البارت الرابع
استغربت جنات وبكلبها كالت شبيه هذا ينعم بصوته
- اخي انطيني نوران
- جنات الله صوتج يخبل رغم انتي جمالج عادي ومبيج شي يميزج بس جاذبيتج تسلبني سلب
-ممكن اعرف شدتحجي انت، ترى عيب عليك اني بحسبة اختك، وهاي نوران الي اخذتها جنها وردة متستاهل منك هذا الشي.
- ياواش ياواش اخذتيني حاصل فاصل هاي انتي الهادئة الي متحب تلغي هواي شكتلج اني بس حبيت ابين اعجابي
- لك استحي على دمك يا اعجاب هذا متكلي يا اعجاب اذا اعجابك على محارم حرام تفهم اني اخت زوجتك محرمة عليك وميصير تنظرلي بغبر نظرة اخت او حتى كبنتك.
- بنتي ؟ شنو طايحات سنوني .
- تنطيني نوران لو اغلق المكالمة وانهيها.
سمعته يصيح
- نوارن... . تعالي اختج
----*****------***/-----
نوران
جنت ابجي من ظلم امه الي خابرتلة واتبلت علي واجة و كسرني تكسر ومن سمعت نقاله دك خليت وفتحة مهتميت بس جنت ابجي بالم وكرامة مجروحة واني ادخل الغرفة و اتحسر علئ شبابي الي كضيته كلة الم وذل.
سمعت صوته يصيحلي جان يصيح بهدوء وجنه منتشي حتى كلت بكلبي يمته لحك هذا يسكر .
رحتلة واني امسح دموعي
- تصيحلي
باوعلي بنظرة مفهمتها ومدلي النقال
- اختج
استغربت عيونه واللمعة الي بيهن وهو يكلي اختج ورجع كال
- جنات تريدج
كضيت النقال وبلهفة عطشان للمي واني احاجي خيتي .
- جنات حبيبتي والله مشتاقتلج شلونج وشلون بيبي
- الحمد لله زينين ليش تبجين سمعت صوتج اول مفتح زوجج المكالمة
- لا حبيبتي ماكو شي بس اليوم اسناني توجعني مدري شبيهم.
- يا خية غير ترحين للطبيب
- اي ان شاء الله ان شاء الله اروح
- ردت اشوف اخبارج والدنية شسوت وياج من بعد اهلنا.
- خيتي الحمد لله على كل حال دربالج على نفسج
- يمنا الاوضاع شوي اهدء، بس يمكم يكولون صايرة كلش وقتل عالهوية دربالج حبيبة
- بأذن الله ان شاء الله ماكو شي.
- يلة حبيبتي الله وياج
- الله وياج يا عمري سلمينا
- ان شاء الله حبي حيوصل.
انطت النقال لسعد وهو يباوع الها وفجأة سحبها اله وجرها لغرفة النوم وهي تبجي و تكولة سعد لا اني مو تحت الطلب ولا حيوان عندك...... ..
***-----****-----****----***
بيوم جانت جنات كالهادة تخيط وبيبيتها هل ايام تنام هواي و ضغطها يومية وصاعد... .
اندك الباب فتحتة جنات جانت جارتهم جاية على خياطها
- ها خالة ما خلصتي الكلبيات
- اي خالة تعاي تفضلي
دخلتها وضيفتها و راحت جابت الكلبيات والمرة تكلب بيهن وهي معجبة بخياط جنات
- الله عاشت ايدج عبالك حاضر، على هل خياط النازك تستاهلين هذا المبلغ
