نظرة واحدة تكفيني

البارت 6

نظرة واحدة تكفيني
الفصل الثاني
ج6

رسل..الووو منو وياي

المتصل...اني....

رسل..هااا انت ادم مو...لك انت صدك واحد ماتستحي انت ماتخاف الله ..

المتصل..بس اسمعيني..

رسل..شسمع..لك شسمع..انت واحد ماتستحي..شوف تحترم نفسك وتعوفني اني واختي...لك شتريد بس كولي شتريد..شنو تروح لرهف لكليتها وتطعن بية كدامها من يمتة اني وياك مكبلين اصلا بالكاد جنت اسلم عليك من جنا بالاعدادية بعد شوكت هاي...

المتصل..رسل اسمعيني اني مو...

رسل..اسكت..اسكت ...اياك تجيب اسمي على لسانك القذر ..وشعبالك اكوم اتوسل بيك اني رسل على سن ورمح..اني الي اخذ حقي من حلك السبع.. فتبطل سوالفك الطايح حظها لا واكبر واحد مايخلصك مني..

المتصل...خلصتي؟؟احجي هسة..

رسل..شتريد تحجي افحمني..

المتصل..اظن انتي غلطانة مو اني المقصود...اني ايمن اخو دعاء..وجبته من دعاء رقمج ردت اكولج شي بس ماشاء الله وكلتيني تبن..

رسل...جنت منطلقة ارزل بالمتصل عبالي ادم بس طلع ايمن...يبووووو ياكاع انشكي وبلعيني..اا اسفة مو ...ماعبالي عبالي غير شخص فحجيت عليك لاتفهمني غلط

ايمن..اوووف عادي عادي بس المفروض تسئلين عالرقم منو بعدين منو ادم وشمسوي بااختج مافهمت شي..

رسل..لا هيج واحد نذل ماكو شي..

ايمن..لااحجيلي يمكن اكدر اساعدج..

رسل..لاتدوخ نفسك بالموضوع ماكو شي ..

ايمن ..على راحتج..يلا ماراح ادوخج ردت اكولج شي بس بعدين انسي يلا باي..

رسل..اوك مع السلامة..

وسده..

دفنت راسي بالمخدة يبوووه يبوووه هاي المرة الثانية الي ارزله بية وفوكاها حجيي يسم البدن يلا باجر اعتذر اوووف...
........

رهف..رحت لغرفتي ...

شوية واندك الباب مال غرفتي..

رهف..اتفضل..اجت رسل..

رهف..اتت المصائب خير ياطير شتريدين..

رسل..رهف لاتتعاملين وياي هالشكل..

رهف..ايي حياتي احجي يكلبي شتريدين يعمري هذا الي تردين تسمعينه..

رسل..رهف بيش تريدين احلفلج ماعندي شي وياه صدكيني اصلا ماشايفته من جان يوصلنا بالاعدادية..

رهف..ويعني؟؟

رسل..شيعني ...ليش تتعاملين وياي هالشكل..شوفي رهف لا ادم ولاغيره ببالي..وللامانة اني عاجبني واحد اسمه ايمن...