النشر لو يومي لو،بين يوم ويوم واذا تاخرنا اكثر معناتها عدنا ضروف جبرتنا ع التاخير
المكان سوريا
قبل عام 2010
وصلت طائرة لباريس
- سميرة : الله شلون جمال حتة الهوة نقي
- جاسم : حتة سوريا هم هواهة نقي وتمتاز بالجمال والطبيعة بس العراق حضة مصخم ميصيرلة جارة
- الاب :الله كريم يجي يوم وتفرج عن العراق
- الام : اخ يمة رجلي اخ حموووت شورطني شجابني خرب حضج يسِمِيرة(بتغيير الفظ بالكسرات تحت السين والميم )
- اني شعلية قابل كاعدة عليهة بعدين اني مو سمرة بيضة
- لو ما غيرتج من جنتج مااجينة هل طريق وتعب
- عمة شبيج وياي تكوميني تكعديني غيرة وغيارة ومدري ايش لوش اغار منهم بلعكس افرح الهم بس شكو بيهة عجبني كلنة نسافر بعد مااخذج وياي اعوفج على الجيران احسن
- دتعاي ساعديني وانت سادة حلكج لسانج شطولة صاير
جاسم خزر سميرة
- يلة يمة تعاي اكودج نطلع من المطار مزدحم وهوسة هذا مكان للتكسيات ناجر ونروح
- الاب : بوية ماخابرت خويلد مو جان اجانة وسهل امرنة ودلانة الدرب
- بوية بلي خابرتة ودلاني وكلي من تصعدون التكسي انطيني السايق احاجي وادلي المكان وكال المفتاح تلكو جوة السندانة اكو يم الباب
- الام: ياااه جا هو وينة لعد
- سميرة : نايم جوة الحب وميريد يكعدهة
الاب : العراقي مايغير طبعة لو وين مايكون كاعد اباريس والمفتاج جوة السندانة هاي وين صايرة
- جاسم : شبيكم انهديتو الولد كال اليوم طالعين رحلة بالبحر ونتاخر واعتذر ماكدر يجينة للمطار
- سميرة : هاي سوالف مرتة ماخلتة يجينة شصار لو ماجلين الطلعة شبيك يا ابني تخلي المرة تقودك كول اهلي جايين بالغربة اروح اجيبهم للشقة
- اهووو هم بدت تغرد شنو قابل باريس مال الخلفو حالة حالنة من اجة وحدة وحار بروحة
- اوي اسكت احسن الي
- الام تسوين فضل علينة
انقهرت سميرة بس مايفيد هو الانسان من يكبر يكوم يغث اهلة وتالي ينسة ويتعامل طبيعي وياهم ولا كانما صار شي ركبو تكسي واتصلو بخالد دلاهم وصلو تعابة نامو وصل خالد متاخر وفرح بيهم هو وسناء
طولت سفرتهم ١٠ ايام تونسو ورجعو لسوريا
ومرا الايام نفس الروتين ماكو جديد
وصلنة عام ٢٠١٠ وصلو مرحلة رابعة خالد وسناء
واليوم فاجئهم خالد بخبر سفرتة لامريكا
-سميرة : شنو تخبلت تسافر وتعوفنة احنة باقين اهنا علمودك
- ماما هذا مستقبل واجتني فرصة هناك الدراسة احسن وعمي يساعدني بالمبلغ حكمل السنتين البقت هناك نقلت اوراقي ولو لازم ادخل اختبار يا الله يقبلوني
- وانت خوش لكيت عمك يصرف عليك ويجي يوم يعيروك يلاثول
- يوووم الزمي حدودج محد يعيرني اعتبرة دين واردة من شغلي لا تصعبين الامور اني لازم اسافر ادرس بهارفارد هذا مستقبلي لحد يعارضلي لو اعرف ينزلوني سنه ويمتحنوني اوافق بس انقبل هناك عمي عندة معارف اساتذة كبار بالجامعه بلكت يسهل امري
جان صوتة عالي ويحجي
- جاسم: اني ماقابل على سفرك بس دامك مصر سوي التريدة ماعندي غير الدعاء الله يوفقك
