14/ عاشق
- لج انتي شلون تحجين وياي بهذي الطريقة حسبي روحج قطع يومين من راتبج
كامت وهي مدمعة
- دكتور والله مو قصدي مدري شلون جفصت، دكتور يمته داومت وتكطع راتبي.
- دارييييننن علمي هذي عالاصول وشلون تحجي لان الظاهر اهلها ممربيها عالاحترام مسؤولها بالشغل.
بهذي الاثناء دخل شاب عمرة بكد علي خمسة وثلاثين، صاح بمرح
- لك علاوي اني اجيت لك عاشق والله ايام،
دارين باوعت لجنات وبتسمت اما جنات همست بصوت عبالها منخفض وميسمعوه:
- شنو هاي النوب عاشق، عگيد وكلنا لأن عكره يسموه هيج النوب شنو عاشق ؟
باوعلها علي بخزرة وجر صديقة
- اسكت فضحتنا.
دخلة للغرفة
- لك شلون تناديني بعاشق كدام الممرضات لك طيحت هيبتي.
- لك والله فرحان برجعتي للعراق اااخ يا علاوي العاشق والله زمن تذكر ايام الجامعة والصياعة جنت فعلا شاعر العشق.
- اسكت صوتك عالي نصيه
- شبيك عاشق، اكلتني بكشوري صدك شخبار ندى.
- ماتت
.
دنك مجد و باوع لعلي
- عاشق اني اسف ما ادري والله محد كلي من شلة الفيس.
علي بمرارة
- لا تناديني عاشق لان عاشق مات وي ندئ اني علي المتزمت الحازم الي دكاترة وممرضين ومنتسبين بالصحة تخاف منه ويلقبوه عگيد الاطباء
دمعت عيون مجيد
- لك شلون صار هذا ويمته
- كبل خمس سنين يا مجد، فعاشق مات وياها ارجوك لا تناديني عاشق بعد ماصار ع زواجنا شهرين ماتت بالانفجار.
- لك عاشق والله محد كلي….
باوعلة علي وتأفف
- مو كلنا لا تناديني عاشق.
- معقولة كاتبنا الي هز الكلية بمؤلفاته بقصصه القصيرة و بخواطره الي كل اشعارة،تذوب البنات و تعيش العشاق بامل الحب معقولة تتنكر للقبك عاشق، عاشق اي انت عاشق الي كل الجامعة شهد باجمل حب واسمى حب والي اشعارك انطبعت ككتاب، وقصصك انتشرت بالمجلات وقتها.
- مجد ماتت ندى انسى عاشق مات بالانفجار وياها… .
- انت غبي يا علاوي العاشق و بالنسبة الي حتبقى علي العاشق ولقبك هذا.
- يول احنا بالمستشفى شنو علاوي العاشق وصوتك هذا وصل لكل الردهات اسكت احسلك.
كعدت نرمين وهي تفكر بالقنبلة الي انفجرت جوا و الكلام الي سمعته العكيد طلع نفسة كاتب القصص الي قرتلة اجمل مجموعات قصصية، كانت قصصه من صنف المليو دراما العاطفي، وامتازت بالتركيز المنلوج النفسي مؤثرة بحق وعندة مجموعة خواطر وشعرية، وقتها حصل قرت بجريدة انو حصل على جائزة ولقب ب الطبيب الاديب. جان الطالب الاعجوبة متفوق بمجال تخصصه وبنفس الوقت كان نابغة بمجال الادب وكثير القاب حصلها ومن ضمنها الاديب العاشق لما امتازت خواطرة بالتغني بمحبوبته، لكن اختصر اللقب لعاشق و جان زملائه ينادوه بعلاوي العاشق، معقوله عاشق هو الدكتور علي.
