الضحية

جسدا واحد

بعد ما رجعت للبيت وبدلت لكيت مسجات هواي من كروبي،يتساءلون عن وسام منين لكيته ووين جنت ظامته ومصطفى يكول يخوف و،،،الخ من التصنيف علي وشلون صايرة جدية كدامه. ..
بعد أسبوع اجت عمتي وطلبت من ماما وبابا يعجلون الموعد لأن زوجها صحته موشي وكلشي جاهز، ،،كالعاده ما كالو شي وتقدم العرس لنهاية الاسبوع الجاي وصار الإتفاق ننزف للشقة بدون هوسه وبعدها نسافر لاربيل، ،،ماما
اكدت على عمتي يجي بيوم الحنه حتى ناخذ صور..
وركضت الايام واليوم حنتي ما راح اوصف شنو لبست لان شوفوني بالصورة ،،ما خلينا احد ما عزمنا صديقاتي ،،قرايبنا ،،أخواته وعمتي وجناينهم وبنات عمي وسوينا مولد ،،،طبعا هو اجه أخذني من الصالون وورحنا للمصورة
وويانا زينب،،
بعد ما دخلنا الاستديو، نزعت البرنص وهو حيل تفاجأ لأن فديتني طالعة كمر 😂😂😂عدلتني زينب وبدت المصورة ولقطاتها الجريئة جدا ،،،
- خلي عينك بعينها ،،وايدك على خصرها، ،،
- احضنها من ظهرها وأنت تجي روحج على صدره😨😨😨😨
المهم مصختها لحد ما خلصنا ورجعنا للبيت ،،،ودخلت واشتغلت الهلاهل والدك والركص والملاية ما قصرت ،،
بيومها نسيت كل مخاوفي وتحفظاتي ،،حسبت روحي نتزوج شخص يحبها وتحبه وتحققت امنياتهم. ..
حنتني عمتي وجلوني وخلصت الحفلة بعد ما شبعنا ونسه ،،،
ثاني يوم العصر اجوي بسياراتهم هو واهله سكيتي واخذوني من بيت أهلي وحضنهم، ،،من الدفء والحنان والحماية
للمجهول وصار تغيير بسيط زفونا للفندق واجت وياي ماما وعمتي ووصلني للسويت وهناك ابيت عمتي سوا عشا للزلم، ،،
وصلونا وحضنتني امي ووصته علي وراحت هي وعمتي بعد ما شبعت بجي أنا وماما،،،
ظلينا أنا ووسام لوحدنا ساكتين جان لابس قاط أسود وأنا قاط أبيض قمة التناقض،مثل الليل والنهار،،
حسيته يعيش صراع ويه روحة واخيرا نطق ،،
- نهى كافي تبجين، ،،هياته بيت خالي شوكت ما تردين اوديج، ،ولا تخافين مني ابد ،،كل شي أن شاء يصير
طبيعي بعد ما نتعود على بعضنا ،،،وهسه راح اتركج ترتاحين وتبدلين وأنا نازل شويه واطلب العشا،،

طلع وانا فعلا جنت محتاجه ابقى وحدي ،،دخلت سبحت وبدلت بكلبية بيضة منقوشة ذهبي من عمتي من العمرة
جابتها فال حسن وبركه وهي استر ما لكيته بالجنطة إللي حضرتها زينب ،،،

ورا ساعة ما اعرف وين جان بيها،،رجع ويا العشا ودخل غسل وبدل وانا توليت مهمة صب العشا على ميز الطعام
الموجود وجنت ميته جوع واكلت من كل قلبي لحد ما رفعت راسي شفته صافن علي ،،
- صارلج شكد بلا أكل 😮😮😮
عزه متت خجل واجيت اغص،، هاي بدل من يوكلني بيده ،،،
- جنت جوعانه، ،
- واضح، ،
هنا ظلينا نضحك اثنينا وبعدها صار صمت محرج وترقب مخيف ،،قطعه طرق على الباب تحلية من الفندق هدية للعرسان،،،
- شوفي حتى الفندق حسو بيج جوعانه، ،،
ظليت أضحك وشوية لميت الباقي ورحت غسلت وطلعت ما لكيته، ،بعد احسن،،،
رحت تمددت على السرير وتغطيت وأنا ميته تعب وقلق وما حسيت من نمت ،،،
الصبح حسيت على ايد على رأسي وجسم قريب علي ،،اخترعت وفزيت وشفت وسام  نايم يمي وماخذ راحته
شوكت إجه ؟؟ليش نام هنا ؟؟والله ما جاي افتهمه، ،،
كمت غسلت وبدلت وحاولت اطكطك حتى يكعد بس الأخ رايح بنومة عميقة آخر شي فتحت التلفزيون وعليته ففز
مخترع ،،باوعلي واتذكر الوضع ،،
- صباح الخير ،،ليش ما كعدتيني ...
- حاولت بس ما كعدت ففتحت التلفزيون، ،،
- يله تره الجماعة منتظرينا، ،
- جاهزة، ،
كأم على السريع بدل وغسل وطلعنا من الفندق متوجهين للبيت،،،وصلنا وذبحوا خروف جوا رجلي كالعاده ولكيت
ماما وبابا والبنات جاين ووياهم الريوك كيمر وكاهي على عادة اهلنا. ..
صعدت للشقة وبدلت كلابية بيضا مال صباحية وشالي ونزلت تريك الكل ويانا وبعدها أهلي انسحبوا بعد ما ودعوني
وشبعت كرص من خواتي عن شي تهربت من اجابته، ،،
صعدت للشقة بعد ما مليت من الكعدة والمجاملات ،،،لكيت ماما وزينب مرتبين كل غراضي بغرفتي وزرعاتي هم بالسطح الثانوي مال الشقة لأن أنا أموت عليهن ،،،
دخلت للغرفة وبدلت بدشداشة بيت قصيرة ونمت من التعب ،،كعدت لكيت الدنيا ظلمة والساعة ما اعرف بيش،،
فتحت التيبل لام واشوفهه بالتسعة،،عزه هاي شكد نمت وشكد عيب؟!
طلعت من الغرفة وسمعت صوت حركة بالمطبخ،،رحت لكيته وسام ،،،
- صح النوم عيني، ،
- سوري وآلله بس كلش جنت تعبانه،،
- عادي هو احنه شورانه؟!
ظل يبصبص على لبسي ودار وجهه ،،رجعت للغرفة غيرت ملابسي بشي مستور وشال وطلعت اريد انزل،،،
- هاوين؟؟
- نازلة أساعد عمتي وأشوف خاف محتاجه شي...
- ليش لا؟!
نزلت بعد ما شعلت والدي ،،عبالك حرب علي شنتها هي والمصورة ،،،إذا راح تستمر على هاي ملابسها والظاهر
هذا زي البيت عند بيت خالي،،،اقرأ على روحك السلام ،،،،خطية خواتي سنين وهنه قمة الستر بس الظاهر لان احنه
بيتنا ولد وبنات ،،،