الي •اللّـہ̣̥

بارت 9

البارت 9 #الي الله حلا كعدت الصبح نزلت ادور ع جدي كالو بالحديقه يسقي النباتات استجمعت كل قواي ولازم انهي السالفه خلص صارلها شهرين بيبيتي مو بالبيت  رحت اله وضميته صباح الخير يا احلى جدو  الجد صباح الورد والريحان يحبيه جدكي  حلا جدي اني جايتك اطلب منك شغله واتمنى ما تخيبني وتردني  الجد امري حبيبتي  حلا ما يأمر عليك ضالم جدي اريدك ترجع بيبي مومعقوله صارلكم سنين سوى وبعد العشره تزعلها علمودي  الجد انتي ماعليكي هي جدتكي عنيدي واتغيد تفرق بينكم شكلا خرفت وتغيد شي مستحيل اعملو على حساب سعادتكي  حلا جدي انا راضيه مومهم الي ما يريدني ما ريده زيد صفحه ونطوت من حياتي اني اصلا شهر واروح لبغداد ومتشوفوني ماريد اكون سبب بخراب هذا البيت  الجد نغوح لدهوك ومن نرجع اغشع اش اعمل غوحي هسه حضغيلي جاي مهيل من اديكي الحلوين  حلا من عيوني مو يدللو 😘 رنين صباح الخير اكول تره باجر نروح مو اليوم شبيج كاعده كبل الشحاته وبتيه  حلا هه ليش اني كدرت انام حتى اكعد 😤 رنين حاجيتي جدو مو  حلا اووف اي 😧 رنين يحياتي فديت كلبج الطيب  حلا حضنتني رنين اكلج كافي تلطلط وروحي سوي الريوك واني اسوي الجاي واريد اصعد فوك 😔  رنين عابت اوكي اذا تردين اني اسوي الجاي  حلا لا جدي طلبه مني   رنين براحتج حلا كملت الجاي وصعدت ابجي بعد شويه اجت رنين صاحتني اروح اتريك لبست شالي ونزلت  حلا صباح الخير  الكل صباح النور  بدينه اكل واحنا دناكل  الجد ياشباب اليوم نزلو للسوق شوفو اشحتاجون للسفره جيبو وغوحي للبانزينخانه اغيد كلشي يكون جاهز غدا نطلع بالخمسه الصبح حته نصل على وقت  ابو احمد ليش بابا دهوك ما كلش بعيدي  الجد لا ما نقعد بدهوك نكمل طريقنه لعماديه هنوك صديقي عندو فندق يم مصيف سولاف راح ناجرو كلو حتى ناخذ راحتنه  ام احمد لعد يله يبنات خلصن مواعين الريوك وروحن شوفن شنحتاج وكتبوهن بقائمه ونطوهن لاحمد ولؤي  ام رامي اي عفيه لتنسون شي وانا دقوم اغشع اشناخذ موني عمي اشقد نطول حتى احسب حساب  الجد بالكثير 3 اسابيع  حلا كمنه بسرعه نحضر واحنا ملهوفين خلصنه النهار كله نحضر ونختار شناخذ ملابس  رنين اكلج حلاوي شأخذ هذا الفستان لو هاي التنوره  حلا اخذيهم ثنينهم وكافي عاد نخمدي باجر نكعد بالخمسه ما بيه اكعد اشحطج الصبح لان اني احتاج ليشحطني  رنين هه اي ادري بيج لو مو اني اكعدج يوميا تاخذين النهار كله نوووم وباجر راح اكعد كبلج وتشوفين  حلا خاب دطيري 😏 رنين تراهنين 😈 حلا اوكي ☺وحتخسرين بس ع شنو نراهن  رنين الي يكعد قبل هو اليكعد يم شباك   السياره 😉 حلا هه هو بس احنا بوحدنه بالسياره خلف ماكو غيرنه 😂 رنين حتى لو نجيب احمد نكعده يم شباك الخ 😈 حلا كولي اريد احمد يكعد ويانه ولاتلفين وتدورين😜 ع كل حال موافقه بس نامي عاد  حسيت ع قطرات مي ع وجهي كعدت مفزوعه حلا شكو شكو😨 رنين 😂😂😂😂اخ بطني يربي باع شكلج شون كفشه  حلا كبر اله حتى كبر طيح الله حضج يالخبله لتضحكين راح اكمل كلاص المي براسج  رنين 😂😂😂يماااي يالله حمبي حضري نفسج تكعدين بالنص 😉😂😂😂 حلا لزمت المي ورشيتها واشررررد 😂 رنين عاااا ولج حلا ركضت وراها وهي نزلت جوه صوت عياطنه وهو توه صارت الساعه اربعه  حلا داركض واني ميته ضحك وجان انضرب بباب المطبخ وجتي الضربه بخشمي 😢😢خشمي الصغير تعور 😭😭ونزف دم المشكله مو هنا المشكله العوبه الوراي بمكان متساعدني خربانه ضحك عليه وهم مو هنا المشكله المشكله هنا 👇 لؤي الله الله على كيفكم يمعودين لحضه خل اجيبلج ثلج  حلا واااافشلتاااه 😭من الفشله كعدت ابجي واحجي ع رنين  رنين 😅😅ياااا هاي صارت صدوك شو بالله ييييمه هاي دم  لؤي هاج رنين حطيلها ثلج وضغطي ع خشمها شبيج تبجين يأذيج مو  حلا 😢😢😢ها يي شوي هسه اروح اغسل مشيت واجت وراي رنين طاح حضج لا بيض الله وجهج وبقيت افشر عليها دموعي تنزل  رنين اسفه يا حياتي شسوي غير الباب احول مشافج 😅😅 حلا مشافني هااا وكفختها بكيس الثلج  رنين اهدي 😂😂😂اسفين يمعوده شو بالله وكف النزف  حلا يي 😢 رنين بعدج متأذيه  حلا ولج اصلا متأذيت بس من الفشله جنت ابجي روحي كعدي الكل لا نتأخر اني اغسل واروح احضر ريوك  كعدو الكل وتريكنه ونطلقنه وطبعا كعدت بالوسط رنين ع يميني ونور ع يساري اختاريت نور عنادا برنين 😈😂😂 وصلنه دهوك وبطريقنه العماديه الطريق يخبل شي ولا اروع من جمال المنضر نسيت المي وجروحي وكلشي وصلنه سرسنك منطقه سياحيه تخبل وكفو السيارات  لؤي خالي ليش ما نبقى كم يوم هنا مبينه المنطقه حلوه  احمد ها جدو شو وكفتو شالسالفه  لؤي المنطقه حلوه ليش ما نبقه يومين وبعدها نتوجه لعماديه داحاول اقنع خالي  الجد لا ابني ما اتفقتو مع صديقي نرغوح نقعد سبوع وبعدين نجي هوني  لؤي هاهيه لعد نتوكل  وكملنه طريق وصلنه منطقه بيها مثل السوك وجايخانات ع الطريق  حلا عمو هنا راح نكعد  ابو زيد لا حبيبتي بعد لي كدام هاي المنطقه اسمها قدش  حلا حلوه الطبيعه مالتهم ولج رنوش كومي شوفي المناضر تجنن نور كومن راحت عليجنواخيرا وصلنه عماديه منطقه فدشي طبعا اول مره ازورها شون جبل مكصوص والبيوت صايره فوكاه حييل حلوه نزلنه يم ساحه السيارات مال مصيف سولاف جدو خابر صاحبه اجانه اخذنه للفندق هو صاير بين الطريق التحت مال الريبر يعني الوادي بس اهل المنطقه يسموه ريبر وبين طريق سولاف قريت اللافته مكتوب موتيل ناز بي عده شقق الطابق الفوك والتحته بوابهم ع الشارع الفوك والطابقين الجوه بيهم حديقه وبابهم ع الشارع صايره كبالهم وادي بساتين وبعدها تصير جبل عماديه كبالهم منضر الخضار يجنن طلعنه كبل للبلكون واحنه تأمل المنضر ومندهشين بي ونضحك ونحشش اجو كالو اجرنه 6 شقق كل عائله بشقه  توزعنه ورحنه نسفط اغراضنه اني رحت بشقه بيت عمو ابو زيد حتى نكون اني ورنين ونور سوه وجدو راح ويه اهلي ولؤي واحمد سوى طبعا لؤي واحمد علاقتهم صارت قويه لان افكارهم متقاربه خصوصا لان ثنينهم حقوقين لؤي خريج حقوق واحمد سنه ثالثه صار  المهم خلصنه وطلعنه نسوي استطلاع للمنطقه بدلنه وكشخنه ورحنه للولد حتى يجون ويانه طلعنه احنا الشباب بوحدنه والعجايز خليناهم يسون غده 😁😁 رنين هسه منين نمشي ننزل تحت لو نصعد لفوك  لؤي خلونه نصعد فوك خالو كال المصيف فوك  نور باعو شون حافه ع الوادي كبل بدون سياج  احمد يعني هسه اذا ادفع رنين هيج لزمتها من كتفها واحاول اذبها بالشقه يمكن ميصير بيها شي بس تموت  رنين عااا ليش هيج جنت راح اموت قبل لا اوكع  احمد😂😂😂 حجيت بهمس بس هي تسمع مخبل اني واخليج توكعين غير اذب روحي وراج  رنين 😳😳😳كلبي حسيته يدك الف بالثانيه  حلا باعو المحلات شكد حلوه جانو يبيعون اكسسوارت واقمشه مالت الزي الكردي ولعابات  احمد اكول شكو فوك اشو الكل ديصعدون الدرج هذا  نور الله عليكم خالنصعد نشوف ونطك صور  حلا يالله نوكف هنا نصور صعدنه يم نافوره بيها تماثيل مال غزلان مدري معز 😂المهم صورنه وصعدنه فوك طول الطريق بي بسطات وبيها العاب وسوالف واكو كرزات وقمر الدين وحبه خضرة  احمد يولو متت شون دتكدرون تصعدون وانتو كل وحده لابسه الكعب شوفن الاكراد نازعات الكعب وديمشن نزعو يالله اني من يمي رجلي تكسرت  رنين يااا خو تخبلت نمشي حافيات  احمد ولج دشوفيهن شون يمشن  حلا لا عوفنه احنا مرتاحين هيج انت امشي بس  بقينه نمشي وتالي وصلنه مسبح يطلع العمق مالته 3 امتار وفوكه مثل الجسر والشباب يصعدون ينطون من الجسر  احمد يابويه شون ماي يخبل اكلج حلا الزمي الموبايل ورنين اخذي الجزدان وباي 👋 حلا ولك مخبل تعال ولا سمع راح حاسب صاحب المسبح وصعد للجسر ونط وهو لازم رجله ونور تصوره اني من يمي غمضت عيوني  لؤي اكول بنات محلوه وكفتكم هنا امشو نكعد ع الكراسي هناك ..... للحكايه بقيه