كلنا تفرجنا فشي فيلم ديال الرعب و لى شي برنامج ولا شي فيديو و كاتبقى خايف و حاضي القناة ديال الحيوط و كاتبغي تنعس و راد البال من شي حاجة و متيوقع والو ,و معا تكرار هاد العملية ماكايبان ليك والو ما كاتبقاش تيق هادشي لي واقع ليك قصتي بدلات حياتي كنت بحال كاع الدراري , كان العمر ديالي 19 تقريبا و يلاه كاتبدا دير عقلك , عايش معا الوليدة بوحدنا حيتاش هي و الواليد مفارقين و هو فمدينة اخرى , قليل فاش كانشوفوا , موحال حتا واش باقي عاقل عليا , خديت الباك قلت مع راسي ناخد واحد العام ديال الراحة غاندير لافاك واخا عارف راسي ماغاندير فيه والو , عالم اخر ثاني , نهار اللول مع داخل لافاك نوضتها مع واحد خونا عند الباب على ود ستيلو تما جا المدير قالك خرجو بزوج تسناوني عند المكتب , بقينا تما شي ساعة قتلنا الملل قاليا شنو سميتك قلت ليه حمزة و نتا قاليا هشام بقينا داوين حتا لقيتو ساكن حدانا فالدريبة و يلاه منوضها مع عشيرتو داكشي علاش شاعل بقيت كاندوي معاه حتا فهمتوا فعقليتوا دري فشكل حتا جا المدير لقانا سمن على عسل , قالينا سبحان مبدل الاحوال ههه و من داك النهار بقا كايجي عندي للدار تانبركوا نتفرجوا فشي لعبة و لا ندويو فشي موضوع و الاغلب تندويو على القرين و داكشي ديال العالم السفلي , لمهم اول مرة قريت واحد الكتاب كايدوي على القرين , شارجيتوا فتيليفوني و صيفتو ليه , هاد الكتاب تايقول بلي القرين ديالك هو نتا فالعالم الاخر و ديما تايبغي ليك الشر و دايما كايكون العكس ديالك بقيت تانقرا و تانقلب فيوتيوب على هادشي و كانسمع لبنادم لي ديجا شاف القرين ديالو . واخا هاكا ماكنتش متيق , دخلت لواحد الكروب فالفايس كايدويو على بحال هاد المواضيع , لحت واحد الستاتي بلي انا مغربي و قلبت مزيان فهاد الموضوع و ممتيقش و بغيت لي ياكد ليا حطيت تحدي صغير كومونتات ليا واحد البنت سميتها كريمة ( عندهم واحد العربية تتحس براسك بحالا كادوي بشينوية مهم كانفهمها و كاتفهمني بزز ) دزنا لبريفي و قالت ليا بلي هادي خدمتها و عندها جمعية ديال الظواهر الغريبة قالت ليا تبغي تجرب قلت ليها كيفاش قالت ليا بلي شي واحد وراها طقس قديم باش تقدر تشوف القرين ديالك ( اصلا انا ما زال مامتيقش و وصلت لواحد المرحلة ديال الملل نقدر ندير اي حاجة ) قلت ليها اه نجرب قالت ليا واخا , ليا واحد الطوف فيها شي كتبا مااعمري شتها ماعرفتش بأشمن لغة مكتوبة , قالت ليا رسمها فظهر ديال شي تصويرة ديالك و ذبح شي فروج و الدم ديالو حط منو شوية فوق التصويرة لي رسمتي فيها و بقى ديما فتواصل معايا بغيت نعرف شنو غايوقع اول مرة غانجربوها
أنت تقرأ
قصة_حمزة مع دعاء
Romanceسلام البنات اليوم جبت ليكوم قصة مختلفة على لي كاتقراو قصتنا فيها الرعب بشكل كبير بالاضافة للحب لي ما كانستغنيوش عليه فقصصنا لي بغيت نقوليكوم الى عجباتكوم القصة ما تبخلوش عليا بڤوت ( تصويت ) و بتعليق لي غادي يزيد يشجعني ( مرحبا حتى بالتعاليق السلب...
