمد فاولي عليه بعد تره ابطل ما اكوم  رنين لا لا اسفه فدوه كوم حباااب حبااااب 😆 احمد يله كمت كافي تلطلط  رنين اني ملطلطه يلا عادي مقبوله ابن العم  استمرينه نسولف ورنين بس تحشش وره شويه اجه احمد  احمد انطوني البشاره  رنين انطيك نع...  احمد شنوو 😠 رنين  نعنااااع نعناع اقصد😁 نبأ يلا احجي شكال جدو  احمد كال حضرو نفسكم بعد باجر نتوكل  حلا الكل كمزو وعيطو اني جنت فرحانه لفرحتهم او امثل الفرح لتفتت شفت لؤي ونضرته المعتاده من اباوعله يدنك مهتميت كمت اروح لغرفتي وليل كله رنين تخطط اكولج رنوش ترة صدعتي راسي كافي 😅 رنين عابت يي والله عابت  حلا اكلج رنين  رنين كولي  حلا زيد وين  رنين عجب سالتي علي صارلج شهرين متحبين تسمعين طاري حلا مدري بس حابه اعرف مجرد فضول  رنين هو بعد ما حجت ايلاف جدي رزله وطرده اجه بعد يومين وكال انه هي جذابه وحجالنه الحقيقه جدو كاله عذر اقبح من ذنب امشي اطلع وبعد ما اريد اشوف وجهك زيد راد يحجي وياج ويفهمج بس جدو منعه وبيبي زعلت ع زعل زيد واخذت زيد وراحت وياه لبيت اخوانها والباقي تعرفي  حلا يعني هسا جدو ليش ما رجعها لبيبي  رنين علمودج ولان بيبي عنيده تريد تزوج زيد ل ايلاف حلا صفنت وبعد الدموع قررت احاجي جدو باجر .... للحكايه بقيه