نظرة واحدة تكفيني

البارت 3

صباح الخييير ياحلوين ...

#سهى_الشمري

نظرة واحدة تكفيني
الفصل الثاني
ج3

رهف..رحت دخلت محاضرة...ودكني الجوع هسة غير يفضونا وتخلص ادري شطولها اوووف..

الدكتور ...كعد يشرحلنا احنا صح نفتهم بس الوضع لشوية وصاار مقرف ...

ملك على شوية ويغمى عليها وجهها صاار اصفر خطية ..متت ضحك عليها ..

....

رسل..دك تليفوني رقم غريب..

شلته..

رسل..الوو منو وياي

المتصل..معقول ماعرفتيني

رسل..لاصغرا بيك بس ماعرفت منو حضرتك..

المتصل..حقج عيني حقج ماتعرفيني اني الي متعذب بحياتي وانتي مرتااحة ست رسل مو..

رسل...اي اي وياك حق يلا باي ..

وسديته يابة دطير شكد فارغ ...

دخلت محاضرة دك تليفوني جنت حاطته صامت بس اهتز نفس الرقم مارديت..

شوية وخلصت المحاضرة وملينا دعاء كالت..اعتذرلج ايمن..

كتلها..ييي بس وكلته طن رزايل..

دعاء...يااا وج اخويه هذا ليش هيج..

رسل..عيني اخوج على عيني وعلى راسي بس ماعنده اسلوب ..بيني وبينج كرهته...

دعاء..يا وج ليش..

رسل..ياااختي البارحة تعامله وياي عباله عبدة عنده لع لع مايصير هيج..

دعاء...اوووي عيني اووووي مو اسلوبج انتي ماشاء الله يخبللل اشو اسلوبج اسوء من اسلوبه اصلا انتم متشابهين..

رسل...ياااا تقارنيني وية اخوج اني بس وية بعض ناس اسلوبي مشكك الة وياج ووية غيرج اخبلل منين اكو مثلي...

دعاء..عمت عين البانية..

رسل...دك موبايلي ...اهوووو شكو اليوم لكيت نفس الرقم شلته...

رسل..لك انت صدك فارغ كاافي موتتني رصيد زايد عندك تريد تصرفه عليه...يااخي موتتني شوفلك شغلة مفيدة سويها..واذا كلش ملان اشتري دفتر تلوين مال باربي ولونه يونس والله..

المتصل...هههههههه فدوة الج رسولة بس اريد اكولج شي..

رسل...مااريد ..

المتصل..بس خل اكولج هالشي وبعد ماازعجج..

رسل...يعني بعد ماتزلك اذا تكول..

المتصل..ايي

رسل..اتفضل انطلق...

المتصل..لا اني مرتاح بحياتي ولا راح اخليج مرتاحة..

رسل...شو دطير شكد بايخ تدري سامعة الحجي من جنت صغيرة واخير شي اخذو بس الجبس مالتي بعد التهديد كله بس الجبس وانت هسة جاي تهددني اشو دطير ...