نور : من سمعت كلام حيدر عبالك بحلم ما مصدگه الدا اسمعه صحيح لو اتخيل
باوعت بوجهة وهو عيونه مغورگه بالدموع
گلتله حيدر انت تحبني
حيدر صفن عليه ونزلت ادموعه
ودنگ
اتقربت منه واني ابچي وگلبي احسه يريد يطلع من مكانه
وسألته من جديد حيدر اتحبني ؟
باوع بعيوني گال احبچ والله
اني بدون شعور حظنته حيل ما اعرف شصار بيه
بس احس بروحي مثل الغريب الراجع البيته وناسه
ضلينا واحد حاظن الثاني ونبچي
واني اعتذر واتأسف لان راح اخوه بسببي
وهو يسكت بيه
نام يمي وخليت راسي على صدره وحظني بكل قوته
وهذه جانت اول ليله الي بهذا البيت انام وبعيوني ادموع الفرح
جنت يوميه انام واني ادموعي على خدي بسبب الدا اعيشه ونضرات الملامه بعيون حيدر
بس اخيرآ ربي استجاب الدعائي وحيدر ضل يحبني
وام حيدر خطيه هم حبتني وتعاملني مثل الام من اتعامل بنتها
وادگولي اني ما عندي بنيه انتي بنيتي
ومرت الايام حيدر خلاني ادخل كلية طب اسنان
وهو صار محامي شاطر
وصار عندي توم ولد سميته مرتضى على اسم المرحوم وبنيه اسمها زهراء وربي وفقنا بحياتنا ...
" تمت "
اتمنى تكون نالت اعجابكم ....
كل شخص ينال الجزاء اليستحقه رب العالمين اله اراده بكل شيء.
توجد ملاحظه بالبارت الاخير ....
