ابو نور :رجعنا للبيت وطلعت سيارتي من الحجز
واني افكر بكلام الشاب
وام نور تقنع بيه ازوجها للولد ولا تتشوه سمعتها وتعيش حياة السجون
نمنا واحنه نفكر شلون راح تنحل بس اني قررت
ازوجها للولد وارتاح واريحها البنتي
طبعآ معرفتكم بالشاب اللي انسحگ واخوه ....
الشاب چان اسمه حيدر من مدينة الصدر
واخوه اللي اتوفه اسمه مرتضى
حيدر واخوه بس هم لأمهم ابوهم مستشهد من حيدر جان عمره 5سنوات
ومرتضى عمره سنتين
امهم تعبت عليهم وربتهم احسن تربيه
حيدر مرحلة رابعه قانون
عمره 22 سنة شاب اسمراني معضل ومرتب
وصاحب عيون حلوات وشعر سرح ولحيه مرتبه
واخوه مرتضى التوفه يشبهة بس ابيض
مرتضى جان مرحله ثانيه اداب
حيدر :كنت اني المعيل الوحيد العائلتي
اطلع الصبح للكليه ومن ارجع اطلع اشتغل بمحل مال موبايلات ويه ولد صديق
وخير من الله
والحجيه عدها تقاعد الوالد الله يرحمه
مجانت مقصره ويانه
وربتنا احسن تربيه
واني هم من كبرت مخليت امي ومرتضى بحاجة شي اشتغلت كومة اشغال من جنت صغير
رغم الوالده الله يحفظها مجانت تقبل بس اني جنت شاطر ومعتمد على نفسي
كرست حياتي كلها الامي ومرتضى
جنت احب اخويه الدرجة متنوصف گعدتنا سوه
ونومتنا سوه ونطلع ونطب سوه
الحد ما اجه اليوم الصار بي الحادث
وشفت اخويه شلون مات گدام عيوني
اني بوكتها الدنيا ضاگت بيه
اجت ابالي امي شلون راح اگللها
باوعت بعيون القتلت اخويه
هي صح مجانت متعمده
بس اخذت قطعه من روحي ما اعرف شسوي
بس ردتها تتعاقب
ما ردت الفلوس لان مراح تشفي غليلي وحرگة گلبي على اخوي
وامي من وصللها الخبر ردت اخسرها انهبطت ونقلناها للمستشفى صار عدها شلل نصفي مضلت تحچي ولا تحرك ايدها ولا رجلها
بقت البنيه بالحجز 4 ايام
وجان يجيني اتصال
حيدر : الو منو وياي
ابو نور : اني ابو نور
حيدر : اي اتفظل
ابو نور : وليدي اني قبلت انت تتزوج نور
بس اتنازل عن الدعوه
حيدر بيني وبين نفسي اني ردت اتزوجها حته انتقم منها ..
اهاا اي ماشي راح اروح واتنازل
واليوم بالليل نجيكم اني وعمامي
وسديت الخط
رحت گبل للمركز سحبت الدعوه
وطلعت البنيه من الحبس
نور :طلعوني من الحبس وحالتي حاله حته اكل مجنت اكل
رحت سبحت ونمت
