27- الأخير
بقلم وئام البصري
مرت الايام طبيعية وجهاد حالتة مستقرة تقريبا ونوران بين تداري وبين تداريني بأكلتي ولبسي الحمدلله مامقصرة وياي بس ذيج الشغلة خالهة على راحتهة مرت الايام
واليوم اني راجع من الدوام
طبعا اداوم بالمستشفى واجيت تعبان لكيت نوران بالبلكون بالكيموني، احنا لسة متزوجنا حالنا حال المخطوبين كلما اريد اتقرب منها مدري ليش احسها تبتعد او داخلها فد خوف من شي، بس حيل عصبني تطلع هيج بالبلكون هي اولا مسلمة ومحجبه شلون هيج تلبس وتكعد بالبلكون معجبني تصرفها واذا احنا بامريكا ملازم ننسى عاداتنا ودينا.
رسمت نظرة غضب بملامحي وتخصرت وباوعتلها
- نوران شنو هل لبس مو عيب عليج؟
جان كلامي صح حازم ومعصب بس متوقعت رد فعلها شو هاي كامت و ختلت بزوية البلكون
وهي تتراجف وتبجي وضامة راسها بين رجليها
- لا خالد لا تاذيني والله مو قصدي اني عفية لتاذيني والله اخاف منك
جان كلماتها عليه وقع صدمة و ذهول اني ابد ما اذي مرة يمكن سناء مرة او مرتين ضربتها راشدي وجانت مستحقة
اما ضمياء انسانه غشاشة وتستاهل الكتل الاكلتة بوقتهة
كلما اتقرب خطوة تحظن نفسها اكثر وترفع ايديها لفوك تحاول تحمي نفسها، وكفت يمها واني اباوعلها حاشرة نفسها بزويه وهي ترجف وتشهك من الخوف، نزلت وتقرفصت بكعدتي واني صافن اباوع عليه، واكول شبيها ؟
مديت ايدي اريد المس جتفها صرخت حيل:
- لااا ما عيدها، والله عبالي محد ينتبه كلت هنا مو مثل العراقين عيونهم مو الهم، هنا الناس كلمن بحاله.
- نوران، شمسوي اني اهدئي.
لمس شعرها بحذر وهدوء وهي تلتصق بالزوية اكثر واكثر كأنما تريد تضمحل و تنمحي من امامه.
جرها بهدوء ولطف وهو يهمس ويحتضنها كأنما يحتضن قطة خايفة.
جان يسرح شعره بيده و هو بداخلة مشاعر جديدة مجان يتوقعها تختلف عن شعوره تجاه سناء من يعانقها.
ظل يهدئها بكل لطف: اششّش (
baby, calm down Nooran,... . Noora)
رفعت راسها اله وهي تباوع لعيونه، حست بمشاعر محستها قبل بس قرتها هواي بقصص مراهقتها وحلمت بيها قبل لا سعد يدمرها.
- احم اني مو صغيرتك اصلا اكبر منك بسنه.
ضحك
- هههه مو،مهم ام جهاد الوردة، بعدين تعاي اكلج منو كلج اني كلت صغيرتي... طبعا سنين تركج الدراسة خلاج متميزين سياق الكلام يلة نورا جوعان راح اسبح وابدل وانت لبسي شي الجو بارد.
- اي، احم ، شكرا لأن ما ضربتني
رفع حاجب بتعجب:
- اذا ابن خالي سعد مجرم اني مو هو يا نورا.
- اسمي نوران!
- اعرف، بس نورا النذل سعد مصايحلج بيه احب اسميج اسم بس ملكي اني اصيحج بيه ومصايحلج بيه رجلج الاول.
باوعت باستغراب مو جني اشم ريحة غيرة بالموضوع.
ابتسمت ليش لا جا شناقصني شو اني احلى خواتي، جمال واخلاق ليش ميحبني ، ها نوران شو تفكرين بالحب، اي ليش لا، اني مو مرة مثل النسوان بشر اني يا ناس اريد احب وانحب مشفت شي بحياتي، امم بس هو يحب مرته الاولى، عادي واذا بمرور الوقت يحبج واذا انت اكبر منه ومطلقة وام لولد من زوجج الاول تبقين انثى.
تعجبت مأذاني عبالي مثل سعد كتله بخجل:
- يعني محتعاقبني لان لبست هيج، دنكت خجلانه من نضراته لزنودها رجفت من شافته دنك و باس زندها بلطف ورفع راسة واشر عليهن
- حاكلهن اذا متكومين جعت.
