قصة_حمزة مع دعاء

بارت 4

بقيت تانتسنا شوية سمعت الدقان مشيت نحل لقيت هشام  دخلتو و قلت لواليدة غا يبات معايا دخلنا لبيت قاليا مالك اصاط اشنو واقع ليك قلت ليه بلي ديك المصرية جايا و گاع داكشي لي وقع ليا بقا تايضحك تايسحتبليه بلي كانضحك معاه  و لى شي لعبة هو ما تايحس بالمزود غير لي مضروب بيه قلت ليه بلي خاصو يبقى معايا   واخا بقا شاد فيا مي هانية مهم ما غانباتش بوحدي بقينا تاندويو تاندويو حتى داه النعاس و بقيت انا بوحدي حطيت راسي على المخدة  ... تنسمع صوت ديال الدراري الصغار كايبكيو  فاللول قلت امكن شي واحد من الجيران و لكين انا تانسمعو فالدار ديالنا بغيت نفيق هشام والو دينمو بحالا ميت ، قلب الدار سفاها على علاها و مايفيقش ليك ( هزك الما احمزة هه)  شعلت تيليفوني درت ليكيت و خدمت لمزيكا و نعست حتا لغد ليه فقت لقيتو باقي ناعس قلن ليه انوض اشريف عولنا عليك بكري 
هشام : مالك اصاحبي اشنو واقع
انا: راه سمعت شي حوايج بزز باش نعست
هشام : و من بعد .. اش غادير دبا
انا : صافي غير تجي هاديك ختنا من مصر و نشوفو اش غاتقول لينا ، انا مانقدر نقول لحتى واحد هادشي يسحابليهم غير طارلي الفريخ
هشام : صافي نسا اصاحبي يالاه نمشيو لافاك نبدلو لوقت شوية
لبست حوايجي و مشينا فطرنا فواحد القهوة حدانا دخلت لاحمام نغسل وجهي ، غسلت وجهي و ملي خرجت تاتباليا القهوة خاوية اوااه هشام ما كاينش  ، ياكما كاميرا خفية دايرينها ليا ، ناري هاد الستونات الحامضين ما عنديش معاهوم  ، بقيت تانقلب حتى لقيت واحد گالس فواحد الطبلة عاطيني بظهرو مشيت عندو قلت ليه خويا فيناهوما الناس لي كانو هنا و واحد دري كان معايا قاليا راهوم كاينين غير نتا ما تقدر تشوفهم ما يقدرو يشوفوك قلت ليه شنوو ، شكون نتا ؟؟؟ قاليا انا بغيت نعاونك قلت ليه و علاش ، اشنو واقع قاليا كاين واحد الحجتب بينا و بين العالم ديالكم و دبا نتا حيدتيه يعني تقدر تشوفنا و دوي معانا ااه و ماشي كاملين غايدويو معاك بحالي قلت ليه كيفاش ؟؟ و علاش ما غايدويوش بحالك قاليا شوف نشرح ليك باللغة لي كاتفهموها فالمغرب