كعدت الصبح متأخرة كالعاده وصوت ماما تناديلي. ..
-نهى ...نهى ..كعدي ماما مو صارت الدنيا ظهر..
-جاية جاية مستحيل واحد ينام بهل البيت..
طبعا أعرفكم بنفسي أنا نهى مواليد 1992 محامية مع وقف التنفيذ بيضة طويلة تارسة عيوني بنيات وشعري اسود على حمار ،أنا البنت الوسطى بالعائلة واحنه تلاثة أختي الكبيرة زينب تزوجت ابن خالي ببغداد قصة حب 😍😍😍وأنا وأختي الزغيرة نور بزر الكعدة وبابا وماما الغاليين، ،،والدي مدرس متقاعد وامي ربة بيت ..
نزلت أشوف الماما لكيتهم هي البابا كاعدين يسولفون.
- شلونهم حبايبي .،،؟وبوستهم اثنينهم. .
-أدري يا ماما شوكت ناوية تكعدين؟
-ماما هي عطلة وأنا نظفت البارحة بعد ليش اكعد؟
-ماما اضوج لوحدي يا عمري أنت ...
- ادري مو الوالد يمج بعد أنا بيش الكيلو ..
طبعا هذا الموال اليومي للوالدة حفظته من يوم تخرجت وأنا ما حاولت ادور تعين أو اشتغل بمكتب وأحس أمي خطية قلقة راح ابقة على كلبها، محبيت ارتبط بوظيفة دائمة اضوج ولا أحب الالتزام بمكتب بس استلم قضايا من مكتب كروبي مال الكلية وادرس القضية واكتب المرافعات بين فترة والثانية وبدون دوخة رأس...
بهل الأثناء إجه للوالد اتصال من عمي وابوي انخبص. ..
-إلى رحمة الله تعالى ..خطبة وسام ما يستاهل. ...طبعا نجي شلون ما نجي .،،،
نهى بابا الاتصال وأنا وماما صافنين وثنينه بصوت واحد ...
-شكو شصاير؟؟؟
-هذي مرة وسام توفت. .
-يا وسام بابا ؟
-د.وسام ابن عمتج أمل ،خطية زوجته ورة الولادة طلع عدهه الخبيث قبل سنة ومخلوا مكان مراحوا بس هذا حدهه 😢😢😢😢طبعا اخذهه هند ولبنان ..خطية ياخسارة شبابها وشهادتها ملحكت تتهنه!
-إلى رحمة الله تعالى كلنا لهل الطريق ..،،
-ماما نروح مو؟
-طبعا هيا فرصة اصالح أمل وارجع ألمي لمجاريهه ..
-شدعواها عيني أختك علنت الحرب قابل كفرنه، قسمه وما صارت
اوووو راح تبدي المعركة...
-رجاءا ماما ،بابا لا تبدون بلييز تزوجوا وصار عدهم اولاد وانتوا لساتكم بحرب كلما ينفتح الموضوع.
أختي زينب رادتهه عمتي لابنهه الكبير إياد بس زينب كانت تحب ابن خالي ويحبهه لذلك ما قبلت وصارت مشاكل ببيتنا ما فضت إلا بالشافعات، زينب أختي مو مثلي قوية كلش واللي تريده تأخذه بعض النظر عن الطريقة و التضحيات ورغم هي عزيزة البابا بس هل الموضوع ظل بينهم نقطة سودة..طبعا عمتي هم ما قصرت قاطعت أبوي فترة ووين ما تروح تكول ما قدرني، زينب تزوجت ابن خالي ببغداد واياد ابن عمتي تزوج وصار عدهم أطفال بس النفوس بعدهه شايلة. .،،
-يله اكوم أحضر ملابسي السود عيني تبقي حماتي الوحيدة وغالية. ...
- يله حبي عزة الرجال بالحسينية والنساء ببيتهم حتى اوديج واروح مناك .،،
راحوا ماما وبابا وظلينا أنا ونور بالبيت نسخت حتى نور ما قرت رغم هي سادس ادبي. ،،
-ها اليوم ريست؟
-أي والله مليت من القراية 😢😢😢
-جان رحتي وياهم غيرتي جو😂😂😂😂
-ألله عليج هم تعاركوا؟؟!
-بدوا وإنا فضيتهه. .
-حبي ليش أنا أروح ،قابل أنا بنتهم الثانية لاعيني هسه دورج تأديين الواجب وتواصلين الناس بس خلي تجي ماما وانا الج مو ضامه راسج. ،،
-حبي أنا فواتح ما أروح مو اختصاصي😂😂😂
ورجعوا ماما وبابا وجانوا حيل متأثرين ويكولون حالة يبجي الصخر هو وبنته .
-خطية الله يصبره (خلي يطلع الاربعين ويبدي بسوي بحث)
-صدك حضري روحج بالثالث تجين ويانا. ،،
-سمعتي نور؟!
-لا مو نور ،،نهاوي ماما عيب كبري كافي ظامة راسج كلهم سألوا عليج،...
-خطية منين تذكروني وسألوا !
حبايبي أمانة عليكم إللي يقرأ القصة وتعجبه يصوت😙😙😙😙
أنت تقرأ
الضحية
Romanceحين تجبرك الظروف على قبول الزواج من شخص مات قلبه وانتهت لديه قصص الهوى والعشق فكيف تستمر الحياة وأنت قلب نابض تحت غطاء الجليد نهى فتاة تزوجت اكراما لوالدها من ابن عمتها للتكفير عن ذنب لا يد لها فيه فوجدته حطام رجل وعائلة بحاجة إلى أم....
