الي •اللّـہ̣̥

بارت 22

ركضت اله وحضنته واني ابجي صارلي كومه مشايفته حسبي الله على الي جان السبب 
احمد  يمه فديتها لعروستنه ولج شبيج نصبتيها مناحه راح تبجيني خرب 😁😂😂
حلا بتعدت عنه ومسحت دموعي باسني من راسي وكلي هسه نورت دهوك وسلم ع لؤي وعمتي وصعدنه بالسياره وتوجهنه للبيت جان البيت بمنطقه حلوه كولش بدهوك اسمها كيري باسي نزلنه بيت جان طابقين طبينه والكل جانو منتضرينه بالطارمه فتح الباب رامي سلمت عليه واجت رنين تركض هي وبطنها صايره شكبرها حضنتها وصرنه ثنينه نبجي اني صحيح دومي ابتعد عنهم من اداوم بس جنت اوقات بالعطل اروح زياره اشوفهم وارجع وهم جنت مطمئنه وما بالي شي بس من صار سقوط الموصل واني عايشه بخوف ليالي تجيني احلم داعش طبو لدهوك وكتلو اهلي اصبح مرعوبه فدوم اني خايفه من شفتهم ما صدكت روحي
احمد ولج غبيه شهالركض لو وكعتي ها 
لؤي عوفها هاي لضرتي من شوقها ما عاد شافت كبالها
حلا خلصت دموعي من كد ما كل ما اشوف احد بيهم احضنه وابجي تخيلوو حتى ايلاف سلمت عليها وحضنتها الصار بينه جان اكبر درس النه شفت انه ماكو شي بالحياة يسوه حتى اكره او احقد لان وكت صارت السالفه صدك الله شاهد خفت عليهم كلهم حتى ايلاف صارت تبجي من شافتني بالنسبه الي نسيت وسامحت اصلا الله عوضني باحسن رجل بالدنيه طبينه للبيت رنين بسرعه جرتني تشوفني التحضيرات الي مسويتها حتى القاعه حاجزين كوله مكمليه ومسوينه من احسن ما يكون مع انه عددننه قليل بس الاهل بس جدو ما رضى يزفوني بالبيت كال حالج حال بنت عمج وبنت عمتج
العصر رحت اني ونور ورنين وايلاف لمحل قريب علينه لفساتين الاعراس رحت اجرت بدله جانت كولش حلوه خترتها مستوره لان الحفله خلط  جانت ردانها كيبور  ومن يم الصدر هم كيبور بس لبست تحتها بدي واخذت شال مال عرايس  والبنات هم كل وحده اخذتلها بدله ورجعنه من التعب نمت من وكت حضنت امي ونمت  شكد مشتاقتلها  كعدت الصبح اجتني رنين تكول الكولات العراقيه وتغني
رنين وحيل حيل التج عليه 💃💃
وخالتك موش اجنبيه 👏
واحنه الطكينه اصبعنا وحتى الحاكم وكفناا 💃
واليوم ندوسج ياكاع
اجتها ايلاف من وراها
دقومي ياميمتا وتباهي بقامتا هاي حلا لمدليلي ليله اليوم زفتا دقومي وتدحغجي من سطوحكي العاليه وستقبلوك البنات والعمي والخاليه يالغاليه يالغاليه يا حلا يالغاليه
طبن امي وبيبيتي لاول مره اشوف بيبي بعيونها الفرحه لاجلي كيفت كوموني رحت طبيت للحمام سبحت بعدها رحنه اني والبنات للصالون يمه بعد ما خلصنه وحده ما عرفت الثانيه دمعت عيوني ورنين يمي تبجي خربت مكياجها ام الصالون رزلتها رزاله معدله خطيه صارلها ساعه تمكيج وتالي هي لاصت كلشي اني من خوفي من ام الصالون سكتت وما بجيت 😁
شويه واجه لؤي هو وهيبته يمااااااي يخبل لابس القاط الاسود والقميص الابيض والرباط جان مخطط رفيع ماروني واسود 😍😍😍 يربي شكد يلوكله الاسود هو وطوله طبعا اني لبست كعب شطوله حتى بس اصير بطوله وبعدني هلكدوتني يمه شسويله هو الطويل زياده 😂
رحنه للاستوديو خذينه صور كولش حلوه طبعا بدهوك المصورين عدهم هواي فيكات حلوه 😁مجانت موجوده بالموصل المهم بعدها طلعنه للقاعه وستقبلونه باغنيه وصلو وصلو وصلو العرسان  والدخوليه جانت كولش حلوه جدي جان حريص انه كولشي من افضله  كعدنه عالكوشه واحنه نشوف كل احبابنه حولينه نتبهد لوجود زيد جان يباوعلي بأنكسار بس ابنه بحضنه العرفته هو هواي متعلق بأبنه بس علاقته بأيلاف مو كلش بس متفاهمين المهم شتغل الركص مجان اكو احد غريب فه الكل ركصو بعدين كمنه اني ولؤي رقصنه سلو ع اغنيه سلمى رشيد سمعني نبضك  وجانو احمد ورنين يمنه يركصون وزيد وايلاف والكل حتى جدو وبيبي كامو ركصو سلو اما الحدايق نبأ ركصت مع اخوها رامي  😂وخطيه سبأ ونور سوه طبعا خربنه ضحك عليهم 😂😂
بس خلصت الاغنيه راحت رنين دارتها ع اغنيه الشاب خالد سي لوفي وصار الركص سريع بقينه نركص هذا جان احلى يوم بحياتي تزوجنه اني ولؤي ورحنه لعماديه قضينه سبوع  وبعدها رجعنه وصادف ولاده رنين جابت بنوته تجنن تشبه امها سمتها جيلان رجعنه بس خلصت الاسبوعين بعد سنه من زواجي ولدت وصار عندي ولد سميته حسين جان يشبه ابو بس لون عيونه عليه وبعد سنتين ساعه 12:30
حلا لؤي كوم لؤؤي فدوه
لؤي ها حبيبتي شنو جاج الطلوك ولج الطبيبه كالت بعد سبوع
حلا فدوه ما عاد اتحمل الالم
لؤي كمت بسرعه لامي صحتها وحضرت حلا ورنين جابت جنطه الولاده
حلا اريييد امييي جيبولي اميييي 😭😭
لؤي منين اجيبلج ياها هسه باجر اخابرها وتجي (طبعا بذاك الوكت صارت الاقامات والنازحين كدرو ياخذون حريتهم بالتنقل )
حلا  ما ماااا اولد اله تجيبوها
فاطمه يا امي ستهدي بالرحمان وين نجيبها
لؤي وصلنه للمستشفى وبعد ساعتين تعبت من الانتضار ورحت للكوفي بالساعه 2 جانو حاطين ع قناة العراقيه طلع العبادي واعلن عن ساعه الصفر لبدء عمليات تحرير الموصل وسمعت صوت امي ورايه
فاطمه يمه حلاولدت بنيه مثل الكمر
لؤي جانو احلا خبرين اسمعهم بحياتي رحت الحلا شويه
 نتضرتها تصحصح وكتلها عن الخبر
حلا ولدت بنتي وراحت عمتي تجيبلي ياها حتى ارضعها ولؤي كلي عن خبر اعلان ساعه الصفر ما صدكته اصلا فقدت الامل من الموصل كلت مستحيل اصلها بيوم حتى اهلي جانو مقررين يقدمون لجوء للدول الخارج من جانو يكولون ساعه الصفر استهزء بيهم جان تحرير الموصل حلم مستحيل يتحقق بس بقدره الله تحقق جذب لؤي مستحيل
لؤي والله هسه شفته لحضه هسه اشوفج فتحت الموبايل واليوتيوب وشوفتها
حلا شفت الفديو لو عيوني ضلت تصب من الفرح
لؤي بناسبه هالمناسبه الحلوه وهالفرعه راح نسمي هالبنوته لحلوه فرح شنو رئيج
حلا اومئت اله براسي بدت عمليات تحرير الموصل واني اترقب وكاعده عله نار وبس اصلي وادعي بكل منطقه يحرروها احس يحررون جزء من روحي جنت اتابع هواي وحتى راديو جنت اسمع لان جانو اغلب اهل الموصل يخابرون على راديو الغد لان هو جان الشي الوحيد اليكدرون يعرفون الاخبار منه بعد ما داعش منع التلفزيونات  تحرر الجانب الايسر واهلي رجعو للموصل حتى يشوفون البيت جانو اخو عمتي م رامي كاعد بي طول فتره الدواعش وبشهر الخامس من سنه 2017 رجعو وستقرو هناك واني كلبي فرفح بس اريد ارجع واشوفها بس لؤي مجان يقبل لان يكول مو امان وجانت اكو بعد مناطق مو محرره بس بشهر ال 11 اصريت عليه واخذني للموصل شريط ذكريات حياتي مرت كدامي بالطريق واني اشوف الحطام الي بأيمن الموصل اني هسه ام لطفلين رجعت لمدينتي الي جنت ابجي ليالي علمودها مدينتي الي تأذيت ومتنعت عن الاكل واني اسمع بالجوع الي عايشين بي اعلها مدينتي الي خسرت هواااااي ضحايه اوووف يا مدينتي شكد تعبتي ماعادت مثل قبل ولا راح تعود هالحطام مستحيل يتصلح زين اذا المباني رجعت الفقدناهم شلون  💔💔 ما نكول غير حسبي الله ونعم الوكيل 😭
النهايه نتهت قصتي لهنا اسفه اذا رجعتكم للتيام السوده العشتوها واسفه لان ما كدرت اشرح المأسي بدقه قصتي بيها عبر بس النبيه يفهمها اترككم في رعايه الباري تعالى