نظرة واحدة تكفيني

البارت 4

#سهى_الشمري

نظرة واحدة تكفيني
الفصل الثاني
ج4

رهف رحت عالسريع للمكتبة لكيت واحد كاعد ومنطيني ظهره رحت مبتسمة

كتله..ادهم

باوعت هذا...هذا آدم

رجعتلي مراهقتي كولها بشكل فيلم عالسريع ..اول مااجينا لمنطقتنا الجديدة ورحت للمحل واجة راد يشيل العلاكة الي بيدي وكتله وصلت..ومن جنت اظل اباوعله من الشباك كل يومية ومن تمرضت لان جنت منتظرة اشوفه ومن اجة كال اني احب رسل ومن رحنالهم وطلبو رسل وتعاركنا وضربتني ونقلت للمستشفى

وانوب رحت لبغداد والدمعة بعيني ومن التقيت باادهم وبيوم الي باسني واعترفلي ..اخخخ كل هاي الشغلات صارت بالسنوات الي راحن ..طلعني من صفنتي من صاح اسمي..

آدم...هلوو رهف..

رهف..آدم..شتسوي هنا..

آدم..ماعندج ذوق الي يجيج هيج تحاجينه وسفة عليج مامقبولة منج..

رهف..آدم شمدريك اني اداوم هنا ...

آدم..حسابج عالفيس كاتبة تدرس في كلية طب الاسنان في......

رهف..ومنين تعرف حسابي..

آدم..رقمج لسة عند اختي حياة وضفتج عالفيس طلعلي حسابج..

رهف..وشتريد مني..

آدم..رهف ليش هيج تحجين وياي..

رهف..اعذرني بس عندي محاضرة..

آدم..ماراح اطول وياج بس شوية واروح..

رهف..نعم؟

آدم..تدرين صايرة تخبلين بالكوة عرفتج..

رهف..شكرا..

آدم..صايرة حتى احلى من رسل...

رهف..ليش انت وين شفتها لرسل ..

آدم..ليش ماكالتلج؟؟

رهف..شتكول؟؟

آدم..اني وياها على علاقة..

رهف..حسيت مثل الاحد الي ضربني راشدي مو لان احبه لا بس اتفاجات وهو جانب حب مراهقتي سنتين احبه ومو بهل سهولة انسى كلشي صار ..

كتله..بس انت مو خاطب ؟؟

آدم..وفسخت قبل 6اشهر

رهف..ورسل قصدي انت ورسل شكد..شكد صارلكم على علاقة؟؟

آدم..من اول ماكتلج كوليله وغلستي رحت صارحتها بعدين

رهف..لك انت شجاي تحجي شنو هالكلام اصلا هي كايلة لامنا انو انت اصلا مو ببالها..

آدم..ايي اعرف اني كتلها تكول هيج حتى امج ماتحجي شي..

رهف..انت جذاب..

آدم. له له ليش تكولين علية جذاب تريديني انطيج دليل..

رهف..ايي..