كبوات جواد الجزء 1-2...بقلمي/وعد يحيي

17-18

  الفصل السابع عشر:-
_____________
روايه(كبوات جواد) ج2:-
________________
بقلمي/وعد يحيي البكري:-
____________________
تلجم اياد قليلا ثم ابتلع ريقه و لم يجب
ندي:-اممممم تحب ارد انا؟
اياد:-.............
ندي:-هقلك......انت اتجوزت بس حسيت انك نفسك تتسلي و تلعب عرفت اني فقدت الذاكره فحبيت ترجع تلعب شويه
اياد:-لا يا ندي مش ده الي.....
ندي:-انا مش عرفه اقلك ايه؟هان عليك ست شهور تخدعني؟بتحببني فيك لتاني مره؟اصحي من نومي الاقيني مش عرفا انا بحب انهي اياد.....اياد الاولاني و المعامله البارده و لا اياد بتاع دلوقتي....حنيه و رقه و حب!.......يا اخي انت ايه
اياد:-و الله عمري ما فكرت فيكي كده يا ندي انا فعلا افتكرت اني حبيت شيروت و لكني متخانق معها من سبع شهور حيتنا زفت كان نفسي ارجعلك اوي و كنت عارف موضوع الذاكره يا ندي بس مفكرتش فيكي كده لما قابلتك في الشارع اتعرفت عليكي اكني صديق....المره دي حبيتك بجد!
مسحت دموعها و هو يمسك يدها:-و الله بحبك بجد
قالت بألم:-7 شهور بحلهم حسه اني تايهه في بيت كبير كلو مداخل و مخارج و بدور حولين نفس الباب!..........و كل ده بسببك و انت لسه بتلعب عليا
قال بانفعال:-العب عليكي؟العب عليكي ايه افهمي بقه انا بحبك
قالت بحده:-و بعد الحب؟
اياد بحده اكبر:-هتجوزك يا ندي
___________________________________
المرشدي:-ايه ي جواد فينك مش شيفك يعني
جواد:-اهو عايش يا والدي
المرشدي:-انت مش ناوي تاخد خطوه كمان في موضوع اسيل
ارتعد جواد و هو يقول:-خطوه؟!........خطوه زي ايه؟!
المرشدي:-فرح بقه يا جواد خليني اخلص و اطمن عليك
جواد:-بابا انت شايفني ريناد؟تطمن عليا ده ايه؟انا كويس و راااجل
المرشدي:-طب بلاش موضوع اطمن عليك...و بعد الخطوبه
جواد:-......
تنهد والده:-يابني كوكب سألت عليها في كل حته في قطر و ملقنهاش نعمل ايه تاني؟.....اعتبرها بنت مرت عليك و خلاص
جواد:-بنت مرت عليك و خلاص؟
ابتسم بسخريه مريره:-لا يا بابا ده عقاب شديد اوي من ربنا......بس ربي هو العالم اني مقصدش اخونها اخر مره دي و مقصدش اصلا اعمل حاجه اقسملك يا بابا اني ما فاكر حاجه
المرشدي:-انا مش فاهم اصلا ايه الي حصل
صمت جواد ثم تنهد:-خلاص يا بابا......انت عاوز ايه
المرشدي:-خبر جوازك من اسيل يا حبيبي يملا كل الجرايد خليني افرح بيك بقه
جواد بحزن:-اعمل اعلان و قولها يا بابا...........و ابقي قولي ع معاد الفرح علطول!
غادر الغرفه فتنهد والده بخيبه امل شديده ماذا عساه ان يفعل؟
__________________________________
ندي:-انت فاكر انك بتسكتني و خلاص و لا ايه
اياد:-لا يا ندي انا بحبك
ندي:-و مراتك؟
اياد:-متلزمنيش
ندي:-هفففففف
ساد صمت بينهما تحدث فيه النظرات و سرعان ما تبسم اياد و قال بمرح:-حمد لله ع السلامه
نظرت له بضيق و كراهيه شديده ثم غادرت
اياد:-ندي!يا ندي
نظر الجميع اليهما فعادت بغضب صائحه:-متحولش تتصل او تعمل اي حاجه توصل ليا بيها كفايه كده بقه ركز في بيتك و ولادك و ابعد عني..........
________________________________
الطبيب:-ان شاء الله الاشعه تطلع بكرا و نشوف كدا اخبار القلب
ضمت ريهام ابنها الي صدرها بخوف شديد بينما قال احمد:-طيب يا دكتور هو لو لقدر الله في ثقب في القلب و كده
الطبيب:-عمليه
احمد:-بس انا درست في الكليه ان العمليه دي مش قبل سن خمس سنين
الطبيب:-كنت لسه هكمل العمليه بعد خمس سنين و حاليا ادويه و متابعه بس ادعي منلقيش حاجه في الاشعه
احمد:-باذن الله......عن اذنك يا دكتور
الطبيب:-مع السلامه مع الف سلامه
غادر احمد برفقه ريهام فقال دون ان ينظر لها و هو يحمل كريم:-
-هاتي عنك
ناولته الطفل و احنت رأسها و مشت تنظر الي الارض
احمد:-هتروحي علطول ؟
لم يأتيه جواب فقال باسما:-ما تيجي ناخد الواد ده و نروح نعد علي النيل القعده المفضله بتعتنا
اصدرت ريهام صوتا كالموافقه فشبك اصابعه باصابعها و خطي الطريق......
قال و هو يتأمل النيل:-عارفه؟انا مش مصدق اني معاكي فعلا و بجد و كمان معانا قطه صغيره زي العثل......هههههههههه الواد طالع شبهك و هتبقي مصيبه شعره اصفر و عينه خضره و هيجنن البنات
قالها و هو يداعب انف الصغير
ريهام بصوت باكي:-انا مش مبسوطه
نظر لها بدهشه فقد توقع ان تضحك معه و تشرع في مداعبه الطفل نظر لها بتعجب ثم قال بخفوت:-مالك يا ريهام؟
ريهام:-انا اسفه يا احمد علي الي هقوله بس انا حولت امحي الاحساس ده ..........
احمد:-احساس ايه؟
ريهام:-الذمب!........انا السبب في يوم لما كنت انت متعذب و مش بتروح شغلك و السبب في انك بعت العياده حلمك و لغايه دلوقتي مش عارف تفتح وحده و السبب في مرض ابني الي ممكن يكون عنده هبقي السبب في تعبك تصرف ع دواه انا مكنش ينفع ابقي في العيله الجميله دي!
نظرت لاحمد و هي تبكي ثم لكريم ذاك الطفل ذا الوجه البرئ الذي ينظر لوالدته الباكيه بصمت كأنه يفهمها و يقدرها!
احمد:-طيب انا مش هتكلم ممكن نروح البيت و بعدين نتكلم
استسلمت له و هو يوقف سياره اجري و يفتح لها الباب ثم يناولها كريم و يستقل السياره بجانب قائد السياره
و يستعيذ بالله من الشيطان الرجيم
فهو يعرفها و يفهمها اكثر من نفسها و يعلم جيدا انها حين تصل لهذه الحاله المذريه ستكون ليله صعبه للغايه في اصرارها انها مذنبه و كيف انه سيصرف عنها هذا الاحساس
**ساد صمت شديد ع المنزل عندما دلفوا معا فاسرع احمد لغرفه كريم و وضعه في فراشه ثم تنهد و هو يخلع الجاكت و يستعد للحديث مع ريهام كأنه يستعد لمبارزه قويه
احمد:-اتكلمي يا حببتي و قولي كل حاجه انتي حساها
ريهام بدموع:-انا قلت كل حاجه في الشارع انا مش عرفه اضحك و لا اكون ع طبعتي و انا حسه اني السبب في تدمير حلمك و كمان السبب في تعب ابنك و......
وضع اصبعه ع فاها:-انتي عبيطه؟
ريهام:-أ........
احمد:-متتكلميش و ردي علي سؤالي انتي عبيطه؟!
اومأت برأسها نافيه
احمد:-يعني انتي مش عرفه انك لو مكنتيش في العائله دي مكنتش اصلا هتبقي موجوده اولا بقه مكنتش هتجوز غيرك ابدااااااا و ثانيا مكنتش هجيب طفل قمر 14 اللهم ما صلي ع النبي يعني لحسن انا غيران اني مش امور
تبسمت قائله:-مش امور ايه حرام عليك ده انا لما في وحده بتبص كده ببقي هقلع الي في رجلي و اديها بيه
ضحك بمرح و هو يملس ع شعرها:-انا بحبك اوي و نفسي في وعد منك
ريهام:-وعد ايه؟
احمد:-انك عمرك في حياتك ابدااااااااااااا ما تقولي الكلام ده و كمان تكوني بقه ام و زوجه لما يقبلنا مشكله مش تستلمي لاحزانك و العياط لسه يااااااااااامااااااااااااااا هنشوف سامعني يا حببتي
تبسمت:-اوعدك اكون اقوي
احمد:-احم احم عاوز اثبات
ريهام:-هههههههههههههههههههههه اوك
__________________________________
كوكب:-الو
ندي:-حببتي
كوكب:-عامله ايه يا روحي
ندي:-الحمد لله تمام
كوكب:-مالك
ندي:-بفتكر حاجه
كوكب:-حاجه ايه
-فاكره يا كوكب العروسه كرمبوبه لما حطينا ع وشها حبر اسود هيه لسه جديده؟هههههههههههههههههههه
كوكب:-ندي!انتي..........!
-و لا فاكره يا بت يا كوكب لما وقفتي تاكس اول يوم في اولي كليه و انتي ركبتي و انا لا
كوكب:-ههههههههههههههههههه مبرووووك مبروووك اخيرا فرحتني
ندي:-((احكيلك عن اياد و لا لا؟انا كدبت عليكي )) عامله ايه
كوكب:-تمام
ندي:-و دبي اخبارها ايه
كوكب:-كويسه
ندي:-ست شهور عدوا و مفيش اجازات
كوكب:-هههههههه انا نازله كمان اسبوع
ندي:-بجد!! اتبسطت اوي
كوكب:-بقلك انا هفتح فيس
ندي:-اخيرا بقالك ست شهور مش بتفتحي فيس لولولولولولي
كوكب:-هههههههههههه هفتح عشان رصيدي بيوجعني
ندي:-هههههههه اوك سلام
كوكب:-سلام افتحي فيس بقه
ندي:-تمام
فتحت كوكب موقع التواصل الاجتماعي لتجد الاف الاشعرات و مئات طلبات الصداقه و عشرات الرسائل
تبسمت و هي تفتح الرسائل لتجد 120 رساله من جواد يحاول الاعتذار فيها.......
كم نسته و كفت عن التفكيره به.......غريب!
ضغطت ع الاسم لتظهر الصفحه الشخصيه
((نشط منذ 5 اشهر))
كوكب هامسه:-يااااه!
بدأت في النزول لاسفل لعلها تري صوره له ......
الغريب انها لم تشتاق له تماما!
نسته و عاشت!
كانت خنقتها و ضيقها من زوج والدتها و ليس مما حدث.....
فهي تضحك و تمرح مع صديقتها الجديدات و ندي و تخرج و كل شيئ
فأين جواد من كل هذا؟!
و اول ما نزلت للمنشورات..........