اشرقت شمس جديده تعلن عن وصول اخبار شيقه
ومفرحه على جميع ابطالنا
افقت حور على صوت دق على باب غرفتها ف قامت
مسرعه لترى ما يحدث
احتضنها ادم على الفور وهو يقول : خلاص يا حور نظرك
هيرجعلك انا جمعت فلوس العمليه خلاص يا حور
هترجعى تشوفى تاىنى الفلوس كلها اللى الدكتور طالبها معايا
ضمت حور اخيها بشده وهى تبكى فاخيرا حلمها
كاد ان يتحقق ونظرها سوف يرد اليها من جديد
ابعد ادم وجه حور عن حضنه قائلا : خلاص بقى مش عايز اشوف الدموع
دى تانى انا وماما رايحين انهارده للدكتور
عشان نتفق على المعاد اللى هتسفرى فيه تعملى العمليه
حور : ربنا يخليك ليا يا احلى ادم فى الدنيا
ادم : روحى اغسلى وشك وانزلي افطرى معانا يلا
حور : حاضر
***********************
فى منزل اياد كان جالسا شاردا فيما يفعله مع نهى
اياد : انا بقيت متحير وكده كتير حور ولا نهى ......لا لا يعم نهى مين دى اختك يا اياد اعقل ....ايوه بس البت دى فيها حاجه غريبه ....اياد
اعقل متكسرش قلبها زى ما كسرت فلب حور ومش هيتصلح تانى
...اعقل يا اياد دلوقتى انا عرفت انا بعمل ليه كده مع نهى ..
..نهى اختى مش اكتر وانا بحبها
حب اخوى مش اكتر لانى معنديش اخوات
******************
كانت نهى جالسه مع فاطمه تحادثها عما حدث مع اياد
نهى بفرحه : تفتكرى بدا يحس بيا
فاطمه : والله ممكن يا بت يا نونو ولا ولعبت معاك يا ولا
نهى : بس انا خايفه من حاجه
فاطمه : من ايه
نهى : خايفه احساسي يخيب وميطلعش بيحبنى ولا حاجه
فاطمه بعصبيه مصطنعه : يابت انت هتجننى امى معاكى
ليه اتهدى وادى نفسك امل فى الحياه يا كئيبه
نهى بضحك : حاضر حاضر اهدى
****************
كانت حور جالسه مع عمر فى مكان الجلسه
حور : شوفت اخيرا هرجع اشوف تانى يا عمر اخيرا
عمر : احلفى بحيات ربنا كده
حور : وحيات ربنا اخير خلاص هرجع اشوف ادم وماما وياسيمن
وهشوفك لاول مره
عمر : اه ربنا يستر وميغماش عليكى
حور : ليه يا خويا
عمر : من جمالى يا ماما
حور : اه اه من جمالك
(اكملت باحراج) هو انا ممكن اعمل حاجه
عمر : اه طبعا
استدارت له وتحسست وجه بيدها
نظر لها عمر وظل صامتا
انزلت حور يدها من على وجه
حور : بس كده اصل انا الصراحه لما بشوف حد
جديد مش عارفه اشوف ملامحه بعمل كده
عمر : لا عادى مش مهم يلا بقى نروح
هروحك واسلم على ادم وامشي
حور : اوك
*********************
ذهب عمر وحور الى منزل حور وجلس عمر مع ادم لساعه تقريبا ثم ذهب
*******************
فى منزل عمر دخل الى منزله ثم سمع
صوت خاله يناديه
خال عمر : تعالى يا عمر المشكله اتحلت اخيرا
عمر : مشكله ايه
خال عمر : المعدات اللى اتخدت مننا دفعت منها
20الف جنيه بس كده احسن بكتير طبعا
عمر بفرحه : الحمدللله يعنى هنكمل بنا العماره
خال عمر : اه من بكره اصلا هنبدا مش عايزين
نضيع وقت
عمر : اه انشاء الله بعد اذنك يا خالى هخش انام عشان هموت وانام مش قادر
خال عمر : ماشي يا حبيبى خش نام تصبح على خير
عمر : وانت من اهله يا خالى
ولاول مره نام عمر من دون ان يفكر بشئ ابدا
******************************
بعد مرور اسبوعين لم يحدث فيهما شئ جديد الا ان علاقه نهى واياد تزداد شئ ف شئ ولكن هو يتخذ نهى بمقام اخته وحور حدد لها الطبيب موعد السفر لانهاء العمليه
********************
فى منزل اياد كانت نهى جالسه مع خالتها لحزن يكسو وجهها لاول مره
والدت اياد : ايه يانهى مالك ياحبيبتى وشك عامل كده ليه
نهى : مفيش يا خالتو تعبانه شويه بس
والدت اياد : هو فى تعب يخلى وشك شبه الميتين كده
نهى : صدقينى مفيش ياخالتو
والدت اياد : براحتك يابنتى
****************************
فى مكان اخر لاول مره نذهب اليه
تجلس فتاه فى منتصف العشرينات ذو شعر بنى وعيون سوداء
وبشره قمحاويه
دينا تحدث نفسها : مش دينا اللى يضحك عليها
ويتقلها باى باى لا اصحى وفوق لنفسك هدفعك التمن غالى
اوى قريب يا زباله مش هسيبك تتهنى يوم واحد بسعاده عملى فيها جدع انا هخليك تندم على اليوم اللى بعتنى فيه
*********************************
احداث كتير اهو بحاول مجريش بالاحداث اوى لان لسه الروايه احداثها كتيره ف لو لقيته الاحداث ماشيه بسرعه هتلاقوا اللى بعد كده حاجه تانيه و ونبى محدش يقولى قصيره عشان انا بتعب فى كتابه الفصل
أنت تقرأ
بدايه جديده
Romanceانار لها دنياها...فاصبح لها نور عيناها وممتلكها الاول والاخير....تحداهم القدر وقواعده....فكسروا القواعد وتحدوه حتي اجتمعوا في حلال من جمعهم في صدفه ....فاصبحت له وطنه الذي يحتويه عند غضبه وحزنه....واصبح لها اهلها وعالمها الدافئ الذي تلجا اليه بعد دم...
