بالثالث أصروا أروح وياهم رغم أنا أكره التجمعات و استحي حيل بس اتفقوا علي كلهم..حتى الأسود أنا أكرهه وما عندي كلش قليل ،لبست تنورة سودة وقميص وشال اسود طلعت الغراب العطشان بيومهه مكياج كلش خفيف .،،
دخلنا للبيت متغير هواي عن قبل...مجددي ومغيرين هواي.
سلمت على اقاربنا أهل ابوي وما أكثرهم وبعدين ماما أخذتني لعمتي وسلمت عليهه. .
-هله عمه هله ببنت الغالي وحضنتني عمتي وتبجي، إني بالأول جمدت ما اعرف شسوي بس اجتني ضربة خفيفة من ماما رأسا اشتغلت...
-البقاء بحياتكم عمة أن شاء الله آخر الأحزان ...
-شفتي ياعمة الزين ما يصيرنه. ..الفقيرة ،المؤدبة راحت جوا التراب وظل وليدي المسكين مكسور الجناح، عافت بنتها زغيرة يا عمه سودة علي يمه وسام !
-كولي يا الله عمة كلنا لهل الطريق .،.
ظليت كاعده يمهه وكلساع يجي أحد يعزي ويروح.
بهل الأثناء اجتي زوجة عمي وسلمت على عمتي وكعدن ينوحن شوية بس يكسرون باب القلب ،ومن خلصن قلبن صفحة وبدت السوالف...
-ها خيه شلونكم وشلون الولد ،البنات أن شاء الله كلكم بخير.
-الحمد لله بعد كلبي عمت عيني عليكم خية، متنا قهر على وسام ...
-أمر آلله خية اشتريناها بارواحنه وما رهمت😢😢😢😢...
-الله يعوض صبركم و يجعل أثرها عليكم خير...
-فدوة هاي منو من البنات؟
-هاي نهى بنت الغالي أبو زينب.
-يمه فدوة خاله كبرانه تعالي ابوسج قلب.
كمت بستها و كعدت يمهه. ..
-فدوة خاله وين صرتي شكملتي؟
-كملت قانون خالة وصار سنتين تخرجت.
-ما شاء الله خاله ،الوالدة وين ؟
رفعت رأسي ادور على أمي ،واشوفهه جاية علينه. .
سلمت على زوجة عمي والتفتلي
-ماما نهى كومي ساعدي البنات بالمطبخ.
كمت وأنا ادردم بيني وبين نفسي ( اشتغلت رحمة الله ،أول مرة بس تعالي وهسه ماما شغلتني عمالة محلية😂😂😂😂).
أمري لله كمت ورحت أدور على مطبخهم وشفت بنات عمتي وجناينهم 2وسلمت عليهن كلهن وسالتهم إذا محتاجين شئ ؟
-لا قلب كل شي مكملين تعالي كعدي. ..
-رحت كعدت يمهم وبدت السوالف العادية وبهل الأثناء دخل علينه رجال من باب المطبخ وسيم جدا رغم جان شكله شايل هموم الدنيا كلهه على راسه،جان لابس اسود ولحيته طويلة ولابس نظارة بس شايل جاذبيه مو طبيعيه طبعا من دخل كلهن انخبصن بي ...
-ها خوية أبو رقية،محتاج شئ؟
-هاي رقية خلنهه يمجن أريد شوية أرتاح رأسي موتني. ..
انطاهن طفلة عمرها 3سنوات شقره دبدوبة تخبل. .اخذتها إيمان وهو فات جوه بعد ما سوله طريق...
فات وصعد وأنا ما سلمت علي لأن كلش استحيت وحسيت روحي مليش لأزمة. ..
-أخذت الطفلة من إيمان بنت عمتي وكعدتهه بحضني وكعدت الاعبهه فدوة تشهي الواحد يعضعضهه بس جانت كلش متنحسة وحقهه أنا الجبيرة دمعت عيني على حالهه ولسا إذا ماما تروح زيارة لو تسافر نحس البيت فاهي ...
نزل وره نص ساعة مبدل وسابح وعيونه حمر وسأل عن الزغيرة، جانت بحضني وتكركر خطية ..
دار علي أنا وكفت وانطيتهه إله بعد ما خزرني الظاهر الطفلة ممنوع تضحك ..
-هاي نهى بنت خالي أو زينب .
-البقاء بحياتك أبو رقية. .
-البقاء بحياتج. ..
أخذ الطفلة وطلع ...
أنت تقرأ
الضحية
Romanceحين تجبرك الظروف على قبول الزواج من شخص مات قلبه وانتهت لديه قصص الهوى والعشق فكيف تستمر الحياة وأنت قلب نابض تحت غطاء الجليد نهى فتاة تزوجت اكراما لوالدها من ابن عمتها للتكفير عن ذنب لا يد لها فيه فوجدته حطام رجل وعائلة بحاجة إلى أم....
