كبوات جواد الجزء 1-2...بقلمي/وعد يحيي

كبوات جواد:-

  الحلقه 40:-
______________
فتح احمد عينيه ليجد ريهام لا تزال نائمه في سكينه و انفاس منتظمه فتح ضوء الاباجورا الخافت و اعتلدت يفرك عينيه نظر في ساعته فوجدها الثامنه مساءً
استدار لها أيوقظها ام لا؟
تأمل وجهها........
لقد ذبلت ملامحها تماما من اول جلسه كماوي
كيف تجهمت عيناها و جفت شفاتيها و بهت جمالها!
اغروقت عيناه بالدموع و عض ع شفتيه كي يمنع صوت انينه مرر اصابعه ع وجنتها برقه شديده.....
انخفض يطع قبله ع جبينها فلم تصحو او تشعر به فاغلق الضوء و غادر الغرفه......
لم يمر كثيرا حتي استمع الي صياحها الخائف:-
-احمد!احمد!
دلف الي الغرفه بسرعه و فتح الذوء فقامت من الفراش بسرعه شديده فتعثرت بالملاءه و وقعت ارضا بوهن
فاقترب منها بلهفه و لوعه شديده و حملها كي تقف
احمد:-انتي كويسه؟
ريهام:-اه بس اتخضيت لما صحيت لقيت الدنيا ضلمه!و انت مش جمبي فقلبي اتقبض
قالت بخفوت و هو يربت ع شعرها:-فكرتني موت و في قبري
تبسم لتفكيرها الساذج ثم قال برقه:-انا اسف اوي يا حببتي كان المفروض اسيب نور الابجورا ....بس تعالي تعالي
خرج بها الي غرفه السفره فوجدته قد اعدت المعكرونه المعده بصوص الطماطم و قطع البنيه الشهيه و البطاطس
ابتسمت و مشت بضعف حتي جلست امام السفره و جلس امامها
احمد:-كلي الطقه طقتين.......وحده ليكي و وحده لابني!هه؟
و كأن ريهام قد نست امر طفلها فتبسمت بسعاده:-حاضر يا حبيبي
كادت ان تمد يدها فقال بسرعه:-لا
ريهام:-ايه
احمد:-قولي ورايا.....اللهم اجعل لي شفاءً في هذا الطعام
ريهام بابتسامه مراره:-اللهم اجعل لي شفاءً في هذا الطعام
احمد:-و اشفيني و اعفيني و اعفو عني و اجعل لي مخرجا من مرضي
ريهام:-و اشفيني و اعفيني و اعفو عني و اجعل لي مخرجا من مرضي
احمد:-انك انت الشافي العافي يا ارحم الرحمين
ريهام و دموعها تتساقط:-انك انت الشافي العافي يا ارحم الراحمين
احمد:-امين
ريهام:-امين
انزل يده بخشوع فلمح دموعها فانتقل الي المقعد المجاور لها و ضمها له برقه و قال:-لما بشوفك بتعيطي بحس ان في حاجه مش طبيعيه......عشان كده متعيطيش عاوز احس ان كل حاجه عادي انا هو انا و انتي هي انتي الجديد بس انك حامل يا حياتي
دفنت وجهها بصدره و زاد صوت بكائها فوضع يده ع شعرها:-لا حول و لا قوه الا بالله ليه بس كده يا ريهام النكد ده ما احنا اهو كويسين
ابعدها عنه و تناول ملعقه و وضع بها قليل من المعكرونه و قربها من فاها بحب اغدق عينيه و عطف بدا واضحا في فعله فأبعدت يده قائله بقوه:-
-احمد انا كويسه و مش محتاجه شفقه و بعرف آكل
احمد بصبر:-دي يا حببتي مسمهاش شفقه ده دلع بس عادي يعني حببتي و بأكلك فيها حاجه دي؟
تناولت منه الملعقه:-لا انا هاكل
احمد:-ماشي
ثم شرع في تناول طعامه دون توجيه اهتمام لها كي لا تشعر بأي شفقه منه.........
_____________________________________
تحلت كوكب بالهدوء و اطرقت برأسها و ابتسمت بهدوء و ثقه ثم تقدمت من طاوله في موقع من الغير ممكن ان لا يراها جواد و اسيل
وضعت حقيبه الهدايا بهدوء ع المقعد المجاور لها ثم فتحت قائمه الطعام و نظرت بها في هدوء
**اسيل:-بس تعرف الواحد مش بيحس بقيمه البلد و الله الا لما يمشي
جواد:-يا ستي و دي بلد اصلا؟
اسيل:-سافر انت بس بره
جواد:-ههههههه لا ياستي انا مبسوط شرم و القاهره زي الفل
غمزت بمداعبه:-اه و البنااات
جواد:-بالظبط كده
كادت اسيل ان تتحدث الا انها لمحت كوكب تنظر في قائمه الطعام
اسيل بسرعه:-جووواد؟!
جواد بتعجب:-ايه؟
اسيل:-بص بسرعه مين في الطربيزه الي ع اليمين
نظر بهدوء فما ان لمحها حتي انتفض و هو يعتدل بتوتر أيختبئ ام يناديها ام هي رآته ام لم تراه؟
و ان رآته فلما لم تفعل شيئا؟
و ان لم تراه فماذا ستفعل حين يحدث ذلك؟!
شعر بتوتر غريب للغايه و جزع لا مثيل له حين تخيل ان الفراق منها قد يحدث
ماهذا؟هل انت خائفا ع حب قد اهملت فيه؟!
هل انت جزعا ان تفقد حبيب لم تهتم بيه!؟
و ألم يكن انت الذي قلت لا يهم لي!
سحقا لعقلك العنيد!
و تبا لقلب لا يعلم قيمه الحبيب!
**جواد بتوتر و هو يحاول ان يخبئ وجهه بيده:-اسيل قومي امشي براحه
اسيل:-نعم؟!انت مش قلت قبل كده انك مش همك!
جواد:-معلش انا مش حابب اخسرها ابدا
اسيل باستنكار:-انت بتحبها؟
جواد:-انا؟
اسيل:-ههههههههههههههههه مش معقول جواد انت واقع
جواد بعصبيه:-ايوه فيها ايه دي بحبها
نظرت باستحقار لها:-ليه؟
جواد:-مش وقت شرح يا اسيل
اسيل ببرود:-انا مش هقوم قوم انت انا متوقعتش انك تخاف من وحده بنت
جواد:-خايف ع مشعرها! و في فرق و قومي بقه
اسيل:-يسلام!هو الاعده معايا كفر يعني و بعدين ليه وفقت تخرج مع دي و دي و دي و معايا بدل خاااايف اوي ع قلب السنيورا
جواد:-لو سمحتي يا اسيل قومي!
لمح جواد ندي و هي تدخل بارتباك و كأنها تبحث عنه ليس عن كوكب
كوكب:-ندي تعالي يا حببتي
ندي:-هه؟ازيك يا كوكي
قبلتها كوكب بحب شديد و اعطتها الحقيبه:-كل سنه و انتي طيبه
ندي:-حببتي يا......
لمحت ندي جواد و اسيل فخار قلبها هويا ع صديقتها!
كوكب:-وقفه ليه اعدي
جلست ندي بخوف و جمود تنظر لعين صديقتها هل رآته ام لا؟
ندي:-كوكب.....هو انتي شيفه!!؟
كوكب:-هيهههههههههههه يعني؟
ندي:-قصدي...
كوكب بصوت مرتفع:-اااااااااه جوااااد لا متصلش بيا و بصراحه احسن..........مش طيقاه خالص........
اتسعت عينا ندي فهي لا تفهم
كوكب بصوت مرتفع :-انتي فكرا ايهاب؟!الي جبلي هديه
اومأت ندي برأسها بتعجب
كوكب:-عايز يتقدملي.....بفكر افك من جواد اصلا ده بني آدم هري اصلا و ايهاب جد
ندي:-يا بنتي اخرسي صوتك عالي
نظرت كوكب بتحدي الي عينا جواد:-طب و احنا لينا حاجه عند حد؟!
فهمت ندي ما يحدث بينما وقف جواد بتوتر و اتجه لها:-
-قومي يا كوكب نخرج برا نتكلم بهدوء
كوكب تنظر لندي:-في حد واقف؟اصلي حسه بان حد.....
جذبها من ذراعها:-كوكب قومي
جذبت يدها بعنف و وقفت صائحه:-عايز ايه انت و مين اصلا؟!