الي •اللّـہ̣̥

بارت 3

رنين من رجع زيد اليوم راح لبيبي كعد وياها كللها انه هو يحبج ورايدج بس منتضر تخلصين سادس لان يريدج تحصلين معدل ومتشغلين بالج بالخطوبه وهوستها هسا بس بيبي كلتله بعد عنها هسا وشلكم بهالسوالف بعدكم صغار واني راح اسكت بس لاان تدري بيه احبك اكثر من كول احفادي صحيح كلهم احبهم بس انت غير وزيد من طلع من يمها دز عليه وسولفلي حتى اطمئنج ولا يضل بالج
حلا فرحت حيل وحضنت رنين وغوركن عيوني بالدموع وعجبني كلام زيد ادري بي مستحيل يخذلني 😍
مرت الايام وخلصنا امتحانات امي وعمه مريم رادن يروحن لبغداد يزورن اهلهم وبما انه امي وعمه مريم بنات عم فه راح نروح احنه وبيت عمو ابو زيد رحنه بل طريق جنت ويه بيت عمي بسيارتهم طبعا بطلب وتوسلات رنين بامي يلا قبلت والطريق كله مقضينها اغاني وصوت عالي عمي كولش سبورت ويحب الوناسه حيل ومن يستلم زيد السياره بمكان عمي حتى يسوق لان يتعب عمي والطريق طويل زيد يضل يباوعلي من المرايه ويبتسم يا اما يغمزلي وسوي حركات جنت خايفه لا عمه مريم تنتبه باوعتلها خطيه رايحه بغير عالم غاطه بل نوم ورنين كل شوي تندسني وتضحك
وصلنا لبيت جدو احمد وبيت جدو رضا ابو عمه مريم بيوتهم قرب بعض فه اول شي رحمه لبيت جدو احمد الكل معزومين هناك بحكم هو الكبير صارت لمه كولش حلوه واجن خالاتي وخالات زيد الحلو انهم كلهم سوا وحده تحب الثانيه وبا بينهم حقد او مشاكل ناس كولش هادئين وطول الوكت تشوفهم يبتسمون نجمعنه احنا البنات بتالي الليل بل حديقه والولد جانو بعدهم بره بل فرع صواتهم عاليه ديلعبون طوبه طبعا من حراره الجو فه الكل بقو سهرانين بس العجايز نامو 😄 الحديقه جانت مشتركه بين البيتين فه كولش جبيره كعدنه نلعب محابس فه الولد طبو واجو شافو ضحكنه فه شكلو ويانه وصار البنات فريق والولد فريق طبعا نضرات زيد تخبل وكل ما واحد من ولد خوالي يصير دوره حتى يلعب هو يضل يخزر بيه واجه سلام  ابن خالي  هو بطبعه كولش حشاش وما بنيته شي ابد فه من وصل يمي جان المحلس وبقيت اني اخر وحده ووياي بنت خالي وضل يتشاقه ويضحك واني خربانه ضحك علي تالي خسر لان ختار يد بنت خالي عباله يمها المحبس اني من الفرحه كمزت وعيطت 😁
زيد باوعت الها بنضره خلتها تكعد كبل يله كافي لعب امشو نامو
البنات بوووو خسرناكم 😝😝😝نسحلتو وع هاي السحله باجر تطلعونه تشترون النه موطه 😉
حلا باوعلي وكعدت من الخوف شفته عصب وصاح بينه اني عفت البنات ورحت انام
كعدنه الصبح سفره شطولها رحت اغسل شفت زيد
حلا صباح الخير ☺
زيد 😒صباح النور
حلا شبيك عاقج وجهك بعدك ضايج مني مجان بقصدي والله
زيد لا والله انتبهي ع تصرفاتج كومه شباب وانتي تجذبين النظر الج
حلا شسويت حته اجذب النظر كتله مجنت منتبه من الفرحه كمزت
زيد يعني اله اكولج  انتي حلوه واخاف لا واحد يخلي عينه عليج ها وسلام هذا اذا شفتج تحاجي اكطعج
حلا ياااااا صدوك 😍بس تره ادري بروحي اخبل 😌
وشبي سلام اصلا خطيه الولد ما اباله شي انت لا تشغل عقلك بهيج افكار لان ماكو احد يسكن هالكلب غيرك 😘
زيد باع التواضع 😏شوفي حتى لو ما اريدج تخالطيهم 😠ماشي
حلا وك حبي بس لا تعصب 😊
بقينه فتره سبوع بغداد تخبل جانت احلى ايام قبل لنرجع بيومين
ابو احمد :لازم نروح لبيت عمتي فاطمه خطيه بوحدها هنا ابويه كال مرولها
ابو زيد يي والله حيل مشتاقلها اليوم العصر ناخذ العائله ونروح
حلا كيفت لان رح نشوف عمه فاطمه هي اخت جدو بس اكبر من ابويه ب7 سنوات لان من اخت جدو من غير ام وهي اخته الوحيده هي حيل حبابه وقلبها طيب تخليها ع الجرح يطيب رحنالها ورحبت بينا بفرح
فاطمه :يا هلا ياهلا حيا الله من جانه شونكم حبايبي 😍 مشتاقتلكم ولا تمرون
ابو احمد تدرين فطومه امتحانات ودوام الولد وبس صارت العطله جينه اخبارج رجلج علي شونه لؤي وينه
فاطمه بل شغل والله ولؤي حبيبي بس خلص امتحانات كبل راح ويه ابوه للمعمل لزمه وياه خطيه هم علي بده يتعب ولازم لؤي يلزم المعمل
ابو زيد الله يحفظه
طبو عمو علي ولؤي
حلا ورنين يماااي هاي شنو 😱شون صاك هذا
حلا بس اكيد ما احلا من حبيبي لؤي جان اسمر وطويل جسمه معضل وعيونه سوده بس بيهن لمعه غير شكل وحواجبه حاده وثخينه ببساطه كولش صاك 😆
لؤي السلام عليكم
رنين ولج سمعتي الصوت 😮
حلا يي فد صوته خشن فززنه 😂
كعدو يسولفون وهو كلامه كولش رزن  اني نتبهت نور بنت عمه فاطمه ماهي
حلا عمه وين نور
فاطمه نور راحت لصديقتها عيد ميلادها اليوم فد شوي وتجي
ام احمد حبيباتي امشن للمطبخ ساعدن عمتجن خطيه وحدها
حلا &رنين حاضر
حضرنه وياها غده  تغدينه للعصر طبت نور
نور مرحبا شونكم شهل غيبه 😘
رنين يحياتي والله تعرفين دوام وتعب
نور يي والله تعب 😧😤هلكنه يالله خلصنه
حلا نور بكد رنين وكولش حبابه مثل طبع امها بقينه ببيت عمتي اصرو اله نبات يمهم وبعد يومين رجعنه للموصل بديت اتهيئ للسادس والكل يدعمني زيد جابلي كتب طبعا لان ابويه وعمامي اساتذه جامعيين فه جانو اغلب المواد همه يقروني واخذت دروس خصوصي  هلكت كولش وخليت تركيزي بل قرايه حتى زيد نشغلت عنه جنت بس اشوفه يوم الجمعه وكت المغرب بمكانه المعتاد فوك المخزن 😁
جنه نبقه نسولف وطبعا رنوش تراقبلنه الوضع زيد لهسه ما لزم ايدي حتى جان يخاف عليه من الهوه وحيل يدعمني علمود اجيب المعدل بده الدوام ودرجاتي كلها كولش زينه حيل متفوقه جنت
بيوم جان سبت ولدنيه مطر من البارحه واني راسي مسطور من القرايه وزيد ما حاجيته صارلي اسبوع مشتاقتله حيل بس اشوفه وكت الاكل
طب الي احمد للغرفه
احمد هلو حلا هم لازمه الكتاب ولج راح ينفجر عقلج من القرايه😂 ريحي راسج شوي كومي ويانه محضرين كعده حلوه تحت وجايبين كرزات وجباسه ونساتل وجبتلج خصوصي كومه من جبس الخليج اعرفج تموتين عليه
حلا يي والله احتاج اريح راسي احسه صار قاموس من الانكليزي 😑😑نزلت لان عرفت الكل متجمع وردت بس اشوف زيد
الجده يي عيني ايلاف صايره مره يتخرج زيد ونشاء الله تصيغين كنتنه
ايلااف حبيبتي نانه 😘قولي نشاء الله
حلا مريت من يم غرفه بيبي وسمعت نصدمت😨😨هاي شنو ليش بيبي تحجي هيج وهي تعرف بينه اني وزيد 😢واني اكول ليش حجت وياي هيج وهم دائمه من تشوفني احجي ويه زيد تضل تخزر بيه ودائما تقلد عليه وعدها بس ايلاف هي النادره والشاطره ومدللتها ادري ليش هاي التفرقه فهمنا هي تحبها وتحسها عدها نقص دائما تعوضها بس مو ع احسابي اني 😭😭😭.... للحكايه بقيه