13/ عكيد الاطباء
هلو شلونكم حليوات🍅 طماطيات ههه
النت كان،منقطع لايام وحاليا زفت عود افتح برامجي عن طريق بي سايفون. ما اعرف اذا تعانون هذي الحالة،لو بس نقالي.
م/ هذي مو رواية قصة لذا الاحداث تنتقل بتركيز و دون تفاصيل، رغم احيانا دا اخترق الموضوع لاني كاتبة روايات وليس قصص
نبدأ البارت بعون الله... ..
توتر الوضع،كان كفيل يخلي بطلتنا تمشي ع مبدأ الهروب كل الكدعنه، لذا تجاهلت كلام عكيد الاطباء علاوي وحاولت تفلت بجلدها من عيون هذا الاسمراني .
رجعت تريد تشرد صاح هل مرة بصوت شوي أعلى
- كتلج اوكفي!
رجعت وهي بعدها مغطية وجهها بالجنطة
وحست بصدرها ينبض حيل تنفسها ضاق .
علي*
تعجبت من ممرضة تراددني بهيج جرئة معروف اني بتزمتي بالشغل وكلها تهابني كلمتي مصير ثنين ( عكيد الاطباء) هواي يسموني عكيد ابو شهاب لزموها علي لان،مرة حاسبت منتسبين و حولتهم تحقيق وشكد واسطات اجت ع مود ارفع العقوبة بس مفاد ومن كتلهم كلمتي مصير ثنين يتعاقبون قطع اسبوع راتب ويحالون للتحقيق صار يلقبوني العكيد، عكيد الاطباء .
طبعا مو كدامي اكيد بس ماكو شي ينضم يوصلي اكو هواي ناس لواكة توصل وتفتن.
- وخري الجنطة وحاجيني، اعتقد مو ملائم الدسويه، تحجين وي رئيس القسم وانت مثل الفارة ضامة روحج.
متعرف شنو صار بيها هاي جنات الهادئه مدري ليش هذا الدكتور حيل يطلعها من طورها.
وخرت الجنطة و باووعتلة باصرار.
- دكتور اسفة الما يعرفك يجهلك بس مو معنناتها تكول علي فارة بس اني احتراما الك من حسيت بغلطي مكدرت اباوع بعيونك، واني اختك من الكوت وانتسبت بقسمك واليوم داومت.
ربع ايديه على صدره و رفع تك حاجب باوعلها بحزم :
- اها اختي؟ اممم زين يا اختي الممرضة هذا اول يوم و متاخرة لعد من تداومين بانتظام بيش الساعة تشرفينا.
- اخي الدكتور عندي ضروف.
- تسميني( اخي) تحجينها برى المستشفى هنا اكو رسميات كولي دكتور يا..... شسمج؟
- جنات
- يا جنات، امم حلو جنات عدن...
باوعتله وبداخلها هذا كضاها تصفن و يكلي كولي دكتور وهو،يكلي جنات اففف هم ذول الدكاترة يردون ألقاب بس الاقل منهم بالدرجة الوظيفية يصيحوه باسمة.
باوع ساعته
- روحي وقعي حضورج و استلمي شغلج بما ان الكادر مكتمل و مدري ليش شمروج علينا بانتسابج لذا حتشتغلين باسم الادارة ...
وسعت عيونها:
- بس اني ممرضة مهنيه ممتخرجة من معهد طبي اداري.
- ما اجازف بمرضاي تحت رحمة ممرضة فاهية تتعثر بسطل، اصعب قسم قسمنا نحتاج لممرضة ذكية،وذات حنكة.
باوعتله:
- دكتور ! من فضلك انت مجربتني وتحجي هيج علي !
- لا جربتج كافي من زكطتي السطل و وكعتينا بالاوساخ.
