نظرة واحدة تكفيني

البارت 16

مسائكم ورود جوري

نظرة واحدة تكفيني
الفصل الاول
ج16

اجة الولد يعتذر النا ومااحس غير ادهم اجة وشرار يطلع من عيونه كلبي وكف من الخوف...

اجة وكف يمنا ادهم سلم..

ردينا عليه..

ادهم سلم على الولد..

كاله..اني ادهم ابن خالة رهف منو حضرتك؟

علاء..اتشرفت بيك ادهم اني علاء ..

ادهم..اتمنى ماكو شي صاير ..

علاء..لا ماكو شي..

ادهم..خويه مايصير توكف يم البنات الناس تكوم تحجي ترة..

علاء..لالا خويه مو قصدي شي بس ردت اعتذر منهم اليوم على موقف صار..

ادهم..واعتذرت؟

علاء..اي اعتذرت..

ادهم...لعد ليش لسة واكف؟؟

علاء..اا جنت رايح مع السلامة ...

وعافنا ومشى....واجة ادهم جرني من ايدي حيل خله الطلاب كولها تباوعلنا حسيت ايدي راح تنخلع..

رهف..ادهم...لك ادهم اوكف شبيك...

ادهم..الصمي رهف مااسمع صوتج..

رهف...لك ادهم خليت العالم تتفرج علينا اترك ايدي..

ادهم..اسكتي رهف لاتخليني اسب حتى العالم ..

وصلنا للسيارة فتح الباب وشمرني بالسيارة..

كعدت امسح باايدي لان اوجعتني كولش من مسكته .

رهف..ادهم شنو هذا الي سويته..

ادهم..شسويت؟بنتر

رهف..ادهم خزيتنا كدام الولد...الولد ديعتذرلنا وانت طردته وكدام عينه وفشتله شنو معنى هالتصرف البايخ هذا..

جان يسوق سريع فجاة وكف السيارة..

ادهم..بايخ؟؟بايخ؟؟ تصرف بايخ؟لعد شتريديني اسوي اخليج تقصقصين وياه زين عيني مااخذتي رقمه هم بطريقج...

رهف...ادهم شنو هالكلام..

ادهم..عود موصيج اني من الصبح والله عفية عليج تسمعين الكلمة..

رهف...كافي ادهم لهنا وبس مااسمحلك هيج تحجي علية واضح؟؟قابل شحجيت وياه حتى هيج تحجي علية وبعدين قابل جنت اتغزل بيه ترة شغلة عادية وهو زميلي...

ادهم...هلوو..هلوو ام زميلي شدعوة هيج تدافعين عنه..

رهف...ادهممم كافي كافي مالك حق تحجي هيج..

ادهم..لا الي حق عليج بالاضافة انتي ماتدرين شيدور ببال الولد حتى تحجين شمدريج شجان يفكر مثلا اني رجال وافهم نظرة الرجال وتفكيرهم..