الضحية

غزوة حب

الصبح كعدت لكيت اهلي جايين ووسام وبابا طلعوا ،،بقينا انا وماما ،،
- ها حياتي شلونج؟
- الحمد لله أحسن..
ماما ضحكت ،،أنا دنكت واستحيت حسيت ماما تعرف شنو صار ،،شوية وورجعوا بابا ووسام مكملين الخروجية مالتي من المستشفى ووياهم عربانه خلوني بيها بصعوبة ووسام دفعني،،سلمنا على الكادر وطلعنا ..
بابا وماما بسيارة بابا وانا بسيارة وسام رفعني بايده مثل الطفلة وأنا رغم موجوعة بس فرحانه باهتمامه، ،بدينا نمشي ما انتبهت إلا بعد فترة احنه مو طريق البيت ،،التفتت بوسام.،

- هاي وين رايحين ؟
- للبيت..
- أي بس هذا مو طريق بيتنا؟!
- أي هذا طريق بيتنا أنا وياج!
- وسام رجعني لبيت أهلي رجاءا؟!
- من كل عقلج اوديج لبيت خالي؟!أطول زعلات امي وابوي من جانت تزعل عندكم،،لا عيني مرتي ابيتي وهذا الموجود..
ظليت ساكتة ومحتارة بيني وبين روحي اريد ارجع بس بابا شلون ؟!اكيد يزعل ميصير هيج..
- وآلله بابا يزعل محلو هيج تخلي كدام الأمر الواقع..
- مالج علاقة خالي أنا أراضي..
- وأنا بعدني زعلانة وخايفة منك ..
- هو أنا ماخذج اراضيج بعدين ما اشتاقيتي لرقية؟
- طبعا اشتاقيتلها بس الضروف تحكم..
شوية دك تلفوني ماما،،
- وين صرتوا يوم ؟ابوج ظل باله.
- ماما أنا ابيت عمتي وسام اخذني. .
- شنو والله ابوج يتخبل؟
أخذ التلفون مني وسام ،،
- خاله لايظل بالكم ،انا امر لخالي وافهمه..
- ياخاله ميصير هيج،،يله بعد شنريد نكول غيرالله يهدي  سركم..
وصلنا لبيت عمتي وتلكونا الولد والبنات كلهم متجمعين، ،،دخلني جو بغرفة البنات ونزلني على السرير مالت اخته ايمان،،اجو كلهم باسوني وتحمدولي السلامة ورقية ركضت علي مثل البزونه تكامز وتبوسني وتبجي تريد تكعد بحضني،،كوه رهمت ،،عيني دمعت عبالي نستني،،
- منو انا؟
- ماما نهى الحلوة.
- يابعد عمري ،عيونج الحلوة...
اجتي عمتي يمي،،
- حمد لله على السلامة يمه نهى،،توه نور البيت..
- منور بيكم عمه، ،
ذبحوا خروف على سلامتنا وملتمين كلهم وانا بالي يم وسام لأن راح لبابا،،،

بيت الخال،،،
- شنو خالي أنت مالك جبير؟!لو تحطني كدام الأمر الواقع!
- محشوم خالي أنت جبيرنا وخير وبركه بس آلله عليك خالي شوكت جنت ناوي ترجعها الي؟
- وآلله خالي أنت حلفتني،أقل شي سنه !
- وأنا سنه اتحمل بعادها وبهذلتي أنا وبنتي إللي ميته عليها ،تدري من رجعت لهسه كاعده بحضنها،،عهد علي امام الله اشيلها بعيوني،،وإذا بدر مني شي إلك علي كل الحق وراضي بالتسوي..

- يله أبو زينب،،الولد ابنا وسبحان إللي ما يغلط ..
- هاي هي ،،اصلا أنا بعد شكدر أسوي؟ اشو أنت بكتها بوك بس ها دير بالك تره أنا مو دائمآ زين...
- تووووووبة عمي تووووبة ،،
كمت على خالي وبسته من راسه هو وأم زينب وأخذت غراض نهى ونور ورجعت لبيتنا،،نشف ريكي خالي.،

كاعدين ودخل وسام ونور أختي وغراضي،،
- هلا الحمد لله على السلامة، ،حليانه على الجبس،،،نور،،،
- آلله يسلمج روحي ،،وج شحليانه صايرة رجل إلي!
- الله ربج كضيها كعده،
- ولي شكد مكروهة!ههههههه
ظلينا نضحك من سوالف نور ولا تكبر ،،هي ورقية نفس العقل،،،،
- أنا هم اجيت موبس نور ،،،شنو ما شفتيني؟
عزه هذا وسام صدك مستخف،،يحجي ويحرك بحواجبه كدام الكاعدين كلهم، ،صرت طماطة. .
- ارتاحي خالي كلا اخذها أصلا شنسوي بيها مكسرة؟
- بابا هيج كال؟مستحيل ،،
- بابا هيج كال؟عيني أم بابا خالي نشف ريكي وأنت لازم ترويني. .
- يا وسام هاي شبيك؟
اشرتله بعيوني يعني عيب والأخ فضحني بالزايد،،
- شبيكم أقصد كلاص مي ماكو😈😈😈
ظلت كلها تضحك بعدها تفرقنا كل واحد لمكانه ونور صعدت رتبتلي الشقة والغراض ووسام وياها، ،بس ما قبل أصعد للعصر تمددت على السرير ونمت وما اس ألا واحد حاضني، عرفته من عطره بدون ماالتفتت..
- ها حبي اجيت؟
- أي اجيت يابوية ردتلي روحي ،نهى  انداري علي،،
حاولت اندار  وهو ساعدني صرنا واحد مقابل الثاني والمكان ضيك ،،،ما حسيت الا اخذ شفايفي بشفايفة وبدأ يتفنن
برسم اشتياقة وأنا ويا على نفس الخط لحد ما انكطعت أنفاسي...بعدها حضني وبدأ يشم بجسمي حسيته صدك مشتاق وملهوف، ،وشوية شوية بدأ  يتجرأ اكثر،،،
- آه ،،،
عطت اذاني، ،أبتعد وهو يأفف، ،،
- ما ترهم، ،،هسه ألا تنكسر رجلج، ،أستلم مكتبولي شلعان القلب،،راح ارجعج لخالي ويوميه اجيكم واطلعج منفوشة هههههه حتى اجلطه، ،
- اسم الله علي،،يعني هسه ما أنفع دام  هيج رجعني، ،
- ههههه أي مو مخبل أنا ،،لا حبي نكضيها .....،وآلله كريم وبعدها تعوضيني. ..
- وآلله كلشي ما أعوض، ،بعدين انت شلون تأخذ راحتك هنا بلكت دخل احد؟
- اووو هاي مشكلة الزعاطيط، ،بابا قفلت الباب من دخلت ...
- زين ..،
بعدني ما كلمت هذا رجع أخذ شفايفي وغبنا بغزوة حب جديدة فتحلي بيها آفاق خفية من الحب والهيام ...
- أخ شكد جنت مشتاقلج يا نهى يا بلسم جروحي،،راح اسميج بلسمي لأن بس انت تشفين روحي ...
أنا متت خجل ما أعرف شكول بهيج مواقف ،،دنكت ودفنت رأسي بصدره. ..
- اوووف شلون أنا باليخجل، ،،
همس يم اذاني وأنا أحس خدرت، ،مابيه أتحرك، ،،ظلينا نايمين لليل واحد بحضن الثاني مثل ما جانت اتمنى وأحلم ،،،
مرت الأيام اللي بعدها مثل الحلم، ،وسام ملتهي بالشقة الفوك يعدل هو ونور اللي تجينا بين فترة والثانية وما اعرف شغيروا بيها ..
رقية بيني وبين نور أختي ومرات أحس بالذنب لأن ما فكرت بيها ولا عبالي راح تشتاق لي،،وسام كل ظهرية يستغل الفرص حتى ينفرد بيه ويعلمني دروس جديده مثل ما يكول،،،
- لا ما شاء الله متحسنه ما باقي شي على التخرج هههههههه. .
- كافي والله طلعت عيني. ..
- أي نصبر والله كريم ما ظل شي ...
بين فترة والثانية مراجعة دورية للاخصائي حتى نرفع الجبس ،،بعد ست أشهر يله كدرت أوقف من جديد وبحذر وبعدها تبدي جلسات العلاج الطبيعي،،مرات الواحد تمر على سنوات مرض وحزن وهم تعوض عن كل عمره وهذا حال آخر سنتين من حياتي،،
بيومها رجعنا للبيت محد موجود لا عمتي ولارقية،،غراضي نقلها وسام لشقتنا ردت اصعد  كال لحظة،،شالني مثل الريشة لأن نزل وزني هواي مؤخرا...نزلني بباب الشقة ،فتحت الباب برهبة لساها الذكرى بقلبي ،،دخلت كل شي على حاله ما عدا غرفة نوم المرحومة ما كو ومحولها غرفة اطفال لرقية وناقل ملابسه وغراضه لغرفتي،،،تفاجأت

- ها حبي شرايج بالتغييرات؟احلى مو يوميا أنا بحضنج، ،،
- يا عمري شكرا ولو اعرف صعبة عليك ...
- صعبة علي فراكج يالغالية الباقي كله هين ،،
دخلني لغرفتنا محضر روب نوم يخبل جديد ،،
- هذا منين؟
- مني،،شرايج بذوقي؟
- فضيع ..
لبسته وعدلت روحي،،هو هم بدل واجه كعد على سريرنا يباوعلي اجيت باتجاهه سحبني من ايدي وكعدني بحضنه،،
دفن وجهه بصدري وضعنا بعالمنا الخاص ،،،،صحيت وانا بحضنه والساعة 9ص وما رايح للدوام،،
- وسام اكعد فاتك الوكت..
- ما عندي شي اليوم عطلة...
رجعت نمت بدون استيعاب شنو عطلة،،كعدنا الظهر ،،البيت خالي ورقية ما صعدت ،،سبحت وصليت بديت ادور بالمطبخ شسوي،،،حسيت بي حضني التفتت ،،
- صح النوم،،يا حلو
- صباح الحب يا احلى حب ،،شعندج بالمطبخ؟طلبت دلفري، ،
- أي وآلله احسن ما عدنا مسواك.
- ما نحتاجة احنا باجر مسافرين،،
- وين أن شاء الله،.
- اربيل رحلة شهر عسل ماجلة،،،حضري روحج اليوم وباجر نطير ،،
- ورقية؟
- وي أمي بالزيارة هي والولد..
- اشو أنا كل شي ما أدري..
- الج الصافي،،تعاي وياي اكلج شي بالغرفة...
رحت ويا وسام كعدني على السرير وكعد كبالي بالارض  على ركبه صرت اعلى منه،،لزم ادي ويحجي،،

- نهى حبي أنا آسف على كل اللي فات ،،،نهى أنا احبج من كل قلبي وبكل معنى معروف للحب ..
تفاجأت وفرحت وظليت اامتت،،

-ها ،،،أنا ،،،هم ،،،
- أنت هم شنو؟
- أنا أحبك وسام ..
- أدري حبي لا تنحرجين عادي أنا حلو ومتعود يصارحني ...
- يا شنو هل الغرور أصلا أنت بديت وانا ما حبيت افشلك. .
- ههههههه شبيج انجر بوشج فعلا ادري بيج تحبيني،،من فتحتي عيونج بعد العملية صارحتيني😂😂😂😂
- اني؟!
- لا بيبيتي، ،وسام أنت حلو، ،،وسام أنا أحبك ،،وسام أنت ليش حقير فضحتيني فضيحة لهسه جماعة العمليات اصرف عليهم كباب وما ملحك صرت أبو الدلفري مالتهم، ،،
- هههههه عزه أنا شمصخمه والله عيب ...
- بالعكس ذاك اليوم ويعز خوفي عليج ،،حسيت انطيتيني أمل بالرجوع لحضني وهدف للقتال ،،،ذاك اليوم أقسمت ما افرط بيج لو شماصار ،،،نهى أنت اجيتيني بوكت الخريف كلشي بحياتي جان أصفر وقلبي أرض يابسه اشجارها صوفرت وطاحت كل اوراقها، ،،برائتج وهدوئج داوت هواي جروح ومخاوف بقلبي وغيابج عرفني قيمة الأشياء اللي
هي حيه وامامنا، ،،ما أنكر حبيت المرحومة بشكل جنوني ولازلت أحبها بس انت حبج شي جديد ومنفصل. ..

- وسام أنا أحبك حتى لو مو الوحيده بقلبك هم ابقى أحبك كلش،،،
دنكت علي بسته من كصته، ،،رفعت رأسي سحبني خطف شفايفي وبعدها بدأ غزوة جديدة من غزوات الحب ❤❤❤❤