ISHQ PAR JOR NAHI.

15

Naina ne jab se Titanic dekhi...us ne sirf ek hi bat ki rat laga kr rakhi he.

Ye leonardo ne Cate ki painting kyu banayi? (The painting scene)

Raj bahut pareshan he.. Kyu lekar gya wo isko movie dikhane..aur to aur us secen pr sab whistles maar rahe the aur Naina uska sar kha rahi thi. Raj ko pta hi nahi tha ki Titanic me uski izzat ka ship dubne wala he. Tab se Naina wahi puche ja rhi he. Ye ladki pagal kar degi ek din.

Pahle to Naina ko avoid karta rha...lekin Naina man ne walo me se nahi. Usne Raj ka picha hi nahi chhoda. Hospital me agar busy he to sham ko puchna he usko. Agar sunday he to pura din bas yahi baat. At last Raj ka sabra jawab de gya..

'Rajjjjj...sunooo naaa.' Wahi question hoga.. Pta he Raj ko.

'Naina...Us time screen par nude poses  hi kafi the. Aise scenes wo screen par nahi dikha sakte. Bss. Isliye jack ne painting banayi.. khush?'

'Kya yrr..Ye kya bol rahe ho? Usne painting isliye banayi kyunki wo gadha tha. Tum wo sab chhodo. Titanic kab ka doob gaya. Ye batao..apni reception party kab he?' Raj ko yaad hi nahi... Last do weeks se Naina ke adventures ne usko tang kar ke rakha he..kabhi zoo, kabhi garden, kabhi parantha gali, kabhi daryaganj, kabhi purani delhi, kabhi Sunday market....bechara yahi kar rha he..

Naina zoo gayi to Raj ko jabardasti andhere corner me le gayi...waha jaker usko kiss kar liya. Raj bhi emotional ho gya....full make out session ke badle 1500 ka fine chada.

Garden me le gayi to ek ice cream wale se icecream ki recipe puchne lagi. Boli kaise banate ho itni ice creams? Raj usko ghaseet kar Ghar laya.

Paranthe gali me to Naina ne kamal hi kar diya...akele dus paranthe kha gayi....aur agle do din tak bistar par padi rahi..Raj bahut naraz bhi huya..Lekin Naina ne usko naraz rahne ni diya...itni jor se royi ki Raj chupchap se hospital nikal gya..do ghante bad aya to normally smile de rha tha.

Waki sab experience bhi kamal the. Sunday market me ajeeb ajeeb novels khareed kar layi...Aur raste me wahi baith gayi...Kuch baccho ko pakad kar unko novels read karne lagi.. Bacche bhi ek se bad kar ek...aram se sun ne bhi lge.. baad me pta chala ki tour pe ayw the... wo bacche. Naina jail jate jate bachi...child kidnapping me.

Shadi se pahle Raj ki life moong ki daal thi...no taste but healthy..

Naina ne isko pta ni kya bna diya...jo bahut tikha bhi be aur masaledar bhj..Raj ko naye naye experience mil rahe he..

Aur ab ye reception..Raj dar rha he ki kahi itne sare logo ke beech ye koi sa naya hungama na kar de....Isliye postpone kiye ja rha he...lekin ab Jab Naina ne thaan liya he ki reception party hogi to Raj kya kar sakta he..

Naina ne decide kiya.....Is Saturday evening wo reception party degi..

Raj ko dar lag rha he.. Aj thursday he.

*****
Friday

At Naina' parent'

Naina ka man nahi tha ki koi hotel book kare ya kuch bhi show off...usne apne ghar ke lawn ko hi decorate karaya...Raj ke parents shaam hi aa gaye the....aur Naveen bahut khush. Ab naina kaam wali bai banegi..

Baad me pta chala ki Raj ki do chhote cousins bhi he. Aur women uske ghar me  minority me he..to sab Raj ki ma ki hi baat mante he..Raj ki maa ne Naina ko kuch nahi karne diya.....Naveen jarur kaam par lag gya..

'Mhare liye koi pani laawo' naveen ne bahut galiya di man hi man....Raaj ke door ke chacha he..Naveen ko naukar ki tarah dauraye ja rahe he..

'Je banka pahalwaan, or Pani lawan me itni der? Thare se koi kaam na howe?' Naveen soch rha he ki Glass sar par maar de...extra large glass he...do ltr ka..Shayad buddha chal base.

Huya kuch nahi..Naveen ko laddu banane baitha diya us chacha ne.. bhala ho Naina ka jo bacha ke le aayi.

Raj ki family kaafi badi he. Do chacha..uske babasa..Chachi..cousins...ek bhabhi bhi he...Total fifteen ke ass pas log he..joint family..Uske dadaji aaye nahi..health issue..

Raj ki bhabhi ka naam Meena he.. unhone Naina ko pakda chhedne ke liye..

'To mhare devarsa aapko tang to nhi karte.'

'Aapke devarsa kuch bhi nahi karte. Bhabhi ji. Isi baat ka afsos he.' Meena bhabhi ki ankhe gol ho gayi. Raj to bahut sidha baccha tha.. ye kiska byaah laya.

Naina ke nani ke yaha se sirf uske mama and unke bacche aaye he..Naina ki mami do saal pahle ek accident me guzar gayii...Isliye patna se sirf chaar log aaye. Naina ke mama ko Naveen se kuch jyada hi pyaar he isliye Naveen ko bheja he bahar phool lagane ke liye...

Bachpan me Mamaji ke khane me ek tedpole dal diya tha Nav ne....idea naina ka tha wese....mamaji ne un dono ko tab cycle nahi dilayi thi.

Reception me invited log Naina ke purane friends, uske current collaegues he,.Raj ke friends, uske kuch teachers he aur Rajwade se bhi log aaye hw...The Abhimanyu clan.. unko bhi ana he.. Mr. Krishna Rai Chauhan ka Raj par kuch jyada hi pyaar he isliye..

Abhimanyu bhi aayega...Naina ko nahi pata. Wo anjaan he ki Raj ke dad kiske Manager he.