دخلنا للحصة ملي كملات مشينا للدار نتغداو انا و ديك كريمة و لي معاها ، و هو يصوني تيليفون
انا : الو
هناء : الو حمزة انا هناء
حمزة : ياك لاباس
هنااء : راه قلبت على ديك ختنا كريمة و لقيت بلي كايقلبو عليها فمصر و بلي راها نصابة
حمزة : 😨 واش متاكدة
هناء : دوز للواتساب نسيفط ليك داكشي لي لقيت
فالبلاصة سيفطات ليا واحد الجريدة فيها تصويرة هاد كريمة ، كاتقول هاد الجريدة بلي راها نصابة و كاتضحك على بنادم و كاتستاغلو و شحال من واحد مشا ضحية
حمزة : و دبا شنو ندير ، راهم باركين معايا فالدار
هناء : فين جات داركوم
حمزة : بلاتي نسيفط ليك العنوان
تسنيت واحد 15 دقيقة و هي توقف قدام للباب حليت ليها
هناء : فيناهوما
وريت ليها البلاصة فين جا بيتهوم ، و هي تدخل تتيبانو ليا غير المساند كايتشايرو من البيت و الغوات ، شوية و هي تخرج هناء شادة ديك كريمة من شعرها فيد و ديك المساعدة فاليد الاخرى و جاراهوم ههه واخا تكون يهودية و ماديرش ليهوم ديك الحالة ( تحية ليك ابنت بلادي من هاد المنبر 😘😍 ) ، خرجاتهوم و لاحت ليهوم حوايجهوم ، انا ما درت والو بقيت غير كانتفرج
هناء : تاتفرج اجي عاوني 😠
حمزة : فاش غادي نعاونك يا ريشتيهوم
هناء : عمر ليا سطل ديال الما
ما قدرتش نقول لا لاتصدق دايرة ليا نفس الحالة ، جبت ليهاا سطل ديال الما لاحتو عليهوم و هوما يجمعو الوقفة و مشاو بزربة ، بقيت تانضحك انا و ياها حتى دقات الواليدة ناري غير حليت الباب
الواليدة : ( شافت هناء ) ما بقاتش اناعندي دار ولى برتوش
انا : الله يهديك الواليدة اشمن برتوش ما يمشيش بالك بعيد راه غير كاتقرا معايا
الواليدة : و باركين على الهضرة ، و ماحاطش تا كاس ديال اتاي ، سير حط الما يسخن انا نجي نعمرو
مشيت للكوزينة و خليتهوم فالصالة شوية كانسمع الوليدة تاتقول
الواليدة : بنتي هناء واش كايعجبك ولدي حمزة
هناء : 😳 اويلي اخالتي اش هاد الهضرة
الواليدة : احياني عليك ازغبية راها باينة فعينيك غير ديريني بحال ختك الكبيرة و قولي ليا
هناء : صراحة اه كايعحبني
فهاد الوقيتة هزيت تيليفوني و سيفطت ليها فالواتساب
💬 هناء خرجي دبا لقدام الباب ، قولي للواليدة شي لعبة و خرجي انا تابعك بغيت ندوي معاك
قالت ليا واخا و ناضت برا ، مشيت تبعتها لقيتها قدام باب الدار
هناء : حمزة مالك خرجتيني
حمزة : هناء واش بصح انا كانعجبك
هناء : ا..اه كا..اتعجبني و قدر حتى..
حمزة : حتى كاتبغيني
هناء : ماعرفتش .. بحال هكاك..اه صافي كانبغيك تهنيتي ... و انتا !!
حمزة : صراحة ما بغيتش نجرحك و لكن سمحي ليا
هناء : ( شدات ليه فمو ، و حدرات عينيها ) صافي سكت 😞
حمزة : ( شدها من ايديها ) هه الحمقة راه حتى نتي كاتعجبيني و قولي كانبغيك گاااع
هناء : ( بدهشة ) بصح !!
حمزة : اه الالة ، يالاه زيدي ندخلو للدار ، غاتشك الواليدة
هناء : يالاه
حتى حنا يالاه بغينا ندخلو للدار الواليدة خرجات ، ناري شوهة
حمزة : 😨 عمرك طويل
الوالدة : راه قلت ليك رضيتي ليا الدار برتوش و تاتقوليا لا
عطاتني 20 درهم و شدات هناء من يديها
الواليدة : سير جيب الخبز و بتي بان
حمزة : واخا
دخلات هي و هناء انا مشيت جبت السخرة و رجعت للدار ، لقيت هناء كاتعاود هي و الواليدة داكشي ديال العيالات و البنات ،مشيت طلعت لبيتي بدلت حوايجي و انا نحط راسي فوق الخدية ما عرفتش كيفاش حتى داني النعاس ، شوية حليت واحد الباب لقيت راسي فالخلا و الضلام من بعدها ماعرفتش كيفاش غانشرح هاد اللقطة فاش كاتشوف شكلك ٪100 محطوط قدامك ...
__________________________________________________________
البنات راه البطلة ديال القصة ولات سميتها هناء بدل دعاء انا بدلتها حيتاش سمية هناء جات مع الاحداث لي عاشتهم هاد الشخصية و لي غاتعيشهم مستقبلا ( تحية لكل لي سميتها هناء و دعاء و گاع البنات )
و بغيت نقوليكوم سمحو ليا على التعطال راه غانحاول نكمل القصة فاقرب وقت غير نتوما تبعوها حتى للاخير حيتاش غاتعجبكوم نشاء الله
ماتنساوش تڤوتيو و تكومونتيو راه فريمون كاتفرحوني بزاف بزاف فاش كانشوفكوم اهتميتو بالقصة
كانبغيكوووووم 😘😘😘😘😘😍😍😍
أنت تقرأ
قصة_حمزة مع دعاء
Romanceسلام البنات اليوم جبت ليكوم قصة مختلفة على لي كاتقراو قصتنا فيها الرعب بشكل كبير بالاضافة للحب لي ما كانستغنيوش عليه فقصصنا لي بغيت نقوليكوم الى عجباتكوم القصة ما تبخلوش عليا بڤوت ( تصويت ) و بتعليق لي غادي يزيد يشجعني ( مرحبا حتى بالتعاليق السلب...
