ISHQ PAR JOR NAHI.

34

Naveen ka kahi man nahi lag rha.. Naina ke jaane ke baad se he has become like fish without water. Chant thi lekin bahan thi...thi! He..Bahan he. Naina ke bina ye ghar kaatne ko daud raha he. Naveen ne bhagwan ko call kiya...

Hey bhagwan ji! Bahan sahi salamat aa jaye..Ek nariyal aur 11 rs ka daan karunga!

Naveen ke liye itna hi bahut he. Bahan pahle hi 90% salary khane peene aur kapdo me phoonk chuki he. Ab ghar kharch bhi to he. So apni jeb dekh kar bhagwan ko rishwat di....

Naveen naina ki sari shaitani yaad kar raha he  .....

Itne me bahar horn baja.. naveen uth pata is se pahle hi uske chacha-sasur darwaja tod ke andar aa gaye...Naveen dukhi tha lekin man me shal ke gunde uncle ko khoob gali di. Ab ye darwaze ka kharch kya inka nana dega! Daya ke dady ban ne chale he...

Shal ke chacha yani  chandan chacha ne naveen ko dekha. Damad bahan ke gam me bhikhari ho gya he...

'Tu fikra na kar chhore! Mare khandan nu koi ladki dekh na pawe....aur kisi ne mari bitiya ko dhar liya! Je himmat! Chal. Aaj Delhi ko Hariyani Dhak dikhate he. Aajaa..'

Naveen ne unke sath bahar akar dekha...20-25 log he. Tabji teen ghante lag gaye Rohatk se delhi aane me. Naveen ko kuch tasalli huyi...

Kidnapping wali shadi kuch kaam aayi. Naina tujhe thanks. Kyunki Naveen ke jaise lakshan the ek acchi doctor kabhi nahi pat ti.. Aur sasural wale chahe kitne bade criminal he, Apne damad ka khyaal bahut he.

Khair...dono log gadi me baithe...aur naina ko dhundhne nikal pade...

Pahla dhawa bola gya lawyer ji ke yaha...

'Bhootni ke! Bahar nikal.! Ladki uthata he...bahar nikal sale..'

Abhi ke ghar ke saamne Chandan chacha chilla rahe he..Abhimanyu to nahi aya. Uska naukar aya..

'Sahab. Teen din se bed rest par he. Chal nahi sakte. Hath utha nahi sakte..ladki kaha de utha lenge!'

'Manne dikhao pahle.'

Chacha ji ko leke naukar andar gya..uske piche naveen...uske piche 10 log lambe aur bhari sticks ke sath....Actually pure lathi he. Agar ek pad gyi to phir padne layak nahi bachega banda. Waki ke paanch ke hath me rifles he...waki ke paanch jeep me he..

Abhimanyu apne kamre me bed par pada he. Achanak se door khula..aur..

Poori barat andar aa gayi..

Abhimanyu ne Naveen ko dekha. Dhyaan se dekha..ye to yar Naina ka bhai he...lekin itni fauz kyu? Kya raj bhaag gya? Naina se shadi hogi? Abhi ke man me laddo phoota...

Aur sath me kaan ke niche ek bomb bhi.

Kheench kar chaped lagayi he Chacha ji ne. Abhi ko momentarily memory loss ho gya. Samne dekha aur bola- 'kaun ho aap log?'

Phir ek aur pada....sare misplaced screws tight huye...

Iske baad Action me aya Naveen. Uchal kar Abhi ka collar pakda..

'Meri bahan kaha he? Bata...sale kaha chipaya...bata.'

Abhi ko jaise chakkar aa gaya ho. Bahan? Yani Naina? Naina uske pass? Bhai kab? Sapna chal rha he kya? Abhi ne socha aisi baate sirf sapne me hoti he. Usne ankhe band ki...Is bar Naveen ne hath saaf kiya aur ek rakha..

Abhi badhak gaya..

'Dekhiye. Hum kuch bol nahi rahe iska matlab ye nahi ki aap ek dhol ki tarah bajate jaao. Naina ji kaha he, hume nahi pata. Hum ne unhe dekha hi nahi he jaane kabse. Aur aap log jara tameez se pesh aayiye. Is shahar ke reputed lawyer he hum'