قصة_حمزة مع دعاء

بارت 3

حليتو هنا الصدمة ديال بصح 😨 فاش تاتيان ليا الواليدة واقفة و هازا التقدية و انا عاد قبيلة حليت ليها و دخلات و سديت الباب من الداخل و خا تخرج ما تقدرش تعاود تسدو ( من الداخل طبعا ) بقيت واقف تانشوف فيها عند الباب
الواليدة :  ا ماالك ؟؟
انا : واش جيتي قبيلا  هاء كيفاش خرجتي و الباب بقا مسدود من الداخل
الواليدة : بسم الله عليك اوليدي  انا عاد جيت
ناري انا متاكد بلي حليت ليها قبيلا الباب بديت تانجري فالدار تانقلب ما لقيت والو اش هاد الزبل تاني قلت لواليدة  و الله حتى دخلتي نتي و لا ما  عرفت شكون لمهم شكلك ٪ 100 و حليت الباب و سديتو من الداخل و دبا ملي بغيت نحل لقيتو تاني محلول من الداخل ، لواليدة ما تيقاتش تايحساب ليها مبلي بشي حاجة غمقات عليا حتى سكتاتني مشيت دخلت لبيتي بقيت بارك قدام البيسي قلت يمكن هادشي غير تخايل ليا مع لخلعة و هاداكشي لي درت انا و هشام  بقيت بارك قدام لبيسي حتى طاب نعاسي ديال بصح ، طفيتو و انا نتلاح فوق الناموسية ،اواااه لفراش سخون بحالا يالاه نايض من فوق منو ، هادشي كامل و تنقول غير تخيلات صافي طفيت الضو و نعست شوية كانحش بشي واحد ناعس حدايا ، شعور فشي شكل تحس بشي حاجة و ملي تقلب ما تلقا والو شعلت الضو و بقيت بارك كانفكر اشنو كليت ما كليت والو لي يخليني نتخايل هادشي كامل و انا مازال نانحس بشي واحد معايا  فشكل اول مرة نحس بهاد الشعور فحياتي بغيت نعرف اشنو هادشي ، حليت البيسي و صيفت ميساج لديك كريمة المصرية لي وراتني داكشي قبيلا قلت ليها على اش نو وقع و باش كانحس  قالت ليا صافي داكشي لي درنا  خدم  و قالت ليا غاتحاول تجي هي وشي ناس من ديك الجمعية ديالها و وصاتني باش نحاول ما نبقاش بوحدي هاد الفترة الماجية قلت ليها غير شرحي ليا بعدا اشنو واقع قالت ليا هادشي ماشي وقتو دبا خاصني نشوف كيفاش نجي عندك للمغرب دبا ، فالبلاصة عيطت على  هشام قلت ليه اجي اصاحبي قاليا راه 12 ديال ليل هادي قلت اجي ا صاحبي لا بد  قاليا 10 دقايق نكون عندك  بقيت كانتسناه ( اييه ا حمزة اش داك لهاد اللعب )