لقيناهوم وافين حدا الحيط و الفوطويات و الكراسي و الطبالي .. كولشي طالع للسقف
انا : الواليد خرج الواليدة و هناء من الدار دبا
الواليد : هناء يالاه ابنتي ..
هناء : ( قاطعاتو ) لا لا مايمكنش نخليوه بوحدو
الواليد : بلاما تعاندي ابنتي و يالاه نخرجو هو غايتصرف
هناء : لا لا مايمكنش نخرج حتى نخرجو معايا
انا : قلت ليكووم خرجو فحالكووووم
خرجو فحالهوم
انا : علاش درتي هادشي ؟ اشنو درنا ليك ، شكون لي مصلطك علينا
هنا بان ليا القرين ديالي اول مرة غانشوفو قداني واقف و انا فايق
القرين : حمزة طلق داك البخور لي قلت ليك عليه
مشيت بزربا جبدتو حطيتو فوق البوطة حتى تحرق و هي تطلق واحد الريحة خانزة دياال بصح
القرين : دبا نتا بعد
مشى جيهت الفوتويات و الكراسي .. لي مهزوزين و هو يخرج واحد الراجل طويل و كايخلع يقدر هو الجن العاشق ، شوية و هو يدفع القرين ديالي هداك الجن حتى لسقو مع الحيط و خشا صباع يدو فعنقو و لاخر ايدوي بزز
الجن : كح كح ماا...ماتيقووش...ش رااا...رااه غير كايكدب عليي...
و هو يمشي بقا غير الغبار ، ما فهمت حتى لعبا ، ماعرفت واش بصح هادشي لي كايوقع و لا غير حلم بقيت غير تانشوف
القرين : ماديش على هضرتو راه غير عرفني غادي نرجعو منين جا و هو يبدا يقولك هاديك الهضرة
دخلات الواليد و الواليدة و هناء لقاو الدنيا مقلوبة و كاندوي غير بوحدي ، حيتاش هوما مايقدروش يشوفو لي كانشوفو
الواليدة : دبا غادي تعاود ليا من اللول اش واقع
انا : ( عاودت ليهوم كولشي و تيقوني حيتاش شافو بعينيهوم كولشي ) صافي هادشي لي وقع ليا
الواليد : هادشي كولو بسبابك ، جبتيه لهنا و كاتخليه بوحدو يدير ما بغا و تمشي نتي تخدمي
الواليدة : بغيتيني نبرك فالدار اااه ، شكون لي بغيتي يوكلنا و يشربنا و يخلص علينا الكرا و الما و الضو دوي تانبان ليك غير انا ماشفتيش راسك اسيدي لي ماتسول فولدك من عام للعام
خليتهوم كايتناگرو و نضت خرجت لقدام الباب لقيت هناء
هناء : ماتديش عليهوم اي اب و ام كايدابزو و اي عائلة كاتكون فيها المشاكيل
انا : لا عادي انا ولفتهوم هاكدا 😔
هناء : شنو غادير فهادشي لي كايوقع ليك مم
انا : و الله ما عرفت ، مي واحد النهار كنت فالقهوى و جا عندي واحد من العالم ديال الجن قاليا بزاف دالحوايج
هناء : شنو قاليك ( عاودت ليها على كلشي ) ايوا يالاه لديك القهوى ما عرفتي تلاقاه و يعاونك تخرج من هادشي
انا : يالاه عالله نتلاقاه
مشيت القهوى و دخلت للطواليط خرجتو انا نلقاه گالس فبلاصت هناء و كيف العادة الدنيا خاوية ، مشيت گلست حداه
انا : سلام واش عقلتي عليا
هو : اه
انا : بغيت نعاودليك شي حوايج طراوليا
هو : على القرين ديالك ياك
انا : اه ( عاودت ليه كلشي على الهضرة لي تايقوليا القرين ديالي و على الطلبات و على الجن العاشق... كولشي )
هو : مي هادا ماشي قرين ، القرين ماكيطلب منك والو
انا : و ملي ماشي قرين شناهوا
هو: والله ماعرفت ، هادو ماشي تصرفات القرين ، بغيتي تهنا منو غادي تاخد فروج كحل باش تدبحو ليه و ديك الوقيتة قبل مادبح ليه بشويا تايكونو فاضعف حالاتهم ، غادي نخرجو ليك و ماعمرك تشوفو عاود
انا : صافي اليوم فالليل هنيني منو
هو : انا معاك فالليل غير ماتنساش فروج كحل و ما تدبحوش و لو يحضر ماتدبحوش صافي ، و كون هاني غادي تفك من هاد الموشكيل
انا : انشاء الله
مشيت رجعت للطواليط و عاودت خرجت لقيت الناس مشيت للطبلة لي فيها هناء عاودت ليها اش طرا
هناء : مزيان و لكين حضي راسك
انا : ماتخافيش يالاه مشينا
هناء : مشينا
وصلتها للدارهوم و مشيت لواحد السويقة بزز باش لقيت فروج كحل ، شريتو و مشيت للدار لقيت الواليد و الواليدة باقي تايتناقشو
انا : الواليد ، الواليدة خرجو بغيت ندير نهاية لهادشي لي كايوقع ليا
الواليد : دير نهاية و حنا معاك
انا : لا الواليد خاصني نكون بوحدي
بزز باش خرجو ليا ، شديت داك الفروج ربطتو و مشيت جبت موس كانتسنا امتا يبان داك القرين حتى وقف عليا
القرين : واش باغي دبح ليا
انا : اه
القرين : واياك تقول بسم الله و لا الله اكبر. ، غير دبح نيشان
حركت راسي ب اه ، و حطيت داك الفروج فالارض تانتسنا داك خونا لي تلاقيتو فالقهوى يحضر شوية و هو يوقف علينا ، بقاو تايشوفو فبعضياتهوم
داك لي جاي معايا من القهوى : ( كايهضر معا لي مسمي راسو قرين ) يا غاتقول شكون نتا و لت غانعرف بطريقتي
القرين : دبح احمزة بزربا
انا : لا ما غاندبحش و هادا لي قدامك انا لي جبتو ، نتا ماشي قرين ديالي علاش قلتي ليا هاد الهضرة و علاش طلبتي مني داكشي كولو ، شكون نتا
داك لي جا معايا من القهوى : دبا عرفتو شكون و منين جاي ، هادل ما قرين ما والو ....
__________________________________________________________
فرايكوم الى ما كانش قرين ديال حمزة شنو غايكون زعما ؟؟!
توقعاتكوم !! و رايكم فالقصة 😊
المهم ها البارت اللول (1) و الثاني ( 2) نلوحو ليكوم فالعشية ، كونو في الموعد 😉 انشاء الله
و ماتنساوش شي تصويت🌟 و شي كومونتير 💬 غير قولو لي جا فبالكوم ( كاين الصهد😰 ، الخضرة غالية🙉 ، مقاطعون ❌ ، ماما قالت ليا نوضي تجفي 😭 ههه غير كانضحك 😂😂😂)
كانحبكوووووم 💗💗💗💗💗
أنت تقرأ
قصة_حمزة مع دعاء
Romanceسلام البنات اليوم جبت ليكوم قصة مختلفة على لي كاتقراو قصتنا فيها الرعب بشكل كبير بالاضافة للحب لي ما كانستغنيوش عليه فقصصنا لي بغيت نقوليكوم الى عجباتكوم القصة ما تبخلوش عليا بڤوت ( تصويت ) و بتعليق لي غادي يزيد يشجعني ( مرحبا حتى بالتعاليق السلب...
