الاقدار
البارت السادس
في بيت عمتي
بقلم وئام البصري ( ام مصطفى )
الكوت
جانت غابه كلها جلاب سود و جان انيابها بارزة ونوران وسط هذي الجلاب السود تتلفت تريد منفذ حتى تخلص نفسها والجلاب تطوف حول نوران كدائرة ونوران جانت المركز ... ..
كعدت وهي عركانه وتستغفر ربها التفتت شافت بيبيتها فاتحة عيونها وترجف كامت مفزوعة وهي ترجف...
- بيبي... شبيج بيبي ؟
هزت بيبيتها من جتفها ماكو بس ترجف جنها منتولة وشمر بيدها و حلكها معووج صفح عيونها شابحتهم عليها واكو دمعة نزلت من عين الجدة... .
جنات
من بعد حلم مفهمته شنو منو هذول الكلاب كعدت مفزوعة جدا افكر بنوران الي الوضع يمهم متوتر و ارهاب وقتل، يارب استر على خيتي، واني بتفكيري بالحلم واستغفر حسيت بحركة بفراش بيبي الممدود يم فراشي عالكاع بالليل لان كامت بيبي ترغب النومة بفراش عالكاع كمت افرش يمها وانام بحضينها بس امس مدري شبية محظنتني وكضتها تنعي وتبجي على ابوي و على حالنا ورند جملتها رغم هي هدئتني ذاك اليوم الي جانا الخبر بس ظلت تنوح وتنوعي
كعدت مفزوعة ع ضوة خافت شفت بيبي ترعش رحت ركض شغلت الكلوب
وصدمني حال بيبي......
######♥️♥️♥️♥️#####
الموصل 12 ليلا
بيت سعد
- لحظة اسوي طريق !
فتح الباب
- طريق وياي جماعتي دخلي للغرفة.
نوران بداخلها،
- كبر لفك صاروخ ماكو يندل بس الطيبين الموت يندلهم، حريص عود ويغار نسة راد اودي المزة لربعة السكط.
دخلت بغرفتها وهي تحضن أبنها وتترقب
سمعت سعد يحجي،
- اي مروان هنا دخلهن وانت ناظم اتفقنا صندوكين ادوية،تسربهن مو واحد
ناظم
- هذا الكدرتلة باجر ارجع للكوت
- الطريق للمحافظات الجنوبية خطر وع حدود كركوك والموصل مفارز للارهاب.
مروان : شكلت ؟
سعد - العفو قصدي المجاهدين واكيد مايعرفون ناظم موالي للخليفة.
مروان - بالعكس ناظم يفيدنا بعمليات بالكوت.
مروان - صدك سمعت مرتك من غير طائفة لازم تسلمها النا يا سعد، او تعلن ولايتها لخليفة العراق.
سعد - زوجتي هسة هي ع طائفتي واكيد هي من موالين الخليفة( رض ).
حاول سعد يدور ويحور بالكلام يبعد اهتمامهم عن زوجته، وبداخلة كال لو يعرفون امي من يا طائفة اكيد يسون اعدامنا جماعي شورطك سعد وي ذول شجابك عليهم لازم ادز نوران لبيت اهلي الى ان تهدأ الاوضاع وينفتح الطريق وادزهم لغير محافظة بس كون امي تستقبل نوران.
مروان - الوقت فايت يا سعد محضر مزة نبات عدكم اليوم .
سعد - ها اي كلشي موجود بس لو نروح لبيت ناظم ما يوم
عزمنا.
ضحك ناظم
- عمي اني محافظات وكل سكني غرفة زغيرة
باوعلة مروان اكلك ناظم يمته ترجع للكوت حكلفك بمهمة جهاديه هناك بما انك من موالين للخليفة.
باوعلية ناظم
- والسيطرات عمي اني اسربلكم دوة مخدر من قسم العمليات مال شغل التفجير مو يمي ولا اعرفلة سعودي يلة جيب المزة والسهرة بياتين عندك اليوم .
راح سعد لغرفته فتح الباب
- نوران روحي كملي الغراض بالمطبخ ودخلين غرفتج اجيج سكران واكلج طلعيلهم اي شي اكلج لا تنفذيه واني سكران
بجت.
- سعد عوف هذا الكار و صلي و تقرب من رب العباد ذول اصدقاء سوء ميفيدوك.
- لا تصيرين ناصوحة روحي من يمي يلة.
