قصة_حمزة مع دعاء

بارت 7

خليتها تاتغوت و خرجت نلاقيت بهشام تما قاليا اشنو واقع تماك قلت ليه والو غير شي جوج كايضاربو قاليا بلي تصاحبت مع بسمة قلت ليه مبروك عليك اصاط، بقينا داويين حتى صونات عليا ديك المصرية قالت ليا راه وصلنا للمغرب ، فأشمن مدينة ساكنة قلت ليها كازا ، قالت ليا حتى انا فكازا ، نعت ليها البلاصة فين كاين ، و بقيت كانتسنا انا و هشام حتى وقفت علينا مرسديس نزلو منها جوج تيتيزات ، بقينا تانشوفو فيهم ،حتى جبدات وحدة فيهم التيليفون شوية و هو يبدا يصوني تيليفوني لقيت هاديك كريمة المصرية جاوبتها قالت ليا انا وصلت للبلاصة لي قلتي ليا فينك راه مابنتيش ليا ، و هيا ناري ديك ختنا هي ديك التيتيزة ، تانشوف فحوايجي ناري مبهدلين جوج مضاربات ليوما غانتشوه و غانشوه الدرابو ديال المغرب ..
و انا نشوف فهشام لقيت حوايجو باقي فيهم ما يدار قلت ليه هشام يالاه للحمام دخلنا قاليا مالك قلت ليه نصل حوايجك اصاط قاليا من نيتك قلت ليه نصلهوم بزربا فهاد اللحظة دخل واحد الشيباني شافنا بقا تايضحك ، قلت ليه هشام نصل اصاحبي ديك كريمة المصرية تاتسنا فيا و انا حوايجي مبهدلين قاليا و قول هاكدا من اللول مهم تبادلنا الحوايج ،خرجت عند هاديك ختنا قلت ليها انتي هيا كريمة ، قالت ليا اه و انتا هو فلان ، قلت ليها اه مرحبا بيكم قالت ليا نعرفك بالمساعدة ديالي قلت ليها متشرفين ، نمشيو نگلسو فشي بلاصة كالم ؟! قالت ليا مرحبا ، مشينا گلسنا فواحد القهوة بثلاثة بنا، قالت ليا عاود ليا كولشي من اللول ، عاودت ليها اش طرا ليا و ملي تلاقيت معا داك الراجل بغيت نقول بسم الله الرحمان الرحيم فالقهوة سجلات كلامي و قالت ليا : مزيان
انا : مزيان ؟!؟ واش حياتي فخطار و نتي كاتقولي ليا مزيان
هي : بغيت نقول غاظي نخرجك من هادشي ماتخافش
انا : صافي
و هي تقول للمساعدة ديالها خاصنا فين نباتو هاد الايام ،ديتهوم لواحد الاوتيل قالت ليا خاصك تجي تسكن معانا و انا فصراحة ما كرهتش هه و لكن الواليدة غاتحيدني من الحالة المدنية الى سمعاتني بايت برا و مع جوج بنات ، و هي طيحلي فبالي نديهوم معايا للدار ...
__________________________________________________________
البنات بغيت رأيكوم فالقصة ؟؟ واش نكتب الجزء طويل و لا نخليه هاكدا ؟؟
و ماتنساوش تڤوتيو و تشجعوني
كانبغيكوووووم ❤❤❤