الي •اللّـہ̣̥

بارت 17

حلا خلصنه الحفلا المعازيم نص طشو ونص بقو الي بقو خوالي وخوال رنين صدت فوك اغير ملابسي  اني بالطابق الثاني قبل لا اصل غرفتي نفتحت باب غرفه احمد وطلع لؤي صفن عليه ودنك راسه اني جنت لابسه الساري يعني فاضح مادري شسوي بروحي احس رجليه تيبست بعد ما شفته دنك نتبهت لروحي عزااا هاي اني شلابسه  وركضت للغرفه حلا خرب حظي هسه شيحجي عليه بدلت بسرعه ونزلت انضف كل البنات ساعدونه فه بسرعه خلصنه
رنين هلو 😄
حلا لا والله همزين جيتي مو بعد وكت ناس تتزوج وناس تبتلي
رنين شبيج ليش مضغوطه ولج صارلي سنين انتضر اكعد ويه حبيبي واحاجي واصارحه هسه يله رتاح كلبي 😍
حلا خرب مو مضغوطه ولج بس انتي تتسامرين واني جاي انظف وارتب متت تعب  😂😂بس لا من صدوك الحمد لله خلصت منج بس المشكله التغير بالغرفه بس حتبقين كاعده ع كلبي 😑
رنين عابت اي والله عابت شون اخت انتي تردين تخلصين مني روحي تزوجي انتي بغير مكان بغداد مثلا 😉
حلا اكول طالعه عينج بس عقدتي لازملج  اعاده تربيه 😁
رنين اووي اروح اسبح وانام كولش تعبت اليوم
حلا امشي من كدامي لا يجيج نعال ثلاثي الابعاد
رنين اركض اخويه عامر اركض 😂🏃
بقينه اسبوع احنه نحضر ونجهز البيت صحيح هوسه بس كولش وناسه بفديوم جنت راجعه توني من السوك اني ورنين ورنين راحت تشوف اغراضها لعمتي وامي وخالاتي اني صعدت فوك ارتب اغراضي وجان ينفتح الباب بقوه
زيد اخاف عبالج اني مثل اخوج السكط اشوفج تتمعشكين كدامي واسكت لاااا ابد اطيح حضج وحض هذا الكو.......  الي ملفيته
حلا انت شدخلك انت منو وتحاسبني كتلك ياها كبل وراح اضل اعيدها واذا ما بتعدت عني اوصل كل سوالفك الجدي وخلي هو يتفاهم وياك مثل ما رجعتك انيييي للبيت اكدر اطلعك منه
زيد هاااا كويانه عينج وصايره تعرفين تحجين روحي كولي واني اكله لجدي شفتج انتي وذاك الكلب بوضع استغفر الله لالا اذا جدي يعرف هيج شي عن حبيبته المدللها ساعتها ما اضمنلج شنو ممكن يصير دربالج مني
حلا امشي اطلع بىه امشي اطلع بره الله ياخذك كون تطلع حوبتي بيك حاولت اسيطر ع اعصابي وطلع وغلقت الباب مكدرت ابجي حتى من خوفي بس ليش خايفه اني ممسويه شي حتى اخاف ندكت الباب بنت دلال طبت اووف مخنوكه واريد ابجي وما احب احد يشوفني ابجي وغرفتي بنات خوالي ينامون ويانه بيها عفت الغرفه وصعدت للسطح المكان الوحيد الفارغ بالبيت وكعدت بالكاع وابجي ابجي ع سنيني الي راحت واني احب انسان طلع اوسخ رجل عرفته وشون جنت مأمنه ع نفسي يمه شنو الي غيره هو تغير لو اني جنت معميه بي شون يكدر يطعني بشرفي
لؤي شفت حلا بيوم الاجينه جنت مشتاقلها حيل ولما جانت ببغداد مجنت اروح واشوفها كبريائي ميسمحلي مع ذلك جنت اعرف اخبارها من نور وجنت اشوفها بس من بعيد كاعد اتذكر وكت شفتها بالزي الهندي جانت طالعه غير شكل بس اتذكرت كلامها ختنكت وردت اصعد فوك بالسطح ادخن صعدت واسمع صوت شهكات وبجي بحركه ركزت رحت وره الصوت شفتها خاتله وره التنكي مثل الطفله وتبجي حترك كلبي عليها حلا خيرج منو مبجيج 😟
حلا باوعتله وهو وعيونه الي تباوعلي بخوف وتساؤلات كومه بيها ما بيه شي
لؤي شنو ما بيج لعد شنو هالبجي احجي منو وياج
حلا هو كال منو وياج لو اني نفجرت بالبجي
لؤي  تحجين لو شون هسه شبيج يعمري
حلا لما كال يعمري حسيته هو الوحيد الي ممكن يحافظ عليه ويحميني لؤي فدوه لتعوفني اني ضايعه بدونك 😭
لؤي اهدي يكلبي والله ما عوفج اني كتلج خلي ايدج بديه ومستحيل اتخلى عنج
حلا لؤي اني اسفه ع كل شي حجيته الك وجرحك 😭
لؤي لا تتأسفين حلا اني مضجت منج بالعكس انتي جنتي صريحه وياي وا جذبتي يالله هسه انزلي وغسلي وجهج شنو تردين تحضرين عرس اخوج وعيونج مورمه يالله كدامي
حلا كمت ونزلت غسلت خفت احجيله شي لتصير مشكله ونوب ازيد الطين بله نزلت وشافتني رنين
رنين حلا شبيج يمعوده هاي ليش عيونج مورمه
حلا حجيت لرنين عن اخوها
رنين اصبري اني اعرف شلون اتفاهم وياه
حلا شبيج رنين شنو تردين تسوين
رنين لتخافين حلا بس راح احجي لامي واذا مكدرت تسوي شي احجي لجدي وهو يتفاهم وياه وهيج احنه نسبقه قبل لا هو يحجي ويجذب احنه نحجي لجدي واكيد جدو راح يصدك بيج
حلا لا والله اخاف اني
رنين انتي معليج ابقي كاعده اني اتفاهم وياه
حلا رنين كعدي هاي ولا سمعتني عافتني ونزلت ووف واذا سئلوها عن لؤي شنو حتحجي بعد شوي اجت رنين وكالت جدو يصيج ولج شنو صخمتي
رنين ما سويت شي حجيت الحقيقه بس لا تصيرين خوافه
نزلت واني ارجف من الخوف ودكيت الباب ع غرفه جدو
الجد ادخل
حلا جدو صحتني
الجد تعالي حبيبتي
حلا رحت وكعدت يمه عالجربايه
الجد احكيلي جدو اشبينو هالخسيس زيد معاكي
جدو هو صارله فتره يزعجني ويتعرضلي واني اتحاشاه
الجد واشبينو مع لؤي بنتي لؤي قبل سني فاطمه خطبتكي الوا بس انا قلتو القرار الكي ومن بعدا ما فتحت الموضوع
حلا جدو هو قبل سنه فاتحني بالموضوع واني رفضته
الجد وليش رفضتي
حلا جدو مجنت مستعده للارتباط
الجد وهسه
حلا هااا مادري

حلا هااا ما ادري اني اااا
الجد احكي بنتي اعتبريني صديقكي ولاتنسين انا اخاف على مصلحتكي زيد ما غاح يعوفكي حتى لو انا هسه طردتونو او بعدتونو بس انا ما غاح ادوم الكي يجي يوم والله ياخذ امانتو ساعتها منو الكي ابوكي ما يطيق يخرب علاقتو باخونو واحمد هم بعد صاغ زيد اخو مغتو كلشي يتغير مع الزمن وانتي اذا ما لؤي غيرو لازم تتزوجين خو ما تضلين طول حياتكي متأثره ولؤي والله مو لان ابن اختي بس هو الله يحفضو شاب كامل مكمل والكمال لله واذا انتي تغيدين انا مستعد احكي معانو
حلا لا جدو شتحجي وياه فشله
الجد يعني افهم انتي موافقه بنتي ما يقولون خطب البنتك ولا تخطب لابنك غوحي بنتي نامي ورتاحي وما عليكي ولاتفكرين بشي مادام جدكي موجود
حلا بست جدو من ايده وراسه ورحت هسه شسويت اني وف معقوله الصار كله بسبب رنين بربي مال اخنكها 😑 صارت الحنه وجانت تجنن حيل تونست بيها بيوم الزفه صار العرس بقاعه بالغابات ومختطلط لذلك لبست فستان محجبات لونه وردي وبي نقش ناعم ذهبي من تحت ومن يم الصدر جان كولش حلو اما رنوشه طلعت كيكه 😍😍
جانت الحفله حلوه ونضرات لؤي الي مشالها عني وللامانه اني هم جنت اباوعه جان لابس قاط اسودولقميص اسود والساعه ماركه وهو اصلا بدون هذني يخبل خفت وحده من البنات تخلي عينها علي لان جان احلا الشباب الموجودين مدري اني شفته هيج 😁 ..
لؤي خالو كالو رايدني
الجد يي ابني عندي موضوع مهم  معاك اريد   بس ما هسه من يخلص زواج احمد اغيد نقعد نحكي
لؤي حاضر خالو شوكت متريدني اني موجود .... للحكايه بقيه