السلام عليكم
بنات النشر بين يوم ويوم او كل يومين اذا مشغولة واذا لا نشر يومي مثل منشرتلكم يومي واخذت استراحة يومين الرواية بعد حسب توقعي ثلاث بارتات وتخلص كلش كلش اربعة خل نكول لاني بالاحداث النهائية اذا مكدرت اكتب بارت طويل يصيرون اربعة هيج شي هل ايام مشغولة،كلش والله لذا انشر بين يوم ويوم او كل يومين تحملوني مبقى شي وتخلص رحلتنا وي وهم الاقدار.
25 / يموادع الخوان
جنات
جنت ملتهية اخذ صور بالاستوديو وفرحانة فجئة رن نقالي المتصل ياسر تغير علامات وجهي من الضحكة وفرح الى قلق وتوتر باوعت لجنان رغم فرحانة بية بس احس اكو انكسار خطية حضهة هي تموت عليه ولهذا السبب متحملت والغيرة دمرتهة من سمعت صوت مرة بنقالة
-علي: منو يتصل
باوعت لجنان
- ياسر يتصل يا جنان
اجت تركض من الهفة والتوتر جرت النقال تريد تحاجي بس حست على روحهة وشمرت النقال علية
- هاج جنات انت جاوبي وكليلة احنة زينين وجهالك مشتاقيلك ويبجون عليك يومية باليل
اخذت النقال ورديت
- الو هلو ابو رند شلونك
- هلو جنة شلونكم مشتاقلكم والله
- يابلذات لعد مااجيت اذا مشتاق
- والله الضروف منعتني وابوية مااكدر اعوفة وصارتلي شغلة بالمحكمة ويومية دازين علية ويومية موعد واروح تالي يتأجل
صفنت جنات وكالتلة
- خير خوية ليش بالمحكمة شكو
- ماكو شي لايضل بالكم عركة بين ثنين صارت بمحلي وواحد مات والثاني انحبس فيردوني شهود هذا الانحبس زوجتة يومية تخابر تريدني اشهد انو موهوة الضربة هو جان مريض واختنك ووكع لان
اذا ثبت التهمة ينحكم بالسجن
- اهاا الله يسهل امرك صدك خوية جهالك مشتاقيلك ويبجون عليك
- اي هو دااسأل عليهم اخ يابوية شبيدي عليكم روحي طاكة عليكم
- خوية اترخص غير وكت نخابر حاليا بالاستوديو لان اليوم الحنة مالتي اني وعلاوي
- صدددك لعد ليش ماكلتي والله جان تركت كلشي واجيتج مع الاسف نسيتي عندج اخ لازم يحضر ويسلمج بيدة لزوجج
- اعذرني خوية بس اتوقعت متريدنة بعد!
- شنو هل كلام جنة مشاكلنة اني وجنان ماتاثر بعلاقتي بيكم انت ونوران
- الله يوفقك ويستر عليك ويحل مشاكلك متقصر خوية خالي حيتكفل بية
- يلة اختي اخذي راحتج عطلتج عن زوجج والصور الف مبروك ان شاء الله بالرفاه والبنون
- الله يبارك بيك مع السلامة الله وياك
سديت الخط وانتبهت لجنان صافنة علية ودموعهة تسيل
- ماسال علية؟
- اي سال كال شلونهم
- لتجذبين سمعت كل كلامة ماجاب طارية بس على جهالة
- دسكتي انت الجبتيهة الروحج !
جنان*
جنت اسمع صوتة ومتلهفة عليه تمنيت يسال عني راسن اسحب النقال واحاجي بس لا ماذكرني ولا كلف نفسة حتة بسؤال عني
وبقيت اسمع كلامة ومن جاب طاري المحكمة ومواعيد وتتاجر والمرة غميت روحي اي واللة اني عوبة صح كلامج جنة اني الجبتهة الروحي اني حطمت حياتي اي استاهل اليصير بية
هذا ياسر هو سندي وحياتي هيج جازيتة مايستاهل هيج اسوي بي كضيت اليل ابجي وخواتي يواسوني يمكن بس جنات بينة فرحانة ومرتاحة بس من تشوف حالنة تنكسر فرحتهة
