وهم،الاقدار ج2

٢٢/ مواجهة ببرود

22/ مواجهة ببرود
بقلم جوري و وئام البصري

علي:
وصلتها لبيت جدها، باوعتلها وابتسمت
<< اسف عالراشدي، بس خفت عليج لا تكونين متورطة كلش وياهم.   >>

شفتها ابتسمتلي فهمست بصوت هاديء جدًا:
<<  جنات عدن، انت هواي طيبة، رغم السويته بيج تبتسميلي وما زعلانه مني >>

جنات:

حسيت بيه متندم ع السواه، وتعذر مني لا وحجة باستغراب اني ما زعلت رغم السواه اخ يا علاوي عگيد گلبي لو تدري كل نبضة تصيح "علي "شلون تريد ازعل منك.

<< احم لا ما ازعل لويش ازعل منك؟>>

<<اسبوع الجاي حتحضرين احتفال المستشفى مسويته حيكون بنادي >>

<<ما ادري اذا قبل جدو اجي >>

<<حفل تكريم اطباء، حيكون بالنهار مو بالليل>>

<<اها حلو، بس اكيد  كارت دعوات معندي>>

حنى نفسة للمقاعد الخلفية ياخذ سترتة،الشامرها ورى من رجع مكانه جانت هي هم مادة راسها تشوف شيسوي جان تصادم روسهم. 

<<يوومة راسي، دكتور فلشت كصتي >>

ضحك وفرك راسة بيدة:

<<ولا جن راسج، هل كدوته! ، جنج ابو صماخ من يضرب كلة>>

خليت ايدي ع حلكي عالتشبيه

<<ههههههه لا راسي مو جبير >>

<<مادموزيل بطاقتج الدعوة، حجزتلج مقعد يمي >>

<<اها !>>

<<احم، بس كون حضرتج متتضايقين؟>>

باندفاع كتله:
<<لاااا…  طبعا تسعدني هذي المبادرة من جانبك اكيد ما اضايق>>

<<بس، عوفج من الرسميات! >>

<<احم يلة اروح هاي مرت خالي وابن خالي طلعوا بالباب>>

شفته تجهم، وخزرني وخزر خالد الي ديمشي صوب السيارة.

<<حلو والله اخيرًا شفت الشفيه، شعاجبج بيه صورة جرجوبه عود يابة شوفوني اختياري اخذ اشقر، اي مو اني عبالج ما اعرف بهاي دروب البنات، يدورن حلوين بس للكشخة والتفشخر كدام صاحباتهن>>

كضتني الضحكة ع حجيه جنه حجي عجوز عرب ههههه.

وكف خالد يم جامة علي:
<<اهلا منو حضرتك؟! جنات نزلي بعدين حسابج؟>>

علي:
معجبني هل خالد شعاجبها بيه اصلًا اني احلى منه ع الاقل دمي محبوب مو جامد، عود شنو يابة عيونه ملونه واشكر، اصلا الاشگر فاهي مبيه خير.

رديت من ورى خشمي:
<<هلااااا >>
جنات:
نزلت واني  مااعرف ان علي كوة كاض اعصابة وميريد يتعارك وملتزم الهدوء .