الضحية

مفاجأة ولقاء

يومين وسافرت زوبة هي وزوجها واولادهم، بعد ما بلغت ماما رأي بالموضوع وبدت ماما الحرب الباردة..
ومرت الأيام عادية لأن أمي بسرعة ملت من الحرب خصوصا ماكو شي يخليها تحجي بالموضوع. ،

بيت العمة ...
- يمه اليوم مر على رقية جيبهه من الروضة مو تنسى مثل ذيج المرة!
- لا ماانسى هي مرة وحده وما نسيت بس الطريق ازدحام..،
خليت وطلعت ضجت من الوالدة ،مرة وحده سوتهه قصة ،أنا اعرف عليمن هذا كله ..
تريدني اتزوج وهي حقهه بس ما اكدر،جرحي بعده اخظر والألم بروحي ما مجبور أظلم وحده وياي وأنا أرض قاحلة..
حتى الحزن ممنوع ،طبعا خواتي الإثنين خطبوهن ولد عمي بعد السنوية مال مرحومة وأمها يرادلهه واحد يعتني بيها.
أمي هم تعبانه ومحتارة بالوالد والبيت ،اخواني كل واحد عازل بيت وحده وملتهين واصلا أنا ما ممكن اكلف أحد
وأمي أحس مرات تخبث حتى اتزوج لكن هيهات أنا فعلا تزوجت بس مو مرة تزوجت المقبرة والحزن ...

دفنت روحي بالدوام والشغل حتى أنسى وأسد الديون اللي على رأسي ،لاهلي وإخواني. ...
صارت بالوحدة اتفقت وي ولد يغطيلي وطلعت للروضة بسيارتي ،دخلت ودكيت الباب الداخلي وظليت منتظر بره
خاف ماخذات راحتهن المعلمات ،طلعت المديرة للباب
- تفضل دكتور ليش واكف بالحر؟
- تسلمين ست جيت على رقية. .
- دقايق عيني تعال اتفضل للادارة. .
دخلت انتظر جوه، ،راحت المديرة وشوية واجت معلمة ورقية والمديرة. ،،
طبعا من سجلت رقية حجيتلهم ظروفي حتى يراعون بنتي ونفسيتهه لأن جانت كلش متنحسه. .
- أهلا وسهلا دكتور هاي رقية خليتهه بعيوني...
- تسلمين أختي ربي يحفظكم ويرعاكم ،،،
- بالعكس بالخدمة وهذا رقمي خاف تحتاج أي شي يخص الطفلة وطرق التعامل وياها، ،،انا ست منى اختصاص رياض أطفال ،،،
- أهلا وسهلا تشرفت بيج،،،
- طبعا ست منى كلش دايره بالهه على رقية ومتعلقة بيها وحتى الزغيره همين. ،،المديره
- مشكورين لجهودهم، استأذن منكم..
طلعت وأخذت رقية للسيارة وبداخلي أضحك (يله بابا استفادي شوية من العروض مال زواج،خلي يعتنون بيج😂😂😂)،بس مو معلمة الله يسترها لابسه وما لابسه شدهتني وأنا صايم ومضرب. ..
رجعت للبيت ورحت أخذت دوش سريع ونزلت لأمي أنا ورقية بعد ما بدلت ملابسها وغسلتلهه ،اعتمدت على روحي
حتى لحد يمن علي وحتى شوية طبخ هم تعلمت لأن أنا شقتي لوحدي فوك اهلي بس يبقى البيت محتاج أم
بيتي اللي راحت وأخذت وياها كل طعم الحياة...
نزلت لأمي وصبتلنه أكل وكالعاده بدت الأسطوانة. ،،
- أدري يمه شوكت ناوي تتزوج ،تظل هيج متبهذل أنت وبنتك. .
- شبينه متبهذلين اشو جنه ورد، باوعت لرقية وحجيت مو بابا المندفشة 😀😀😀
- أي بابا ورد و مس منى ورد...
-عزه هاي منو ست منى،!؟
- معلمة الروضة مالتهم حيل معتنيه بيها. ..
- ها هنا السالفة معتنيه بيها وعينها لابوها. .
- صدك يمه هالحجي كدام الطفلة وهي صايرة راوتر!
- ليش ما اخطبلك بت خالك أبو زينب مو احسن من الغريبة...
اووو أمي زوجتني وأنا ما أدري. .
- يا غريبة يوم صدكتي بالطفلة، بعدين بنت خالي منو يكول تقبل ؟
- أنت وأفق ومعليك. .
- خاف مثل شغلة زينب ويفشلوج وتالي تردين تتكاطعين أنت وخالي ..
- لا عيني أخوي ما يردني وذاك شي وهسه شي. ..
- صح ما يردج وبنفس الوكت ما يجبر بناته،يجوز تطلع هم تريد احد؟
- شلون حجي هذا ،بنات اخوي مادبات وعيونهن مارفعنها بيوم السنوية .،
- ادري بيهن ونعم التربية بس خالي مربيهم على الحرية ووضعهم غيرنه يوم،
- أنت وأفق ومعليك. ..
- ما أدري يوم ...
خلي نكمل غده والله كريم،،،ما طلع غده لو مأكل بالدار اشرفلي. ..
أمي تحلم، خالي ما يجبر بناته وهن روحه من الدنيا وذيج زينب واخوي الجبير مهندس وخالي مختلي ورفضوا لأن
جانت تريد ابن خالهه مو هسه أنا ارمل وطفلة والاضرب خالي يدري بيه فارقت الحياة وي المرحومة .،،
زمن صارت المرحومة!!
كملت أكل واخذت رقية غسلتلهه ودخلتهه الحمام وصعدنا للشقة، حبيبتي لعبت شوية ونامت وأنا طلعت الصور بنقالي وبديت اكلب بصور الغالية واحجي وياهه. .وين رحتي وعفتيني ،أحس روحي مقصر وياج وما وفيتج حقج يالترفة. ،،
عذريني ضغطت عليج بالعلاج شسوي عبالي تشفين ونرجع مثل اول..، حسيت على دموعي ولوعة كلبي وحسراتي،،
مخدعي المكان الوحيد اللي أخذ بي راحتي ومحد يكلي شلازم أسوي. ،،
ثاني يوم كالعاده الصبح وديت رقية للروضة ورجعت للمستشفى وهم طلعتلي ست منى والله يغفرلها غضيت البصر
وطلعت ..
بالمستشفى أنا خفر ردهه شفت المرضى وبعدين إجه الأخصائي وافترينا على المرضى ويا الصيدلانية والممرض و
زملائنا إثنين وبنهاية التور استلمني. .،
- شوكت نتزوج؟ .
- الله كريم أستاذ، ..
- شوف أبني أنا اكبر منك وافهم منك عشت وشفت لحد ما هل الرأس شاب ،اتزوج وعيش حياتك والحزن بالقلب
ومومعنى نعتكف ونضرب عن الحياة .،،
- شنو أستاذ الوالدة مارتلك؟ ...
كلها ظلت تضحك حتى الأخصائي رغم ما متعود احجي هيج وياه
- ها يعني والدتك هم هيج رأيها ،طبعا حقها قلب والدة وتريدك تستقر. ،
خلص التور ورجعت وي الولد للغرفة وهم رجعوا فتحوا الموضوع،،،
- صدك وسام شرايك ب د.ابتسام اللي جانت بالتور ويانه؟
- أو هاي أمي مفتره الردهه وموزعة أرصدة هم 😂😂😂
- لا لو موزعة أرصدة جان عقدنالك 😂😂😂😂.
العصر ودت على الوالدة حتى اوصلها لبيت خالي ،وصلتهه ورجعت .،،