نظرة واحدة تكفيني

البارت 17

#سهى_الشمري

نظرة واحدة تكفيني
الفصل الاول
ج17

ادهم...يعني انتي ماتحبيني لو تحبيني شو جاوبيني..

رهف..اني....

وسمعت تليفوني يرن..

رحت اريد اجاوبه..لزم ايدي...

ادهم...رهف جاوبيني..

رهف..لازم ارد ادهم اترك ايدي..

ادهم..مااتركها اذا ماتجاوبين..

رهف..اتركني ادهم..رحت للموبايل لكيته ماما طرت من الفرح صارلي اشهر مامخابرتها ...شلته وادهم واكف يمي ...

رهف..الوو ماما

ام رنا...هلو حبيبتي شونج يروحي..

رهف..هلوات ماما زينة وانتي شونج بابا رنا ورس شونكم مشتاقتلكم كولش ودمعت عيوني ...

ام رنا..الحمدلله زينين..واحنا مشتاقينلج كلش يوميا نحجي بسيرتج ...ورسل زينة ادري بيج ردتي تسئلين عليها..

رهف..الحمدلله ...منين طالعة الشمس حتى اليوم خابرتيني..

ام رنا..مو صوجج ولج بعدج على هاي سوالفج مو صرتي بالكلية..

رهف..ههههههه ليش هيج..

ام رنا..ماماتي حبيبتي اختج رنا عرسها الخميس الي يجي خبري خالتج وعزميها لان ادك عليها ومااحصلها وماعندي رقم الولد كوليلها وخل تجيب منتظر ومرته وجهاله  وادهم ...

رهف..ان شاء الله..

ام رنا..وانتي تباتين عدنا هم صدك..

رهف..بس  وذيج الوادم خاف تضوج من جيتي..

ام رنا..بلا هالحجي اليعلمج هي صح ماتبين بس ادري بيها مشتاقتلج كلش اسمعها تبجي عليج كل يومية مايمر يوم اذا مااسمعها تبجي ..

رهف..نشوف المحبة ظهرت متاخرا بس اكيد مو علية..صدوك..اه باوعت لادهم ورحت لغرفة خالتي وسديت الباب..صدوك ماما وآدم ..

ام رنا..شلج بيه يماما مو مر وقت على هذيج السالفة ..

رهف..لالا مو قصدي بس اتذكر قبل الحادثة وقبل مجيئي لهنا هو طلب رسل ..

ام رنا..اي ورفضناهم وحتى رسل كالت آدم مو ببالي واصلا آدم خطب قبل 3اشهر وحدة من غير محافظة بس الي عرفته مايحبها بس خطبها وزواجهم بعد سنة ..

رهف...امممم الله يسعدهم..

ام رنا..رهف بداعتي انتي بعدج تحبين آدم لو نسيتيه؟

رهف..راح اجاوبج بصراحة اول مااجيت مانسيته بس هسة كولشي تغير ونسيت شي اسمه آدم..

ام رنا...حلووو..اوكفي شنو قصدج بكلشي تغير يعني اكو شخص...